JOSHUA 24:20 - ASII LAKDAP Bible (BSI)

²⁰ Kiimaq namshiq raq apaiq baiqthü lanta pongmungti phra thun shomnoq kai kiho hanla, apaiq ka ma wesang she mijaki. Raüta namshiq ma mo mitiiho. Apaiq ka man na namshiq rai ahea sito li jiimin, apaiq raq namshiq ka mishthen baiq.”

Hawa Naga Bible 2001

²⁰ nuimshiq rueq pungmungx tishox htenc muex nawk palx tvkoc vpiq kuex gay ruiux yuq, vpiq rueq nuimshiq kuex tvyez khawx vtueq murx tvgurc kv-phuinx. Kungkhux nuex nuimshiq muex vhvlx maq ruez kuq wvnc kv-phuinx, yuq muinz vpiq rueq nuimshiq kuex tvbac gay kv-phuinx,” ngoz tueq jungx tueq.

JOSHUA 24:20 Referencias Cruzadas

1 KAÜWA WERAÜ 28:8

“Riita arningkhan, isenginok lei, nashiq Shiikeawe man na kiimaq arjaq Israil mungmaiqse kunli thung tlan arman na, Tatiwe sengi man na, ngi raq namshiq tarü ma aming kuq tiikang Tatiwe, nashiq Shiikeawe raq nashiq ma aming kuqtaq kra kunli tsapkapkap maq lang wan raa tlo. Kra riihanla namshiq raq ara hiqpo hiq win mung arjaq shong wan ruq lantea misiq wan han, lantea namshiq raq hali rawiichii na saünye senye pat ma kiinong kuq wan wan pattup pat-sa misiq wan.”

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

EJRA 8:22

Jamkhano ngukla, ngi raq hokhamwe jaqwa kumrang thaq na chaoti phenlabi, naishiqnok manglaü wanti wanhiq khum lam na, naishiq ma chiqse rewe maklii wa tiikhup wongke wan miitu, kuqlaq nguta jaü miika, phanshi jeasi chang lamlu ikha jato. Jamkhano ngukla, ngi raq hokhamwe ma naishiqnok Shiikeawe riika, apaiq ma kam wanti tarü ma, achu shiiman kuq tlo, kiimaq apaiq ma kamwan makti ka atiichamchao riitlo nguta achongwi she.

Tvtsvmc 89:31

kiimaq tsangshiq raq tsü achongkuqha kra shishe raüla, kiimaq ngi aming thun kra langmak raüla,

ISAIA 1:28

Shatmaq ngarai kloti nai apaiq kiq khiiti thun ka wiita kunkun atsea mirbaiq. Apaiq wokhong wa dongho raüta, apaiq miimbaiq thüti ka loweatek wiita atsea mirbaiq.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

Acts 7:42

Kriikha miishe, Shiikeawe raq tsangshiq ka jainong miishe shung baiqto. Raüta, ra na diimtlaq raiqsaiq jipi thun kra shomnoq wan ngarai tsantsii thiikho niishe tiidea baiqto. Shammibi lak na akha waiqto: ‘Israilnok lei! namshiq raq wiiroqblai, kumtsaiphii maq ngamsaü ngiqse, honglu na ta wan lan irka, ngi rii ka riimak.

TRI CHONGKE 4:25

“Kiimaq namshiq ka kra mung na shong wan jai rawii luhea siwan jai niimin, lanta namsetiim kiimaq namsaütiim pat niimin, namshiq raq maiqmii miitu jamlai phan sumla li jiimin hai lanta ngarai naq tang rongkiq. Arka Tatiwe makki na abi jong hea. Kra klo hanla apaiq ka namshiq ma tsankhiq miraq.

TRI CHONGKE 4:26

Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.

Hebrews 10:38

I sengi, asii maiqsetiim sitlaq thun riikla, kamtsantsii mithü, raüta atra misi. Shatmaq, tsangshiq phong wa ashira raq, I jai phan mak she tsaqki raü jiika, Kriiti miika, I tsan hea mak miraq.”

JOSHUA 24:21

Kiijiishe mungmaiqse raq Joshua ma nguto, “Riimak! Naishiq riika Tatiwe kli mishli hai.”

1 SAMUEL 12:15

Shatmaq namshiq raq Tatiwe bom taiman, tlea hanla, lanta apaiq aming thung kra jin han la, apaiq ka namshiq ma nai nam hokhamwe ma wesang miraq.

1 SAMUEL 12:25

Shatmaq namshiq raq ngarai ka tang wan ruq riihan la namshiq nai nam hokhamwe ka ashthen mirbaiq.”