JOSHUA 17:11 - ASII LAKDAP Bible (BSI)

¹¹ Isakar phan rii achumkuq hiqrai mong wa nai Ashar phan rii achumkuq hiqrai wang mong kiiwa, Manase phan raq lapwantaq chela thun mang ka arthun ara riito. Beth Shan chela, nai Ibleam chela kiimaq kra chela wiinai tro binjü na sitlaq chela thun kriimin tromsaq na tlom wanto. Kiimaq hali Dor chela (Khamjong chumkii niiti kiimin), Endor chela, Taana chela, Megiddo chela kiimaq kra chela thun tro binjü wa chela aransetiim thun kra tlom wanto.

Hawa Naga Bible 2001

¹¹ Manase kuex Issakar nuiyc Asher ghaq hong nuex httax yaq Bet Shan, Ebleam nuiyc kvruex tvroz wawc miqghaq htenc, Dor (taungkawx htauk wawc ghaqshiz), Endor, Taanak, Megiddo nuiyc tvroz wawc miqghaq htenc kuex guimz yaq.

JOSHUA 17:11 Referencias Cruzadas

2 SAMUEL 21:12

Kiimaq apaiq raq Gilead wang na Jabesh chela na siti jaq wa Saul nai Jonathan rok arii thun kra riichom jaü wato. (Tsangshiq raq arthun arka Beth Shan chela na nokwe thungchang hiqthung ba wa huk wanto. Arka Philistainnok raq Saul nai Jonathan ka Gilboa Hiqlam na tsattaq raüta amaa ka atiishak paq araq kiiwa ahukki riito.)

1 HOKHVMX 9:15

Hokhamwe Solomon raq ningkun maq maiq ka di ma shiitai raüta Shomjam kra haito kiimaq apaiq sichang hokham jam kra tiihaito. Kiimaq chela shedong nü siim ba kiijaq hiq tiima tiiphongto. Kiimaq chela tro kiitelong ruk kra tiihaito. Kiimaq apaiq raq tsangshiq ka Hajur chela, Megiddo chela kiimaq Gejar chela thun kra tiihea hai wan nong miitu jam sha wanto.

2 HOKHVMX 9:27

Hokhamwe Ahajia raq kra chhito. Raüta apaiq ka aleng na chao raüta Beth Haggan chela nü niishe juto. Shatmaq Jehu raq apaiq kiimin rotrot jowanto. “Apaiq kiimin tiishe tlo rong laq,” nguta Jehu raq asenginok ma aming kuqto. Kiimaq tsangshiq raq apaiq kiimin leng na ngaraüta Gur hiq na walam na, lamha bala kiiwa, Ibleam chela tho wiishe tiisho hiipto. Shatmaq apaiq ka lamaq shiichaq raüta Megiddo chela na saüli tiihit juto. Kiijiishe alang ka pitto.

1 KAÜWA WERAÜ 6:70

Kiimahali Manase phan sichang Shenyap nü wang niika, tsangshiq ma Aner chela nai Bileam chela, kiimaq kra tro na nyamse rümchang nyiimlung wak ram thun kra phea kuqto.

1 KAÜWA WERAÜ 7:29

Manase saüsetiim weraü phan raq Beth Shan chela, Taanakh chela, Megiddo chela, kiimaq Dor chela, kiimaq kra thun chela tro chela ahin sitlaq thun kra siq wanto Ara chongtlaq hiqshong thun arka Jakob se Joseph saüsetiim phan siwan chang maiqhiq thun riito.

2 KAÜWA WERAÜ 35:22

Shatmaq Josia raq atsantsii ka riikhat raa ma nguta atoqtan kun she riito. Shiikeawe raq Hokhamwe Neko lümaq atiichongho bom kra tai mak akhii riito. Kra ningkhan apaiq ka maiq ahinti ikha atlao raüta Megiddo hiqthung tan na rekhat wa wawanto.

Tvtsvmc 83:10

Ümniiraq tsangshiq ka Endor hiq maq khatbaiq laü, kiimaq tsang maa phong hiq na namto.

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

JEKERIA 12:11

Kra akhing na, Jerusalem na ashi ari ajon ajü watrang ka Megiddo hiq thung tan na Hadadrimmon hiq na maaho majü hoqtrang taq ikha miraq.

JOSHUA 11:2

kiimaq hiqkhu nü mung pum na siti hokhambi ma, Gelili Thamchum maq hiqmai nü wang Jordan rai tan binjü na siti ma, kinji wang binjü na siti ma, kiimaq khamjongkii wang binjü na Dor chela tho na siti ma tsütsa ka tiichong kito.

JOSHUA 12:21

Taanakh, Megiddo,

JOSHUA 12:23

Dor, (Mediterenian Jüjong kii na), Goim (Gelili wang na).

JOSHUA 16:9

Kriithun chela krai chela aransetiim wiijam kiimaq hiqshong thun Manase phan hiqtrai mong wiimin lomto. Shatmaq Ephraim phan ma chumkuqto.

JOSHUA 17:10

Riita Ephraim phan rii hiq kriika shemai nünü wang na. Kiimaq Manase phan rii hiqshong ka shekhu nü nü kiina chato. Kiimaq Mediterenian Jüjong ka tsangshiq noknai ri ma shenyap nü wang trai riito. Kiimaq Ashar phan rii achumkuq hiqrai ka shekhu nü nai shenyap nü na chato. Kiimaq Isakar phan rii achumkuq hiq shong ka shekhu nü nai shedong nü na riito.

JOSHUA 17:16

Tsangshiq raq treto, “Ara ku akin binjü arka aranse. Naishiq ka siimmai. Shatmaq Kanannok hiq thung tan na siti jaq niika jin maq atiiq kumrang leng thun asi. Beth Shan chela, kiimaq kra tro binjü na chela aransetiim thun kiimaq Jejreel rai tan binjü na siti jaq niika asi chhaq siisaq.”

PHOWEBI 1:27

Manase phan raq Beth Shan chela, Tanakh chela, Dor chela, Ibleam chela, Megiddo chela, kriimaq arthun tro binjü wa chela aransetiim na siti Kanannok ka jobaiqlot mak dea riito. Kra Kanannok ka ümchaü min Israilnok rai adam niili sitlo.

PHOWEBI 5:19

Tanakh hiq maq Megiddo tho na tsiimserai maq, hokhambi ka kiraüta khatto; Kanannok hokhambi raq khatto, shatmaq tsangshiq raq kampho ka, lap wan lot mak riito.

1 SAMUEL 28:7

Kriikha niishe Saul raq asengi siihiipbi ma, “Ngi ma wulum rai riibom damti maiq nyungshi ra ritkuqki rongkiq. Ngi ka apaiq phana kilata langtliikai ma,” nguta aming kuqto. “Iniikiijaq Endor chela na siti nyungshi asi,” nguta tsangshiq raq treto.

1 SAMUEL 31:10

Kra lot raütiishe, tsangshiq raq aja apiq thun kriika, tsangshiqnok jechak phra kaü Astarte shomjam niishe thüto. Kiimaq amaa ka Beth Shan chela khetuk siim na tiibaiqto.

1 SAMUEL 31:12

Kra tai raüta, nolajongbi thun ka rawa minru Beth Shan chela kiina kihoto. Raüta tsangshiq raq Beth Shan chela khetuk kiiwa, Saul nai asetiim maa thun kra lam raüta, Jabesh chela na piwanto. Raüta amaa thun ka kiijaq wa maq chaq raüta saiqsamto.