JEREMIA 25:3 - ASII LAKDAP Bible (BSI)

³ “Amon se Josia ka Juda mung na hokham jawan li maq wiiroqshi ri wiitsam she angu na kriimaq phawan lata, ümchaü ranaiq niitaq saüli, wiiroq nai ri wiitsam she, Tatiwe raq ngi ma apaiq bomtsi chongkuq wanto kriika, ngi raq poshi min tlea mang maq, namshiq ma tsapkapkap chongkuq wan kang. Shatmaq namshiq raq tsantsii kuq man riilan.

Hawa Naga Bible 2001

³ “Amon saz Yuda hokhvmx Joshia hokhvmx yaungc wawc rokshiz rac wawc thuimx maq raz tueq majuiuc nuex httuiuc laz wawc rok nueyc rac wawc thuimx tup, Yehowa rueq ngaz muex jungx phuex rulc rv-ngvlc vpiq kvjaz mnoz muex jungc kuy tvkoc ngaz rueq mkaq muinz tv-phvyx mauk maq jungx kuq wvnc phaungx. Yuq muinz mnoz rueq tay tvtsuingc muq.

JEREMIA 25:3 Referencias Cruzadas

RAPHA HIQWA LAK 22:3

Kriimaq napjai ranap na ranap chumiili Abraham raq honglu chaq chang chin ka thamto. Raüta akumtoq kaü raikhü na miito. Raüta apaiq rai Isak kiimaq ajaqshise wenai kra shea wanto. Raüta tsangshiq ka apaiq ma Shiikeawe raq chongtaq hiq ba kiiniishe wawanto.

1 HOKHVMX 22:3

Ahab raq asengi ajong alabi ma akha waito, “Riita nashiq raq Gilead wang wa Ramoth chela ka Siria mung hokhamwe jaq wa jangho nong miitu jamlai min klo mai dea ka jam nguto? Kriika nashiq hiq kata!”

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

2 KAÜWA WERAÜ 24:19

Tatiwe raq tsangshiq phana hon chongketi shammibi thun tiikito. Raüta tsangshiq ka apaiq wokhong na jang wan nong miitu tsü chong kuqto. Shatmaq mungmaiqse raq taimak riito.

2 KAÜWA WERAÜ 34:1

Josia ka arawii wiitiichat angu na Juda mung na hokham ma shongto. Kiimaq apaiq ka Jerusalem na ngaraüta mung ka wiiroqtsam ri wiishi siqto.

2 KAÜWA WERAÜ 34:3

Josia ka hokham jawanli maq wiitiichat she angu na, apaiq ka noseji shaq niili apaiq raq ati tipai Hokhamwe Dawit Shiikeawe ka shomnoq phahoto. Kriimaq wiiblai jaimiili apaiq raq thatsang chang shomjam thun kra, kiimaq jechak phra kaü Ashera berong thun kra, kiimaq laihin sumla phra phong thun kra wiita shiithen baiqto.

2 KAÜWA WERAÜ 34:8

Apaiq raq mung siq wan li maq rawii roqshi ri wiitiichat she angu na apaiq raq amungtan nai Shomjam wa thatsang jaqsham kra tiithum baiq wan jai niishe, Hokhamwe Josia raq Tatiwe Shiikeawe Shomjam kra tiihea haikai miitu maiq wetsam tiikito; Tsangtsam mang ka Ajalia se Shaphan, Jerusalem wanghuptiwe Maaseia, kiimaq Joahaj se Joa, awokhong wa siihiip ajong weshi kra tiikito.

2 KAÜWA WERAÜ 36:15

Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.

Tvtsvmc 81:13

Ngi raq Isenginok raq ibom tai raüjaq nguta tsinngin wankang; tsangshiq ka Iwokhong na si raüjaq nguta pinthum tsinngin wan kang!

DUNGWVNC 8:20

Tatiwe raq Mosheq ma thaüto, “Anap ranap chu maq walaq laüta hokhamwe ka jürai na kitlaq kiijaq riihumlaq. Laüta apaiq ma Tatiwe raq akha ngutlo nguta chonglaq, ‘Isenginok ka tiiwa laq. Raüta tsangshiq raq Ngi mishomnoq laq.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

JEREMIA 1:2

Tatiwe raq Jeremia rai riibomto kra rawii ka Amon se Josia ka Juda mung na hokham jawan li maq rawii wiiroqshi ri wiitsam she angu na riito.

JEREMIA 11:7

Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 25:4

Tatiwe riika apaiq jaqshisetiim shammibi tiikiruq raüta namshiq ma apaiq bomtsi tiichong kuq wanto. Shatmaq namshiq raq apaiq bomchong ka taiman riiwan lan kiimaq tsan na shaq wan man riilan.

JEREMIA 26:5

Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.

JEREMIA 29:19

Tsangshiq ma akha chamchao sangrai ka misaüwan, jamkhano ngukla, tsangshiq raq, Ngi raq ishammibi thun tiikilata i tsütsa tiichongki kang thun kra taimak wiita tlea wanto. Tsangshiq raq taimak shipoq wanto.

JEREMIA 32:33

Tsangshiq raq Ngi ma jainong shungkuq wanto. Ngi raq tsangshiq ma ümtinkhan wa shrinkuq wan kang. Shatmaq tsangshiq raq ibom chong ka taimak dongdii tlea wanto. Kiimaq saptsin wan hai jaq ngutiika manhii mak dongdii.

JEREMIA 35:14

Jonadab saüse phan raq apaiq tsiichong bomtsi ka lang wan raüta, tsangshiq raq che nyangmak sitlo. Ümchaü ranaiq na saüli tsangshiq phongwa weshi ra riimin che ka nyangmak pentlo. Shatmaq Ngi raq namshiq ma tsii chongke ka tsaq mang phan chongkuq wan ruq chongkuq tiikang. Shatmaq namshiq raq ibom ka lang man tlea tlan.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 36:1

Josia se Jehoiakim ka Juda mung na hokham jawan li maq wiiblai she angu na, Tatiwe raq ngi ma chongto,

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

JEREMIA 44:4

Ngi raq namshiq phana ijaqshisetiim shammibi riilü wantlii ibom tiichongkai tiikikang. Tsangshiq raq namshiq ma ara riiqkhiq ngi raq pinthum saisitiikang kra naq klo rongkiq nguta ümtinkhan wa chongkuqto.

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 7:25

Namtitiim pat na Ejip mung maq laüwantaq ranaiq maq pha wan raüta, ümchaü ranaiq niitaq saüli, ngi raq ngi ijaqshisetiim shammibi ka namshiq pha na tiiki ruqli tiikitiikang.

EJEKIEL 33:4

Maiq weshi ra raq hünong tsü ka mitai shatmaq hon lam mak maq siraüla, re ka wa raüta apaiq ka mitsatbaiq, raüla apaiq tsaitaq kha ka akhupo niili midea.

JEKERIA 1:4

Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.

Mark 1:35

Anap ranap na, wuwacho niili, Jesuq ka tiidohoto. Raüta, chela phai na, maiq akaiq kaiq ba na kihoto. Raüta achu jaüto.

John 8:2

Anap ranaiq miishe, ranap chu maq, apaiq ka Shomjam rinkea rukmong na kiho nongto. Kra akhing na maiq pahea ka apaiq tro na riitam ngato. Krai mren, apaiq min anga raüta tsangshiq ma Shiikeawe bomtsi shrinkuqto.

John 8:47

Juwa Shiikeawe pha wa aki, kriiti riili Shiikeawe bomtsi ka tiitsang tai tlo. Shatmaq, namshiq ka Shiikeawe setiim ka riimak. Kriikha maq, namshiq raq apaiq bomtsi ka tai roman.”

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.