JOSHUA 24:21 - Hawa Naga Bible 2001

²¹ Miq htenc rueq Yoshua muex ngoc, “Rvmuq luez! Nuiyshiq rueq Yehowa muex dvyx nawk palx wuez shix,” ngoz tueq tvralc tueq.

ASII LAKDAP Bible (BSI)

²¹ Kiijiishe mungmaiqse raq Joshua ma nguto, “Riimak! Naishiq riika Tatiwe kli mishli hai.”

JOSHUA 24:21 Referencias Cruzadas

DUNGWVNC 19:8

Kvkaq miq lotlaz rueq vrungx vraz maq tvralc tueq kuex, “Yehowa rueq jungx tueq phvnx ruip htenc kuex nuiyshiq rueq phvnx shix,” ngoz tueq tvralc wuez tueq. Moshe rueq muinz miq htenc rueq tvralc tueq kvjaz kuex Yehowa muex tvtay jungx tueq.

DUNGWVNC 20:19

Tsuingshiq rueq Moshe muex ngoc, “Mnoz rueq dvyx nuiyshiq muex tvlvy jungx kuq koq; nuiyshiq rueq tay wuez shix; Tishox rueq nuiyshiq muex tiq jungx kuq ruiux kuex, nuiyshiq vthueyc muex hiz vtix,” ngoz tueq jungx tueq.

DUNGWVNC 24:3

Moshe kuex Israel miqsaz kox nuex yek kaz vtueq, Yehowa rueq nvr tueq lotlaz nuiyc kvjaz htenc kuex jungx kuq koq tueq, miq htenc lotlaz rueq vdvmz nuex tvralc tueq kuex, “Yehowa rueq jungx tueq lotlaz kuex nuiyshiq rueq phvnx shix,” ngoz tueq.

DUNGWVNC 24:7

Kvruex yimaq Yehowa rueq nvr tueq htenc vwuiyq taq shec bomkhvrc luik dvp kuex lvmz vtueq, miq htenc rueq tay laz juing wvl kuq tueq. Tsuingshiq rueq, “Yehowa kvjaz kuex nuiyshiq rueq tay wuez shix nuiyc piq rueq nvr tueq phvnx ruip saz htenc kuex nuiyshiq rueq phvnx shix,” ngoz tueq jungx tueq.

ISAIA 44:5

“Miq htenc kuex vshiz maq vshiz rueq, ‘Ngaz kuex Yehowa miq rvtauk,’ ngoz tueq kv-ngoc wuez tuex. Tsuingshiq kuex Israel miqsaz rulc rvhumc henc tvkoc httuiuc kaz tuex. Tsuingshiq yauk phumz htenc nuex Yehowa muingc kuex tvtsuingc ruiux, miqmac pumz kuex Tishox miq vshiz ikhoc kvmuingc tuex.”

TRI CHONGKE 26:17

Yehowa ngoc nuimshiq Tishox ngoz tueq muinz, vpiq rueq nvr yaq kvjaz kuex phvnx shix ngoz tueq muinz nuimshiq rueq bomkhvmc taq vshuinx kvmuinz, vpiq tvrac lotlaz phvnx ruiux vpiq rueq nvr yaq lotlaz shuimx shuinx ngoz tueq muinz, majuiuc raungnuiyq nuimshiq kvjungc vtuinx.

JOSHUA 24:20

nuimshiq rueq pungmungx tishox htenc muex nawk palx tvkoc vpiq kuex gay ruiux yuq, vpiq rueq nuimshiq kuex tvyez khawx vtueq murx tvgurc kv-phuinx. Kungkhux nuex nuimshiq muex vhvlx maq ruez kuq wvnc kv-phuinx, yuq muinz vpiq rueq nuimshiq kuex tvbac gay kv-phuinx,” ngoz tueq jungx tueq.

JOSHUA 24:22

Yoshua rueq tsuinghez muex ngoc, “Yehowa muex dvyx nawk palx wuez shix ngoz tueq nuimshiq rueq thvl wvnc tuit ningkhvnc nuex, nuimshiq miqmac dvyx hakhix yaungx vtuinx,” ngoz tueq. Tsuingshiq rueq, “Rvtueq, nuiyshiq miqmac nuiyc miqmac dvyx hakhix muex yaungx wuez vtix,” ngoz tueq tvralc tueq.