JOSHUA 11:2 - ASII LAKDAP Bible (BSI) kiimaq hiqkhu nü mung pum na siti hokhambi ma, Gelili Thamchum maq hiqmai nü wang Jordan rai tan binjü na siti ma, kinji wang binjü na siti ma, kiimaq khamjongkii wang binjü na Dor chela tho na siti ma tsütsa ka tiichong kito. Hawa Naga Bible 2001 ghaqkhux kox kuz hong wawc hokhvmx bix, Galile Jumx maq ghaqyaz kox Yodan Warc tvnx hong jix, kanx yaz hong nuiyc shalx nyuip kox Dor hep taungkawx nuex httax yaq hokhvmx bix kox nuex thaungc tvhttuiuc tueq. |
Krai mren Benhadad riimin Asa raq jamlai bom wa tiichong wantaq kra phan phan she dea kloto. Raüta apaiq raq asengi phentu ajongbi thun nai phenlabi thun ka tiiki raüta, Israil mung wa chela thun kriishe khat wanto. Raüta tsangshiq raq Ijon chela, Dan chela, Abel Beth Maaka chela thun kra, kiimaq Gelili tham chum kii thotho wa maiqhiq thun kra, kiimaq Naphtali phan wang tlotli kriishe khat raüta jiiwanto.
Benabinadab: Apaiq raq Solomonse Taphath lamto. Apaiq ka Dor hong ka tlotli kra pengto.
Kriimiishe shemai nü nü na Harbel hiq kiiniishe mikiho, kiimiika Ain wang maq shedong nü nü niishe mikiho. Kriimiishe ka Gelili Thamchum maq shedong nü wang na ku akin tonglong wang kiiniishe mikiho.
Kra jai maq jaqlo miili she, Meriq ka taülaü khiq maq tiije raüta, Judia wang na ku akin tili kiijaq maiqhiq ashi asi kiina kihoto.
Ranaiqshi Jesuq ka Genesareth Thamchum kii na chap raü riito. Kra akhing na mung maiqse pahea ka apaiq phana Shiikeawe bomtsi tai wa, akong ada maq, riitsap riikhat warai wanto.
Joshua raq kra mung ka kunkun khat raüta jiiwanto. Apaiq raq kin na siti thun hokhambi kra, shedong nü wang wa kinjam na siti thun kra, kiimaq shenyap nü wang wa, kinjiji na siti thun kra, kiimaq shemai nü wang wa, hiqshin wang na siti thun kra, thumthum khat raüta jiito. Apaiq raq jumin atra tiichong mak; maiqse angu wiita tiimiqchup jiipbaiqto. Arka Israilnok Tati Shiikeawe raq aming akuq kra phan phan kloto.
Kiijiishe Gibeon chelati raq, Joshua ma tsangshiq piitiip Gilgal chela kiijaq “Naitijongwe lei, naishiq ka naq tiishaü baiqkiq! Tlothit ana wara, laüta naishiq khrum wakiq! Naishiq tiiwongkuq laq! Kin thun na siti Amoraiqnok hokhambi raq tsangshiq phentu ka adam pong raüta naishiq khat wanto!”
Joshua raq mung ka khat raüta kunli jiiwanto. Kriika arthun ara riito: Ku akin mung kra, kiimaq kinji wang thun kra, shekhu nü wang nai shemai nü wang thun ka romshaq na, Goshen wan binjü lotli, kiimaq kriimaq shemai nü mung thun kra, kiimaq Jordan rai tan thun kra.
Kra akhing na, Joshua ka kiraüta, maiq akhum jonghea hea phan Anakimnok, ku akin wang binjü na-- Hebron chela, Debir chela, Anab chela, kiimaq Juda mung nai Israil mung na ku akin wang binjü na shongtinok thun kra Joshua raq tsangshiq ka tiimiqchup jiipbaiqto. Kiimaq tsangshiq chela thun kiimin botkhulai rai shotlii shiithen baiqto.
Kiimaq riita, Jordan rai tan wa Gelili Thamchum maq phaho raüta, shemai nü na Beth Jeshimoth hiq (Amaa Khamjong Chum maq shemai nü) na saüli riito. Kiimaq riita, Pisga Pumji na saüli riito.
Kiimaq riitaq, Jordan Rai Tan thung binjü wiika Beth Haram, Bethnimra, Sakko, kiimaq Japhon chela thun kra hamli riito. Kiimaq Heshbon chela Hokhamwe Sihon mungtan wa abung hiq tiichongtaq thun ka wiita riito. Tsangshiqnok hiq rai shedong mung nü wiika, Jordan rai khü phan wawan raüta hiqkhu nü miika Gelili Thamchum na saüli riito.
Isakar phan rii achumkuq hiqrai mong wa nai Ashar phan rii achumkuq hiqrai wang mong kiiwa, Manase phan raq lapwantaq chela thun mang ka arthun ara riito. Beth Shan chela, nai Ibleam chela kiimaq kra chela wiinai tro binjü na sitlaq chela thun kriimin tromsaq na tlom wanto. Kiimaq hali Dor chela (Khamjong chumkii niiti kiimin), Endor chela, Taana chela, Megiddo chela kiimaq kra chela thun tro binjü wa chela aransetiim thun kra tlom wanto.
Manase phan raq Beth Shan chela, Tanakh chela, Dor chela, Ibleam chela, Megiddo chela, kriimaq arthun tro binjü wa chela aransetiim na siti Kanannok ka jobaiqlot mak dea riito. Kra Kanannok ka ümchaü min Israilnok rai adam niili sitlo.