JOSHUA 24:19 - Hawa Naga Bible 2001

¹⁹ Yoshua rueq miq htenc muex ngoc, “Yuq muinz nuimshiq rueq Yehowa muex nawk palx kuq lot shuinx rvmuq. Vpiq kuex vsawc Tishox rvtueq ningkhvnc nuex nuimshiq mvrax kuex dawc kuq kv-phuinx rvmuq. Vpiq rulc rvlongx palx jix muex nanx kuq shuex rvmuq,

ASII LAKDAP Bible (BSI)

¹⁹ Kiijiishe Joshua raq mungmaiqse ma nguto, “Shatmaq namshiq raq Tatiwe ka shiili lot man mirhan sham. Apaiq ka asii Shiikeawe. Kiimaq apaiq raq namshiq ngarai thun ka diikuq mak miraq. Apaiq raq apaiq rai riilongti thun ka ninlot mak miraq.

JOSHUA 24:19 Referencias Cruzadas

2 KAÜWA WERAÜ 36:16

Yuq muinz tsuingshiq rueq Tishox bomjungc jix hez kuex shummarc vtueq, vpiq kvjaz kuex wvlc guez waqguez tvyaungc ruiux, vpiq shvmmax bix kuex ngoz ngax nueykuic wuez tueq, kvkhoc rvtueq tvsuip nuex Yehowa rueq vpiq miqsaz htenc kuex dungc wvnc juing vguez laz juing khaq tueq.

Tvtsvmc 99:3

Miq ruip rawx rueq vpiq yungx luz vtueq ngauz vngax mvrc yaq muingc jungc kuex tvtsvmc wuez shuex. Vpiq kuex Vsawc rvtueq!

Tvtsvmc 99:5

Yehowa naungshiq Tishox muex tvtsvmc wuez shuinz; vpiq hoc daungraungc khaungkac nuex bumx vtueq nawk wuez shuinz! Vpiq kuex Vsawc rvtueq!

Tvtsvmc 99:9

Yehowa naungshiq Tishox muex tvtsvmc wuez shuinz, vpiq vsawc ghaqluimx nuex nawk palx wuez shuinz! Yehowa naungshiq Tishox kuex vsawc rvtueq.

DUNGWVNC 20:5

Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

DUNGWVNC 23:21

Piq muex tvtsanc nganc vtueq, piq kvjaz phvnx shuinz. Piq muex nauk khawx lvlx kaz, yvmx khoc lac ngoz ruiux lec piq kuex ngaz rueq vtvkaz rvtueq, piq rueq kvkhoc khawc lvlc jix muex mvrax dawc kuq shuex rvmuq.

DUNGWVNC 34:14

“Ngaz, Yehowa rulc rvlongx palx kuex nanx shaungx rvmuq ningkhvnc nuex vganc tishox kuex nauk nawk palx kaz.

DUNGWVNC 34:7

Ngaz kuex miqphvnx vhingc vmunc paung yaq htenc muex ngvy bomkhvmc kuex tv-phaungx kuq vtueq, ngarvyx nuiyc mvrax kuex dawc kuq shaungx; yuq muinz vnyuiuz vwaz mvrax kuex saz pat suiuz pat, pat thuimx, pat bvlic nuex httuiuc laz tvgurc shaungx,” ngoz tueq jungx tueq.

ISAIA 2:9

Miq pumz tek vtueq vyomc namc nuiyc muingc bac rvhumc wuez tuex. Yehowa lex, tsuingshiq muex mvrax nauk dawc kuq kaz!

ISAIA 27:11

Pulx jungx noz vphak htenc shanx wvnc ruiux yuq vtawk gay rvhumc yaq, yalxjuik rulx rueq kvruex janx muex htuimx kaz yaq. Miq htenc kuex yvmx muinz vtuiuz vtay vguez ningkhvnc nuex, tsuingshiq Tvdungc Sungc jix Tishox rueq tsuingshiq muex menjenc shuex rvmuq, tsuingshiq muex yvmx menjenc lvmz muinz tvkhic shuex rvmuq.

ISAIA 30:11

Nuiyshiq lvmx wawc kvbanc kuinz nuiyshiq lvmx nauk taung kaz. Nuiyshiq rueq nuimshiq Israel muex vsawc Tishox nuex seng yaq lvmz kuex tay roc miq.”

ISAIA 30:15

Johvlc Yehowa Israel muex vsawc Tishox rueq miq htenc muex ngoc, “Suinglix maq yek waung vtueq ngaz muex tvluimc wuez kuit. Kvkaq nuimshiq nuex hungc vlaungc lvp wvnc vtueq kvwungx juing lvmz lvp shuinx,” ngoz tueq jungx tueq. Yuq muinz nuimshiq rueq kvkhoc ruec tvkoc tvlvlc wuez tuit.

ISAIA 5:16

Yuq muinz Tvphaungc Tvsuip Yehowa kuex vlvmz shuimx kaz vtueq vpiq yungx luz yaq lvmz kuex tvkhic yaq, vpiq rueq vpiq miqsaz muex phox kuq vtueq vpiq vsawc lvmz kuex tvkhic kuq yaq.

LEWI 10:3

Kvruex yimaq Moshe rueq Arun muex, “Yehowa rueq ngoc, ‘Ngvy yauk shuimc jix lotlaz rueq vsawc ngaz kuex tvtsanc nganc wuez rax; ngvy miq htenc muex ngvy ngauz vngax kuex tvdung tvkhic shaungx,’ ngoz tueq kuex vruex ngoc ngoz tueq,” ngoz tueq jungx tueq. Yuq muinz Arun kuex kuiyqshuik dvyx rvtueq.

LEWI 11:44

Ngaz kuex Yehowa nuimshiq Tishox rvtauk, nuimshiq shauk pumz kuex vsawc taq shuinz, yvmx khoc lac ngoz ruiux lec ngaz kuex vsawc rvtauk.

LEWI 11:45

Ngaz kuex Yehowa rvtauk, Ejip mungx wawc nuimshiq tvdungc shvlc wvnc jix nuimshiq Tishox rvtauk. Nuimshiq vsawc yaungc rax, yvmx khoc lac ngoz ruiux lec ngaz kuex vsawc rvtauk.

LEWI 19:2

Israel mungx miqsaz muex vkhoc jungx kuq tueq, “Nuimshiq vsawc yaungc rax, yvmx khoc lac ngoz ruiux lec Ngaz Yehowa nuimshiq Tishox kuex vsawc rvtauk.

LEWI 20:26

Nuimshiq kuex ngaz rueq guimz vphaungx ningkhvnc nuex vsawc yaungc rax, yvmx khoc lac ngoz ruiux lec ngaz kuex vsawc nuiyc Ngaz kuex Yehowa rvtauk. Ngaz rueq dvyx nuimshiq kuex guimz wvnc tvkoc miqphvnx ruip rawx htauk wawc thvl wvnc phaungx.

LEWI 20:7

Miqmac pumz kuex vsawc yaungx kuinz, yvmx khoc lac ngoz ruiux lec Ngaz kuex Yehowa nuimshiq Tishox rvtauk.

NAHUM 1:2

Yehowa Tishox rueq rvlongx palx yauk shuimc kuex nanx yaq rvmuq; vpiq kuex vpiq tvgap gawx jix htenc muex murx tvgurc yaq. Thuinz tvkhaq vtueq tsuingshiq muex murx tvyez kuq yaq.

HABAKUK 1:13

Yuq muinz mnoz rueq vruex kv-phelc kvruik raz tueq honc vbac miqsaz htenc muex yvmx khoc lac nanx kuq vshuiux? Mmuik htenc kuex pinhtumc sawc hvlc ningkhvnc nuex honc vbac htenc kuex lawc roc muq, miqsaz htenc rueq vyaq yauk shuimx yaq kvmuinz mnoz rueq nanx lot muq. Kvkhoc rvyruiux tsuingshiq rueq tsuingshiq htauk nuex jvnc vtueq tsuingrux yaq miqsaz htenc tvbac gay yaq nuex mnoz kuex yvmx rvtueq lac kuiyqshuik dvyx httax vtuiux?

Matthew 6:24

“Ukhaq muinz jiyungx wanueyc bomc nvrc jix muex yaungx lot muq; piq rueq washiz kuex shuiuc vtueq washiz kuex lungwawx shuex; washiz nuex tvmtuing httax ruiux, vganc washiz muex wvlc guez rvshuex. Nuimshiq rueq Tishox muex muinz mungkawx tsak vnyvmx muex muinz vdvmz nuex shuimx lvp muit.

JOSHUA 24:18

Naungshiq vruex mungx nuex nyuip wvnc tiq nuex vruex mungx nuex httax yaq Amori miqsaz lotlaz Yehowa rueq yurc gay tueq. Kvkhoc rvtueq nuiyshiq rueq muinz Yehowa muex dvyx nawk palx wuez shix; vpiq dvyx naungshiq Tishox rvtueq,” ngoz tueq tvralc tueq.

JOSHUA 24:23

Piq rueq, “Kvkhoc ngoz ruiux lec nuimshiq nuex httax yaq vganc tishox htenc kuex tuip gay ruiux, Yehowa Israel Tishox muex tvmtuing httaz lvmz khvmc kuq shuinz,” ngoz tueq jungx tueq.

RUTHA 1:15

Kvkhoc rvtueq Naomi rueq piq muex ngoc, “Rutha lex, mnyaz kuex vphvnx vmaq nuiyc piq tishox kox nuex shex yek waung. Mnoz muinz piq rulc vdvmz yuimx nuex yek waung kuiuz,” ngoz kuq tueq.

1 SAMUEL 3:14

Kvkhoc rvtueq shomc nawk juing maq muinz shomc kuy juing maq muinz vruex kvhiz juing mvrax kuex mkaq muinz tvhttot lot muq shex ngoz tueq Eli yuimx wuinz muex ngaz rueq tuemc kuq gay tauk,” ngoz tueq jungx tueq.

1 SAMUEL 6:20

Kvkhoc rvtueq Bet Shemesh ghaq wawc miqwaz rulx rueq, “Vruex sawc hvlc Yehowa Tishox khaungkac nuex uwaz lac jvp lot tvnx? Nuiyshiq kox vwawc vpiq kuex mruex baung nuex lac nuiyshiq rueq tvkaz gay shix nguinx?” ngoz tueq rvjungc wuez tueq.