“Kvkhoc rvtueq majuiuc ngvy miqsaz htenc lex, vruex vhvlx mungtan kuex nuimshiq tvkoc lvp taq vtueq patshiz maq patshiz nuimshiq yauk nuex tsingx ngaungx tvkoc naungshiq Tishox khaungkac nuex nuiyc Yehowa miqsaz ngoz yaq Israel miqsaz lotlaz rvtuimx yaq htumc nuex, Yehowa naungshiq Tishox rueq naungshiq muex nvrc phuex phvnx ruip saz kuex tvmtuing maq phvnc wuez tvkoc ngaz rueq nuimshiq muex jungx vphaungx.”
JOSHUA 24:20 - Hawa Naga Bible 200120 nuimshiq rueq pungmungx tishox htenc muex nawk palx tvkoc vpiq kuex gay ruiux yuq, vpiq rueq nuimshiq kuex tvyez khawx vtueq murx tvgurc kv-phuinx. Kungkhux nuex nuimshiq muex vhvlx maq ruez kuq wvnc kv-phuinx, yuq muinz vpiq rueq nuimshiq kuex tvbac gay kv-phuinx,” ngoz tueq jungx tueq. Ver CapítuloASII LAKDAP Bible (BSI)20 Kiimaq namshiq raq apaiq baiqthü lanta pongmungti phra thun shomnoq kai kiho hanla, apaiq ka ma wesang she mijaki. Raüta namshiq ma mo mitiiho. Apaiq ka man na namshiq rai ahea sito li jiimin, apaiq raq namshiq ka mishthen baiq.” Ver Capítulo |
JOSHUA 24:20
19 Referencias Cruzadas
Piq rueq Solomon muex ngoc, “Isaz lex, mnoz rueq m-waz Tishox muex kvjungc vtueq, vthvlc vhttauk thuinz vguez maq, raungc raq thuinz vmungx maq vpiq muex nawk palx tvkoc ngaz rueq mnoz muex nvr vphaungx. Naungshiq rueq kvmungx vshix lvmz nuiyc raungc raq vshix lvmz lotlaz kuex vpiq rueq tuiuz yaq. Mnoz kuex vpiq kox nuex kvnvp ruiux yuq, vpiq rueq mnoz kuex lvp wvnc shuex; yuq muinz mnoz rueq vpiq muex yix tvnungx shung kuq ruiux yuq, vpiq rueq mnoz kuex pattup tuip gay kv-phux.
piq kuex Hokhvmx Asa kox nuex rvhumc kay kaz wvnc tueq. Piq rueq, “Hokhvmx Asa nuiyc Yuda nuiyc Benjamin miqsaz lotlaz lex, ngvy kvjaz tay shuinz! Nuimshiq kuex vpiq rulc vdvmz httax tuinx wawwawx Yehowa muinz nuimshiq rulc vdvmz httax yaq. Nuimshiq rueq vpiq kuex thuiyx ruiux yuq, vpiq rueq muinz nuimshiq muex kvhumc kv-phuinx, yuq muinz nuimshiq rueq vpiq muex yix tvnungx shung kuq ruiux yuq, vpiq rueq nuimshiq kuex tvdux gay kv-phuinx.
Naungshiq Tishox rueq vpiq muex kvmluimx jix miqsaz ruip rawx muex ruimrix kuq yaq, yuq muinz vpiq kox maq kvroz wvnc jix kuex raungc raq muq nuiyc murx tvgurc yaq ngoz tueq piq muex ngaz rueq jungx tauk, naungshiq khuemx wvnc tix lvmx nuex naungshiq kuex ralx yauk wawc tvkhup tvwungx kuy tvkoc mvre nolaungx phungc shiz honoc waz kox wawc thoz muex ngaz yvlc sac vtaungx.
“Yuq muinz tsuingrux miq vshiz shiz rueq vhvlx yauk shuimc kuex httvr gay ruiux, layx bac jix miq rueq shuimx kaz yaq miqsuirc vsac phvnx lotlaz kuex shuimx phaungc wvnc ruiux yuq, piq kuex vtvraungx maq dvyx haz rvlez httax tvnx? Rvmuq! Piq rueq shuimx wvnc tueq wawc vhvlx phvnx shiz saz doc muinz tvtsuingc taq kuq shuex rvmuq. Piq tvmtuing vguez nuiyc piq mvrax htenc ningkhvnc nuex piq kuex vthueyc rvtuex.
Kvkhoc rvtueq Tishox kuex tsuingshiq kox wawc htvlx phawc phel wvnc ruiux, raungmungx wawc ruiysuiyq htenc nawk palx tvkoc tsuingshiq kuex tuip gay shec tueq, ngoz tueq shvmmax luik htenc nuex wuiyq shec tueq kuex: ‘Israel miqsaz htenc lex, wawc rok bvlic tup kumtsvy tvnx nuex nuimshiq rueq shomc nawk kuy juing nyvmx saz htenc kuex thvt vtueq shomc kuq tuit kuex ngaz muex shomc kuy rvmuq!
“Nuimshiq rueq suiuz vsaz htenc lvp wvnc vtueq kvruex mungtan kvyuq loayc hvlc httax wvnc tuinx nuex, nuimshiq tvkoc ngoz tueq phvnx shishiz yac kuex tvhungx guirx vtueq vyaq mvrax nauk tvdung kaz. Kvkhoc phvnx yauk shuimc kuex Yehowa khaungkac nuex vbac yauk shuimc nuiyc vpiq muex thuinz tvkhvy juing rvtueq.
Ngaz rueq raungx nuiyc ghaq muingc kuex ruingc vtueq hakhix taq vshaungx, ngvy kvjaz kuex nuimshiq rueq phvnx muit ngoz ruiux yuq, mtanc httax muit nuex kvruex mungtan kvyuq suimz wvnc tuinx. Nuimshiq rueq Yodan Ruilx kuex yanz wvnc vtueq khvt lvp wvnc shuinx mungtan kvyuq loayc hvlc tvraungx httax tuinx rvmuq. Nuimshiq kuex lotlaz tvbac gay rvhumc tuinx.
Anuncios