JOSHUA 2:19 - Hawa Naga Bible 2001

¹⁹ Ukhaq yuq muinz yuimx vwawc yuz phic nuex dungc kay jix kuex piq thueyc lvmx kuex piq rueq yaq gay mvrax ningkhvnc nuex rvtuex; yuq muinz mnoz rulc vdvmz nuex yuimx mungx vyuq wawc tvthuiuz sac rvhumc ruiux yuq kuex nvnueyc muex seng yaq.

ASII LAKDAP Bible (BSI)

¹⁹ Riita ara bom riikham tiikai arai mren, ümjamti phong wa maiq ashi ra ka ara ümjam mong arwa kinphai niila dongki raüla, kriiti khupo ka tsangshiq maiqmii riili miho. Naishiq ka sepii miraq. Shamtaq ümjam mong wa maiq ka tsat raüla, kra mat kha ka naishiq khuthaq na miraq.

JOSHUA 2:19 Referencias Cruzadas

2 SAMUEL 1:16

Dawid rueq Amalek waz muex ngoc, “Vruex kuex mhtauk nuex mnoz rueq vtvhttuiuc rvtueq. Yehowa rueq hokhvmx tvyaungc tvkoc vthvl taq waz kuex mnoz rueq thvt gay toq lvmz kvjungc ningkhvnc nuex, mshauk pumz kuex htvp htaz gay rvhumc toq,” ngoz tueq jungx tueq.

2 SAMUEL 4:11

Piq yuimx mungx nuex kvtsoalx yaq tsuingrux miq waz kuex layx bac jix miq rueq thvt gay tueq kuex vbac pinhtumc rvtueq! Piq kuex thvt gay tuit ningkhvnc nuex majuiuc ngaz rueq phuiuq lvmz shaungx, nuimnueyc kuex ghaq vwawc lvmz gay phaungx!” ngoz tueq tvralc tueq.

1 HOKHVMX 2:32

Joab rueq piq htauk nuex muinz vhvlx mvrax kop muq miq wanueyc rvtueq Israel nolaungx bix guimz lawc jix Abner nuiyc Yuda nolaungx bix guimz lawc jix Amasa kuex Iwaz Dawid rueq muinz tuiuz muq nuex thvt gay ruiux, yaq gay tueq mvrax ningkhvnc nuex Yehowa rueq piq muex mvrax murx tvgurc shuex.

DUNGWVNC 12:13

Nuimshiq httax vtuinx yuimx kaluix nuex nyvt taq shec tuit tvguiy kuex tvtsuingc juing hakhix muex yaungx tuex. Ngaz rueq tvguiy kuex khiz ruiux yuq, nuimshiq kuex lvy shec ruiux, Ejip miqsaz kuex murx tvgurc shaungx yuq, nuimshiq kuex heq mauk.

DUNGWVNC 12:22

Ekvmaq hisop yauk tushiz lvmz vtueq panx wawc ngvmx tvguiy kvyuq thuimc ruiux, kaluix daungx khux kvyuq nuiyc kaluix daungx htung samx nueyc nuex tsac shuinz. Raungx nvp nuex httuiuc laz ukhaq muinz miqmac yuimx maq dungc kay mvy muq.

DUNGWVNC 12:23

Yehowa kuex Ejip miqsaz thvy gay tvkoc Ejip mungx maq lvy wvnc vtueq, kaluix daungx khux nuex nuiyc kaluix daungx htung nuex tvguiy kuex khiz ruiux yuq, Tvthueyc jix Kamx waz rueq nuimshiq yuimx htenc kuex lvy gay shec ruiux, nuimshiq kuex thvt gay muq.

LEWI 20:11

Vwaz taungnyuiuz rulc rvshonx ronx jix waz kuex vwaz muingc jungc tvbac ningkhvnc nuex, tsuingnueyc vtaungx vthueyc murx tvgurc rax. Tsuingnueyc rueq vthueyc juing mvrax yaq gay tueq.

LEWI 20:9

Yehowa rueq vphvnc tvkoc tvrac htenc kuq shec tueq. Miq washiz shiz rueq miqmac nyuiuz vwaz muex mvnhttonc jix kuex vthueyc tvrvhumc rax; piq kuex piq vthueyc tvkoc gurx yaq.

Matthew 24:17

Yuimx wux khux nuex httax yaq jix kuex yuimx mungx wawc hup svmx lvmc kay ngoz tueq nauk svt kaz.

Acts 18:6

Kvkaq tsuingshiq rueq piq kuex khawc lvlc ngoc ngac lvy ningkhvnc nuex Polu rueq vsvmhung wawc bokkhuyx kuex nuiuc ruiux vkhoc ngoz tueq, “Nuimshiq batac rvhumc wvnc ruiux kuex nuimshiq mvrax dvyx rvtueq, ngvy mvrax kuex rvmuq! Majuiuc vmaq kuex Pungnuk miqsaz kox nuex shex kaz wvnc taungx,” ngoz tueq jungx tueq.

Acts 20:26

Kvkhoc rvtueq nuimshiq phungc kvwawc washiz shiz kuex rullungx siyac momaq wvnc ruiux yuq, ngvy htauk nuex seng muq shex lvmz kuex majuiuc nuimshiq muex rvkhauk laz jungx kuq vphaungx.

Acts 27:31

Polu rueq nolaungx yungx waz nuiyc nolaungx bix muex, “Vruex hez kuex svngpholix vwawc yuz wvnc ruiux yuq, nuimhez muinz thuiuzthuic luenx wvnc lvmx vguez,” ngoz tueq jungx kuq tueq.

Philippians 3:9

Ngaz rueq Tvrac kuex phvnx vtueq ngvy tsuingrux lvmx kuex lvp mauk, Christu muex kvmluimx ruiux yuq jix kuq yaq tsuingrux lvmx kuex lvp wvnc tauk. Kvruex kuex kvmluimx ningkhvnc nuex Tishox rueq menjenc vtueq vkuq kejux yauk noalc rvtueq.

Hebrews 10:29

Kvkhoc ngoz ruiux kuex, Tishox Saz muex yomnamc gay jix waz, miqmac shauk gvnz kuex mvrax wawc tvsawc gay yaq Tishox bomkhvrc nuex seng yaq tvguiy kuex wvlc guez htawz guez tvyaungc jix waz, kejux kuy jix Siyac muex shummarc jix waz kuex yvmx khoc wuez yaungx tvnx? Piq rvhumc juing murx kuex mtanc khvnc wuez songx tuex raz tvnx? Tvmaung lawc wuez shuinz!

JOSHUA 2:12

Ngaz rueq nuimnueyc muex menjenc vtueq tvluenx phaungx vkhoc, iyuimx wuinz htenc muex muinz menjenc kuq phix ngoz tueq majuiuc vpiq muex kvtuemc kuinz. Ngaz nuimshiq muex kvmx laz juing hakhix phvnx shishiz kuq shec kuit.

JOSHUA 2:14

Tsuingnueyc rueq piq muex, “Nuiyshiq rueq jungx vphix kvkhoc ruez miq ngoz ruiux kuex Tishox rueq mthvt gay phueq! Mnoz rueq nvnueyc kaz tiq lvmx kuex ukhaq muex muinz tvdung jungx muq ngoz ruiux kuex Yehowa rueq vruex mungx kuq phuex, kvkaq nuiyshiq rueq mnoz rungwanx lvmz nvnueyc rueq kejux tvyez kuq phix ngoz tueq bomkhvmc kuq vphix,” ngoz tueq jungx tueq.

JOSHUA 2:20

Nvnueyc rueq shuimx shix yauk shuimc miq vshiz shiz muex mnoz rueq jungx gay ruiux yuq, nuiyshiq rueq mnoz muex kuq vphix bomkhvmc kuex taq miq,” ngoz tueq jungx tueq.