2 SAMUEL 4:11 - ASII LAKDAP Bible (BSI)

¹¹ Ikhiijiika, maiq weshi maiqsang, ajam na chamtraq akonsea kiiwa tseabaiqti abi thaq niimin abi kloti kriiti miika thiitsin pinthum matkha tiiho chang she miraq! Namnai raq maiqtsat lan arkha na, ngi raq namnai khuthaq na apaiq phuk kriishe milam ha! Lata namnai ka, ara hiq raikhü arwa michhii baiqha!”

Hawa Naga Bible 2001

¹¹ Piq yuimx mungx nuex kvtsoalx yaq tsuingrux miq waz kuex layx bac jix miq rueq thvt gay tueq kuex vbac pinhtumc rvtueq! Piq kuex thvt gay tuit ningkhvnc nuex majuiuc ngaz rueq phuiuq lvmz shaungx, nuimnueyc kuex ghaq vwawc lvmz gay phaungx!” ngoz tueq tvralc tueq.

2 SAMUEL 4:11 Referencias Cruzadas

RAPHA HIQWA LAK 4:11

Ümniika manson kharü mong niishe thiito. Kiimaq hiqraikhü na minshiiqsiq lot maü she mirhaü. Hiq raq ümno tiijai ka ümniiraq apaiq tsat laü kriiwa anü tiiki raüta shuptlaq ikhiishe hiq mong na nyam wanto.

RAPHA HIQWA LAK 6:13

Kriikha na Shiikeawe raq Nowaq ma nguto, “Ngi raq maiq phan tlotli ka chongthum mitiijabaiqha. Ngi raq tsangshiq ka tiisiirai mitiithen baiqha. Jamkhano ngukla mangjong hiq ka tsangshiq mat kha tsa kha riili she wiita ma wanto.

RAPHA HIQWA LAK 7:23

Tatiwe raq hiqraikhü wa atra phan wiita tiithen baiqto, maiq phan ngusaq, ngam phan ngusaq, kiimaq wushi phan ngusaq wiita tiithen baiqto. Atra tiichongkitaq kriika Nowaq nai apaiq rai ümchuwa lai mong na siti thun kriili tiichongto.

2 SAMUEL 16:8

Ümniiraq Saul mungtan nyeaho laü. Kiimaq ümniiraq Saul tahii maiq pahea tsatbaiq laü kriikha na. Tatiwe raq ümniima apaiq mo she tiihotlo. Tatiwe üm mungtan ka ümse Absalom miishe kuq baiqto. Kiimaq ümniika miqlaü she, ümniika matwe!”

2 SAMUEL 3:27

Riita Abnar ka Hebron chela niishe saüwa kiita, Joab raq apaiq ka Abnar ma bomhuk chongke ikha tiiman raüta, Abnar ka kilamchong phai tho kriijaq apaiq honhonse she sheahoto. Raüta kriijiili awokpo na jasai maq shuk baiqto. Raüta tsatbaiqto. Arka Abnar raq Joab ma ano Asahel tsattaq kra phuklam she tsatto.

2 SAMUEL 3:39

Ngi ka Israil mung na Shiikeawe raq tsea raüta hokhamwe ma shongto. Li jiimin, ümchaü ranaiq ngi ma athü adake wanti khamlawe ashi ariwan ikha tiima tiikang. Ara Jeruiawe setiim arka ngi ma mat atsa niqke wantibi kong. Tati riitiq ara mat-saü tsase kong arma mo miitho kuq laq!”

1 HOKHVMX 2:32

Iwe ma tiisap mak maq Joab raq kra maiqsangti tsatbaiq wantaq kriikha ka Tatiwe raq Joab khupo na mitiiholaq. Joab raq maiqsang wenai tsatbaiq wantaq kriika apaiq thaq na maiqshaq tsatbaiqto. Apaiq raq Israilnok phenlabi pengti ajong pinthum phentuwe Abnar kiimaq Juda mungti phenlabi pengti ajong pinthum phentuwe Amasa tsatbaiqto.

Tvtsvmc 109:15

Tati raq tsangshiq ngarai thun ka tsan na tiitsangshat mithülaq, shatmaq tsangshiq ka tsan na tiitsangmak dongdii she milaqbaiqlaq!

Tvtsvmc 9:12

Chamchaoti thun ka Shiikeawe raq tiitsangshat riitlo; tsangshiq hotrang tlaq kra apaiq raq laq mak, krai mren tsangshiq ma ashut kloti ka apaiq raq amo tiihotlo.

DUNGWVNC 21:12

“Jurwa maiqwe ashi ka buktlaq raüta tiitsai baiqtlaq, raüla apaiq ka atsea baiq chang.

DUNGWVNC 9:15

Kiimaq Ngi raq ijaq ka ra na dolata ümnaq nai ümsengi mungmaiqse ka tha tiidong lata tiijiimha jiika, namshiq ka chongthum mija han wa.

TAKSU LAK 2:22

Shatmaq Shiikeawe raq, ashut kloti ka armung arwa, hitjoq alam mirbaiq wan, kiimaq ngarai maiqsetiim ka, pecham phaibaiq tlaq ikha, arangchong maq barot miphaibaiq.

TAKSU LAK 25:26

Maiqshaqti ka abiwe, mo na shon wan raüla, khamraikuk na boq maq aphong, kham ngiki tlaq ikha, kiimaq khappong na liipu maq, ameabaiq ikha.

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

HABAKUK 1:12

O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

HABAKUK 1:4

Arningkhan tri raütu ka, thiihü miishe jawanto. Kiimaq tri raü kappe ka, phowebi raq riikhaqli sham mak she. Kriikha na ajiqwe ka alamwe miishe, tiijabaiq tlo. Joksaü liiqse kong riili she, kechu maiqsetiim ka tiikom tam maq, tamphaq wanto. Kriikha na phowebi raq, khapho ka ajiq phowan tlo.

1 John 3:12

Nashiq ka Kain ikha siwan ka raa mak she. Apaiq ka aphaji miiphü Abi we kra ngam napti we dongdii. Kriikha miitiina, apaiq raq achhüthiq ano shaq, Abel ka tsat baiqtaq. Kain raq ano ka jamkhano tsat ta? Kain raq ano Abel tsattaq kriika, apaiq jaqsham ka ashut, ano jaqsham ka tingting. Kriikha maq, apaiq makshu tsi ninlot mak kha maq, ano ka tsat baiqto.