JOSHUA 24:19 - ASII LAKDAP Bible (BSI) Kiijiishe Joshua raq mungmaiqse ma nguto, “Shatmaq namshiq raq Tatiwe ka shiili lot man mirhan sham. Apaiq ka asii Shiikeawe. Kiimaq apaiq raq namshiq ngarai thun ka diikuq mak miraq. Apaiq raq apaiq rai riilongti thun ka ninlot mak miraq. Hawa Naga Bible 2001 Yoshua rueq miq htenc muex ngoc, “Yuq muinz nuimshiq rueq Yehowa muex nawk palx kuq lot shuinx rvmuq. Vpiq kuex vsawc Tishox rvtueq ningkhvnc nuex nuimshiq mvrax kuex dawc kuq kv-phuinx rvmuq. Vpiq rulc rvlongx palx jix muex nanx kuq shuex rvmuq, |
Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.
Tiitsam ronglaq nashiq Tati Shiikeawe; apaiq hokham ngacho khaki maq shomnoq rong i! Apaiq ka asii!
Tiitsam ronglaq Tatiwe nashiq Shiikeawe, lanta apaiq asii hiqlam kiijaq shomnoq ronglaq! Tatiwe nashiq Shiikeawe ka asii.
Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.
Apaiq bom ka tiitsang tailaq. Laüta apaiq wokhong na silaq. Akiq ka naqkhiikiq. Jamkhano ngukla apaiq ka Ngi raq atiikiha. Kiimaq apaiq raq akiq khiiti ka tiijoq mak miraq.
“Namshiq raq laihin phra naq shomnoq rongkiq. Jamkhano ngukla, Ngi, Tatiwe raq Ngi rai riilongtibi ka ninlot mang.
Ngi raq ikiq kham bomtsi ka maiq pat pat ahing amun na saüli thütiikang. Kiimaq abi kiimung nai ngarai kra diikuq tiikang. Shatmaq Ngi riika anyungwe ngarai miitu, asetiim ma kiimaq asaütiim ma kiimaq maiqpat pat tsam na kiimaq patblai na saüli mo tiiho ka tiipoi mang mirha.”
Maiq loweatek ma jea mitiingaü wan. Raüta tsang khushü ka mijamki. Tati lei, tsangshiq ngarai ka naqdii kuqkiq!
Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.
Naishiq lam wa tiijintlo ronglaq. Naishiq lam ka naq tiibanbi rongkiq. Naishiq raq namshiq Shiikeawe asii Israilnok Shiikeawe bom chong ka tairo mai.”
Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!
Shatmaq Ajong Pinthum Tati riika kappe sham raüta riikhaqli maq kha photlo. Raüta apaiq jonglu kra tiichhikuqtlo. Kiimaq apaiq asii rilung ka asenginok kha phokuqtlaq kra lümaq tiichhikuqtlo.
Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.
Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.
Ngi ka Tatiwe namshiq ka Ejip mung wa shea wanti. Kriika Ngi ka namshiq Shiikeawe ma ja miitu shea wan kang. Namshiq ka asii siraa dongdii. Jamkhano ngukla Ngi ka asii.
Israilnok ma akha chonglaq, “Namshiq ka asii sironglaq. Jamkhano ngukla Ngi ka Tatiwe, namshiq Shiikeawe ka asii.
Namshiq ka asii misi han kiimaq Ngi riili. Jamkhano ngukla Ngi ka Tatiwe kiimaq Ngi ka asii. Ngi raq namshiq ka nanok maiq mung ahin thun phong wa pong niishe rai rii wan kang. Krai mren namshiq ka Ngi rii miituli she misi han.
Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.
Shatmaq ara abi pinthum Bebilon mungti ara, ümniiraq jam mak mo lii tlaü? ümnaq asii mak maq ara, abi pinthum kiimung tlaq ara, jamriimo nin tlaü? Tsangshiq raq tsangshiq thaq na, kechu maiqse mung ka, khat wan raüta jiip wan tlaq kra chhilaüta jamto brorii maü kaiqshak si tlaü.
“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”
Kiimaq nashiq ka armung niishe saü wan kaita, arjaq siti Amoraiqnok thun ka Tatiwe raq wiita jobaiq wanto. Kra ningkhan, naishiq riimin, Tatiwe kli mishlihai. Apaiq kli naishiq Shiikeawe.”
“Ikhla, namshiq phong na pongmungti phra thun rümtlan kra wiita miimbaiq rong laq. Lanta namshiq ka Israilnok Tati Shiikeawe puk na nyap ronglaq,” nguta apaiq raq tsangshiq ka shiitepto.
Kiijiishe Naomi raq, “Liilaq, ümnochhi-nyung kra liimaüta. Apaiq ka anyungwe jam niishe jang wanto. Kiimaq apaiq raq shomnoq tlaq shiikeawe pha niishe jang wan nongto. Ümchaü ümniimin apaiq rai ümnyungwe jam niili she jang wan laq.”
Kriikha na, ngi raq sinkham lata, Eli tahii ma linham linhok khatan bomtsi chongkuq tiikang, ümtin khan nyamse honglu kuq raü min, kiimaq ümtinkhan honglu kuq raü min, tsangshiq raq atinkhan abi pinthum ngarai tangtaq mra ka tiikhoi baiq lot mak she.”
Kra ningkhan Beth Shemesh chelati raq nguto, “Tatiwe man na, ara asii Shiikeawe man na juwa michap lot? Apaiq ka nashiq tho wa alu na, ümbano mitiiwa rong i?”