JOSHUA 2:14 - Hawa Naga Bible 2001

¹⁴ Tsuingnueyc rueq piq muex, “Nuiyshiq rueq jungx vphix kvkhoc ruez miq ngoz ruiux kuex Tishox rueq mthvt gay phueq! Mnoz rueq nvnueyc kaz tiq lvmx kuex ukhaq muex muinz tvdung jungx muq ngoz ruiux kuex Yehowa rueq vruex mungx kuq phuex, kvkaq nuiyshiq rueq mnoz rungwanx lvmz nvnueyc rueq kejux tvyez kuq phix ngoz tueq bomkhvmc kuq vphix,” ngoz tueq jungx tueq.

ASII LAKDAP Bible (BSI)

¹⁴ Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.

JOSHUA 2:14 Referencias Cruzadas

RAPHA HIQWA LAK 24:49

Majuiuc ngvy jiyungx waz muex nuimshiq kox maq shuimc pic juing kuex tvhungx tvmvrc wvnc thuinz piq muex tvsvp rvp tvhungx tvmaung ruiux muinz, kejux maq ngaz muex jungx tvtay kuit; kvkhoc jungx lot muit ngoz ruiux kuex yvmx khoc ruec juing lac kuex ngaz rueq htvp htaz shaungx,” ngoz tueq jungx tueq.

RAPHA HIQWA LAK 47:29

Yaku kuex vthueyc wvnc nanac nuex vsaz Yosep kuex gvl vtueq, “Ngvy wex khung kvyuq m-yauk kuex relc vtueq, mnoz rueq ngaz vruex Ejip mungx nuex luip mauk ngoz tueq kvtuemc koq.

2 SAMUEL 2:5

miq wvyvmc muex vruex bomjungc vtauk raz tueq tvkaz tueq: “Nuimshiq rueq piq kuex shuluip wuez vtueq nuimshiq hokhvmx waz muex tvmtuing httax vtuinx lvmz kuex tvkhic wuez vshuinx, kvkhoc rvtueq Yehowa rueq nuimshiq muex ruimrix kejux mkuq kv-phuinx.

2 SAMUEL 2:6

Majuiuc Yehowa rueq nuimshiq muex menjenc nuiyc tvmtuing kuex mkuq kv-phuinx. Nuimshiq rueq shuimx wvnc tuit yauk shuimc ningkhvnc nuex ngaz rueq muinz nuimshiq muex kejux vyungx ngoz kuq vphaungx.

2 SAMUEL 9:1

Raungnuiyq shiz Dawid rueq, “Sholu yuimx wuinz wawc washiz tanc kvjungx muq haz? Httax ruiux kuex Yonathan ningkhvnc nuex ngaz rueq piq muex menjenc lvmz tvkhic khvmz tauk,” ngoz tueq jungx tueq.

1 HOKHVMX 20:39

Hokhvmx waz lvy wvnc koq tueq shvmmax waz rueq piq kuex ramc vtueq, “Taungjix hokhvmx waz lex, ngaz kuex ralx khvt yaq nuex nolaungx washiz rueq ralx waz vlvp kuex ngaz muex lekuq vtueq, ‘Vruex waz kuex bvmc shuiuz, mkhoc shoc maq piq kuex tvyuz gay ruiux yuq, piq thuiuzthuic tvraung mthuiuz thuic maq htuimc kuy rax, rvmuq ngoz ruiux kuimphox sawx hingc thuimx maq kvdaungc rax,’ ngoz tueq jungx phuex.

TAKSU LAK 14:22

Vhvlx yauk shuimc kuex mnoz rueq shuimx ruiux yuq, vganc jix miq rueq tvluimc nuiyc tvtsanc nganc lvmx kuex mnoz rueq lvp wvnc shuiux; honc vbac kvmungx jix waz kuex lvmx tvyaq jix waz rvtueq.

TAKSU LAK 18:24

Kungjix wvyvmc kuex vluz rvkung mvy muq, kungjix wvyvmc kuex miqmac phuz vnox shauk htauk nuex vjvnc lungwawx thuinz httax yaq.

Matthew 5:7

Menjenc thuinz httaz jix kuex thuinhvlx yaq; yvmx khoc lac ngoz ruiux lec Tishox rueq tsuingshiq muex menjenc kuq shuex!

Acts 23:22

Nolaungx yungx waz rueq, “Mnoz rueq ngaz muex jungx tvtay toq lvmx kuex ukhaq muex muinz nauk jungx kaz,” ngoz tueq bomc htuing kuq ruiux yalxrox waz kuex tvkaz gay tueq.

JOSHUA 2:13

Inyuiuz iwaz, iphuz inox hez nuiyc tsuingshiq taungnyuing sanox lotlaz kuex palc daungc lvmz bomkhvmc kuq shec kuit! Nuiyshiq kuex nauk tvthvt gay vkueq!” ngoz tueq jungx tueq.

JOSHUA 2:15

Rahab kuex palx ruk nuex kvnvp shauk vguirx yuimx nuex httax yaq, tsuingnueyc kuex ruiuz maq raz tueq katvnc puc maq ke-phic nuex tvsvt gay tueq.

JOSHUA 6:17

Yehowa muex shomc kuy tvraung ghaqyungx nuiyc ghaqyungx mungx nuex httax yaq phvnx htenc lotlaz kuex tvsawc ric tvbac gay shuinz. Mephex nyuiuz Rahab nuiyc piq yuimx nuex httax yaq htenc dvyx dung wvnc tuex; yvmx khoc lac ngoz ruiux lec Rahab rueq sisunx jix naungshiq miq kuex httuiyq kuq phuex.

JOSHUA 6:22

Kvruex yimaq Yoshua rueq kvruex mungx kuex tvhelc kaz tueq sisunx jix wanueyc muex ngoc, “Mephex nyuiuz yuimx nuex kaz vtueq, piq muex nuimnueyc rueq bomkhvmc taq shec tuit rulc rv-ngvlc, piq nuiyc vyuimx wuinz htenc kuex gvl laq luit,” ngoz tueq jungx tueq.

JOSHUA 6:25

Mephex nyuiuz Rahab kuex Yerikho ghaq httoarc vphaungx vtvhelc kaz miq wanueyc kuex httuiyq kuy ningkhvnc nuex Yoshua rueq piq nuiyc vyuimx wuinz htenc muex thuiuzthuic tvraungx kuq tueq. (Piq phvnx vmaq kuex majuiuc raungnuiyq nuex httuiuc laz Israel miqsaz rulc vdvmz httax yaq.)

1 SAMUEL 20:8

Kejux maq ngaz muex menjenc kuq koq, mnoz rueq ngaz muex kuq phux vsawc bomkhvmc kuex tv-phaungx taq shuiuz. Yuq muinz ngvy htauk nuex mvrax vhttax ngoz ruiux kuex mnoz rueq ngaz kuex thvt gay koq! Ngaz kuex thvy gay ngoz ruiux lec yvmx ngoz tueq m-waz kox nuex shvlc wvnc lac?” ngoz tueq jungx tueq.