JOSHUA 2:14 - ASII LAKDAP Bible (BSI)

¹⁴ Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.

Hawa Naga Bible 2001

¹⁴ Tsuingnueyc rueq piq muex, “Nuiyshiq rueq jungx vphix kvkhoc ruez miq ngoz ruiux kuex Tishox rueq mthvt gay phueq! Mnoz rueq nvnueyc kaz tiq lvmx kuex ukhaq muex muinz tvdung jungx muq ngoz ruiux kuex Yehowa rueq vruex mungx kuq phuex, kvkaq nuiyshiq rueq mnoz rungwanx lvmz nvnueyc rueq kejux tvyez kuq phix ngoz tueq bomkhvmc kuq vphix,” ngoz tueq jungx tueq.

JOSHUA 2:14 Referencias Cruzadas

RAPHA HIQWA LAK 24:49

Riita ümchaü min, namshiq raq itijongwe miitu jamlai jaqshamke chang wa kra misham kuq hai ngo chang jiila, apaiq ka ahea maq shreng ronglaq, kiimaq ngi ma bom ka arai riikuq ronglaq. Kiimaq riimak ngo chang jiimin, riimak ngu ronglaq, raüla ngi raq jamlai riichang she wa kra ngi riitiq she misapha.”

RAPHA HIQWA LAK 47:29

Riita apaiq ma atsai wan akhing she saü wan kiita, apaiq raq ase Joseph ka tiiheakito. Raüta apaiq ma akha chongto, “Ümjaq ka iwütong heawea na tiiwelaq. Laüta sinkham laq, ümniiraq imaa ka Ejip mung na lap mang nguta.

2 SAMUEL 2:5

Krai mren, apaiq raq maiq tsasoqti wiijam ka kiina akha tsütsa tiichongkito: “Namshiq raq shreng lanta nam hokhamwe maa ka saiqsam lan kra miitu, Tatiwe riitiq namshiq ma achu mishman kuq.

2 SAMUEL 2:6

Krai mren, ümchaü min Tatiwe raq namshiq ma apaiq mangchan ka mikuq laq, kiimaq namshiq ka tsapkapkap mimang chan laq. Kiimaq ngi riimin namshiq aheawiq maq miriim wan kang, namshiq raq akha athuk atsom jaqsham tiichhikuq wan lan kha na.

2 SAMUEL 9:1

Ranaiqshi Dawit raq waito, “Saul jamti wa maiq weshi ra atiichong asi shea? Ashi ra asi jiila, ngi raq apaiq ma Jonathan mang na lungwiitsii tiichhike rotiikang.”

1 HOKHVMX 20:39

Krai mren, hokhamwe ka kra lam maq alea wan chhito. Kiijiishe shammiwe raq apaiq ma riimto. Raüta akha nguto, “Chaü lei, ngi ka rekhat rea akhing na, phenla weshi raq rewa shumwi weshi lap raüta ngi phana shea wanto. Raüta, ngi nangnga, ‘Arwe ara samhea kheshat riiliijo; Apaiq kla tiiju haüla, apaiq miisaq rii ka ümmiisaq mikuq haü; riimakla ümniiraq kampho ngam hingtsam maq midok haü’ nguta chong thüto.

TAKSU LAK 14:22

Nanok ma ahea jaqsham kuq haü la, shreng manto milaphaü. Kiimaq maiq raq ümniima mitlam. Shatmaq abi kiimung tlaü jiila, kriika ashut klo tlaü.

TAKSU LAK 18:24

Kongti apako ka alu tsing mak, shatmaq riikhaqli khilu ka, na chhiithiqti nam ma raa hea.

Matthew 5:7

“Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

Acts 23:22

Kiijiishe, siihiipjong we raq, “Ümniiraq ara bomtsi ara ngi ma tiitai laü nguta ju miimin naq chongkiq jo,” nguta apaiq ma bom ka athang riito. Raüta apaiq raq norii we ka atsise miishe tlat baiqto.

JOSHUA 2:13

Namshiq raq inyung nai iwe kra, kiimaq iphu ino maiqwesetiim kra kiimaq inung inotiim jechaksetiim kra kiimaq tsangshiq jamtitiim tarü, namshiq raq tsatbaiq mai mitiiwong kuq hai nguta ngi ma kiqkham kuqthü ronglaq!” nguta Rahab raq tsangnai ma chongto.

JOSHUA 2:15

Kra raütiishe apaiq raq, tsangnai ka kitanpu maq raülo maq rukphai na tiisatbaiqto. Jamkhano ngukla apaiq jam ka longmaq ahai chela tro ruk kra rukphai nü khetuk kiijaq tiinapsaq na ahai.

JOSHUA 6:17

Chela nai chela mong na ümchuwa sitlaq kra thumthum shiithen baiq ratlo. Arka Tatiwe ma honglu na ake kun she. Mephe nyung Rahab nai ajamtitiim kriili tiichong chang. Jamkhano ngukla apaiq raq nashiq siwenai kra paükuqto.

JOSHUA 6:22

Raütiishe, Joshua raq siwenai kiima thaüto, “Namnai raq mephe nyung ma, bom khamkuq lan kra phan phan, apaiq jam kiina walanta, apaiq nai ajamtitiim ka kinphai na sheawa rongkiq.”

JOSHUA 6:25

Shatmaq, Joshua raq mephe nyung Rahab nai ajamtitiim thun ka tsat mak, tiiwong kuqto. Jamkhano ngukla apaiq raq Jeriko chela na atiiwa siwenai ka, kra nyung raq apaü raüta tiiwongkuqto. (Arnyung ma asaü ase phan ka ümchaü niitaq Israil mung na sitlo.)

1 SAMUEL 20:8

Riita, mangchan laüta ngi ma ara klo kuqlaq, ümniiraq ngi ma kiqkham kuqlaü japhak riihankai arka, maiq ma naq tiitaikiq. Shatmaq ngi ka ajiqwe dea jiika, ümniiraq ümjaq miili ngi ka tsatbaiq laq! Ümwe phana shea wan laüta ngi ka jaram tiitsea baiq wa?”