2 SAMUEL 1:16 - ASII LAKDAP Bible (BSI)

¹⁶ Kiimaq Dawit raq Amalekwe kriima akha nguto, “Ara mat kha arka ümdü na ümniiraq ümnübok maq chong laü kriishe hophaq tlaü. Ümnaq tsaichang thiikho ka ümniiraq athu haü. Jamkhano ngukla, ümniiraq Tati raq hokhamwe ashong ka tsatbaiq kang nguta tiichong laü.”

Hawa Naga Bible 2001

¹⁶ Dawid rueq Amalek waz muex ngoc, “Vruex kuex mhtauk nuex mnoz rueq vtvhttuiuc rvtueq. Yehowa rueq hokhvmx tvyaungc tvkoc vthvl taq waz kuex mnoz rueq thvt gay toq lvmz kvjungc ningkhvnc nuex, mshauk pumz kuex htvp htaz gay rvhumc toq,” ngoz tueq jungx tueq.

2 SAMUEL 1:16 Referencias Cruzadas

2 SAMUEL 1:10

Krai mren, ngi min apaiq tho na wakang, lata apaiq ka tsat kang. Jamkhano ngukla, apaiq ka chhunlot mak, mitsai she dongdii nguta ngi raq asapha. Kra latiishe ngi raq akhupo wa ahokham khuphok kra kiimaq ajaq na patlaq tükom thun kra lam chhutkang. Lata chaü lei ümchaü arjaq ümniima lamkuqho kang ara,” nguta kriiwe raq Dawit ma chongto.

2 SAMUEL 16:8

Ümniiraq Saul mungtan nyeaho laü. Kiimaq ümniiraq Saul tahii maiq pahea tsatbaiq laü kriikha na. Tatiwe raq ümniima apaiq mo she tiihotlo. Tatiwe üm mungtan ka ümse Absalom miishe kuq baiqto. Kiimaq ümniika miqlaü she, ümniika matwe!”

1 HOKHVMX 2:37

Ümtiikiiwa ümniika chela mong wa dongho laüta kidron raise kra tlea na mikhumki haü, ümniika mitsai haü ngushat. Krai mren, ümmiisaq thum tlaq kra miitu mra ka ümkhupo niili midea.”

YOBA 15:6

Ngi raq ümniika tiishut ngomin raa rai mak; ümnü maq bomtsi awea bomtlaü kra riili ümniika tiishut baiqhoto.

TAKSU LAK 6:2

Ümbom niili dea shea minrai laü, ümkiq kham thiikho niili dea shea thap wa laü?

EJEKIEL 18:13

Kiimaq apaiq raq kampho ka maiq ma aliip miitu tiinam kuqtlo. Raüla apaiq ka atra misi sha? Simak. Apaiq ka rilung alu simak miraq. Jamkhano ngukla, apaiq raq arthun maiqphai asi jaqsham thun klo wanto. Kra ningkhan apaiq ka atsai miraq. Apaiq tsaitlaq kha ka apaiq riili miho phaq.

EJEKIEL 33:5

Apaiq tsaitaq kriika apaiq maiqmii shut raüta tsaito. Jamkhano ngukla hünong tsü trang taishat taü maq apaiq ahon lam mak riito. Apaiq raq ahon lam raüka, apaiq ka tsai mak lun chang wa.

LEWI 20:16

Kiimaq jechak nyungshi ra raq nyamse rai kiicham raüla, kriinyung nai kra nyamse ka tiitsailaq tsea baiq raa. Tsangnai miisaq thumtlaq kra miitu ka tsangnai khupo niili miraq.

LEWI 20:27

“Maiq weshi ra raq, riimakla jechakre nyungshi ra raq, jurwa lang lii raüta wulum rai riibomtlaq, kriiti ka long maq tiitsailaq tiiqbaiq raa. Jurwa akhnok klo liitlaq, kriiti ka apaiq miisaq miitu mra ka apaiq riili kha ka miho.”

LEWI 20:9

Tatiwe raq arthun thungtri raütu kuqto. Jurwa awe lo anyung lo kra ratum hiqta raüta sontlaq, kriiti ka tiitsailaq tseabaiq chang. Apaiq miisaq thumtlaq kra kha maa ka apaiq riili miho.

Matthew 27:25

Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.

Luke 19:22

Kiijiishe, atijong we raq apaiq bom ka akha treto, ‘Ümnaq arka abi, tsiihü jaqshise. Liilaq, ngi raq ümbomtsi kli she kappe ma tiija lata, ümniika mishin pha! Ümniiraq asap haü, ngi ka khannyan hea langlang we nguta. Kiimaq, ngi la riimak kra wiimin, ngi rii nguta lamhoti we nguta asap haü. Kiimaq ngi raq wak na chhi jang kimang kra wiimin, tsamjut seakaiti we nguta, asap haü.

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

Acts 20:26

Riita ara chong tiipha arkha maq, ümchaü min, namshiq phong wa maiq weshi ra ka ngarai mong na tsai wanti asi jiila, kriiti miitu ka ngi ma jamlai khü akha nyan chang min ahü she.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

TRI CHONGKE 19:10

Ara chong tiikang kra shamlaq, raüla maiqtu ngampü ka tsaimak miraq. Kra nguraüla ümniika Tatiwe raq kuqtlaq mungtan kiijaq tsangshiq tseabaiq wan kha mra ka ümniiraq homaü mirhaü.

JOSHUA 2:19

Riita ara bom riikham tiikai arai mren, ümjamti phong wa maiq ashi ra ka ara ümjam mong arwa kinphai niila dongki raüla, kriiti khupo ka tsangshiq maiqmii riili miho. Naishiq ka sepii miraq. Shamtaq ümjam mong wa maiq ka tsat raüla, kra mat kha ka naishiq khuthaq na miraq.

PHOWEBI 9:24

Ara tsangshiq liipan na wesang ralii miishe jawantaq arka, Shekhem chelati raq Abimelekh ma Gideon setiim weroqmiishi kra tseabaiq miitu raikao tattaq, kra mat kha thamke wan ngarai tsi she riito.

1 SAMUEL 25:39

Riita ümtiikiishe wa Dawit raq Nabal ka tsaikito she nguta tsütsa ka taitaq, kra akhing na apaiq raq akha nguto, “Tatiwe li tiitsam tiikang! Nabal raq ngi shummiitaq kriikha apaiq raq phokuqto. Kiimaq apaiq raq ngi adise arka ajiq mat kha tang chang wa tiikhup wongkuqto. Nabal raq ashut kiimung kha na Tatiwe raq apaiq ka tsashato.” Kra jai miishe Dawit raq Abigail ka apaiq raq lam miitu tiiwai wato.

1 SAMUEL 26:9

Shatmaq Dawit raq nguto, “Ümniiraq apaiq miisaq ka naqtankiq! Tatiwe raq, apaiq atsea raüta ashong hokhamwe tseati miika apaiq mo ka mitiiho dongdii.”