JOSHUA 2:19 - ASII LAKDAP Bible (BSI) Riita ara bom riikham tiikai arai mren, ümjamti phong wa maiq ashi ra ka ara ümjam mong arwa kinphai niila dongki raüla, kriiti khupo ka tsangshiq maiqmii riili miho. Naishiq ka sepii miraq. Shamtaq ümjam mong wa maiq ka tsat raüla, kra mat kha ka naishiq khuthaq na miraq. Hawa Naga Bible 2001 Ukhaq yuq muinz yuimx vwawc yuz phic nuex dungc kay jix kuex piq thueyc lvmx kuex piq rueq yaq gay mvrax ningkhvnc nuex rvtuex; yuq muinz mnoz rulc vdvmz nuex yuimx mungx vyuq wawc tvthuiuz sac rvhumc ruiux yuq kuex nvnueyc muex seng yaq. |
Kiimaq Dawit raq Amalekwe kriima akha nguto, “Ara mat kha arka ümdü na ümniiraq ümnübok maq chong laü kriishe hophaq tlaü. Ümnaq tsaichang thiikho ka ümniiraq athu haü. Jamkhano ngukla, ümniiraq Tati raq hokhamwe ashong ka tsatbaiq kang nguta tiichong laü.”
Ikhiijiika, maiq weshi maiqsang, ajam na chamtraq akonsea kiiwa tseabaiqti abi thaq niimin abi kloti kriiti miika thiitsin pinthum matkha tiiho chang she miraq! Namnai raq maiqtsat lan arkha na, ngi raq namnai khuthaq na apaiq phuk kriishe milam ha! Lata namnai ka, ara hiq raikhü arwa michhii baiqha!”
Iwe ma tiisap mak maq Joab raq kra maiqsangti tsatbaiq wantaq kriikha ka Tatiwe raq Joab khupo na mitiiholaq. Joab raq maiqsang wenai tsatbaiq wantaq kriika apaiq thaq na maiqshaq tsatbaiqto. Apaiq raq Israilnok phenlabi pengti ajong pinthum phentuwe Abnar kiimaq Juda mungti phenlabi pengti ajong pinthum phentuwe Amasa tsatbaiqto.
Kilamchong pumpat na ngam tiijai nyattlan kriika namshiq sitlan jam thun ka pong na araibaiq miithii shong miraq. Krai mren ümtiikiiwa Ngi raq ngam tiijai ka michhiha, Ngi raq namshiq jam thun ka alea mirwanha. Kiimaq Ejip mungti tsat baiq wan tiikang na, Ngi raq namshiq ka tsat mang mitiihangha.
Lanta hissop pekü nyamtu lam lanta nüchhong winpin na ngam tiijai kiijaq tsam ronglaq. Lantiishe kra ngam tiijai maq namjam kilamchong siimko nai ri pumpat kiijaq nai kilamchong pumpat ra nüti kiijaq nei ronglaq. Namshiq jamti maiq jumin ranap ra miwü shaq wiiwii kinphai na dongkai maimak.
Krai mren ümtiikiiwa Tatiwe ka Ejip mung hamli wa Ejipnok tseakai kitlaq akhing na, apaiq raq kilamchong rati pumpat na nai siimkonai ri pumpat na ngam tiijai ka michhi. Raüla apaiq raq maiqtseati rase kitlaq kriika, namshiqnok jam mong na tiiwa mak miraq. Raüta namshiq ka tiitsat baiq mak miraq.
Maiq jurwa awe tanyungtiim kiiwa nyungshi rai sratlaq, kriika awe ma jea tiingaütlo. Krai mren apaiq nai jechak nyung ka tiitsailaq tseabaiq raa. Tsangnai miisaq thumtlaq kriikha ka tsangnai raq miho.
Tatiwe raq arthun thungtri raütu kuqto. Jurwa awe lo anyung lo kra ratum hiqta raüta sontlaq, kriiti ka tiitsailaq tseabaiq chang. Apaiq miisaq thumtlaq kra kha maa ka apaiq riili miho.
Kiimaq maiq juwa ajam wukhu na angawa bala cha jiiq, kriiti ka jam mong wa hupsam lam wan latiitiq mijuha nguta jam mong na nyap wa nong ka ra mak.
Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.
Riita ara chong tiipha arkha maq, ümchaü min, namshiq phong wa maiq weshi ra ka ngarai mong na tsai wanti asi jiila, kriiti miitu ka ngi ma jamlai khü akha nyan chang min ahü she.
Shatmaq, kra chhi raüta Paul raq phentujong we nai phenlabi ma chongto, “Ara laijong jiiqtinok ka ara laijong mong na nga mak la ngu raü jiika, namshiq thun ka achhun miriirong i nguta akhiismin naq tiima rongkiq.”
Kiimaq klang maq, apaiq rai tiipum tlii maq siwan miitu tsuqbaiq kang. Thungtri lang lata alap wan kechu rilung ka, i khum na ahü she. I khum na, ümchaü sitlaq kechu rilung arka, Khristo ma kamtsantsii thü kangta akuq kechu rilung kriili she sitlo. Arka kamtsantsii khuthaq na seng raüta, Shiikeawe raq akuq.
Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!
Riita, ümchaü min, ngi raq namnai ka jamkho lungwii tsantsii maq khrum kuq kang, kiikhiisii hali, namshiq riimin, ngi nai ijamtitiim ka mikhrum hai nguta apaiq mang na ngi raq kamli chang sinkham miithii kii shongthü ronglaq.
Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.
Shatmaq tiina, ümniiraq ara naishiq jaqsham ara nanok ma chong haüla, ümniiraq naishiq ma ara tumkham tiinyang tlaü arka naishiq khuthaq na mra ahü she miraq.”