JOSHUA 17:11 - Hawa Naga Bible 2001

¹¹ Manase kuex Issakar nuiyc Asher ghaq hong nuex httax yaq Bet Shan, Ebleam nuiyc kvruex tvroz wawc miqghaq htenc, Dor (taungkawx htauk wawc ghaqshiz), Endor, Taanak, Megiddo nuiyc tvroz wawc miqghaq htenc kuex guimz yaq.

ASII LAKDAP Bible (BSI)

¹¹ Isakar phan rii achumkuq hiqrai mong wa nai Ashar phan rii achumkuq hiqrai wang mong kiiwa, Manase phan raq lapwantaq chela thun mang ka arthun ara riito. Beth Shan chela, nai Ibleam chela kiimaq kra chela wiinai tro binjü na sitlaq chela thun kriimin tromsaq na tlom wanto. Kiimaq hali Dor chela (Khamjong chumkii niiti kiimin), Endor chela, Taana chela, Megiddo chela kiimaq kra chela thun tro binjü wa chela aransetiim thun kra tlom wanto.

JOSHUA 17:11 Referencias Cruzadas

2 SAMUEL 21:12

Gilead mungx nuex httax yaq Jabesh miqsaz yauk wawc Sholu nuiyc Yonathan ruk vrawz htenc kuex lvmz kaz tueq. (Jabesh miqsaz kuex Gilboa Kanx htauk nuex Philistin miqsaz htenc rueq Sholu kuex thvt gay ruiux, piq maungx kuex pauk gay shec tueq Bet Shan hong yaruix rumz wawc guiuq lvmz kaz tueq.)

1 HOKHVMX 9:15

Hokhvmx Solomon rueq Shomc Yuimx nuiyc hokhvmx hoc htenc guirc tvkoc muinz, ghaqyungx shaldungc kox nuex ghaq tvmvrc tvkoc muinz, ghaqyungx palx ruk tvkoc muinz yauk shuimc vgvrx shuimc jix muex tvshuimc tueq. Piq rueq Hazor, Megiddo nuiyc Gezer ghaqyungx htenc kuex guirc yek tvkoc muinz kvruex hez kuex nvr tueq.

2 HOKHVMX 9:27

Hokhvmx Ahazia rueq yaungx wvnc tueq htenc kuex khiz vtueq, piq renc maq Bet Hagan ghaq kox nuex yuz wvnc tueq. Jehu rueq piq kuex yurc laq vtueq, “Piq kuex thvt gay shuinz!” ngoz tueq nvr koq tueq, Ebleam ghaq hep wawc Gur nuex kay juing lvmx nuex piq renc maq duiz waung yaq nuex tsuinghez rueq piq kuex tv-phiz shuz tueq. Yuq muinz piq kuex Megiddo ghaq nuex httuiuc laz kaz wvnc vtueq kvyuq thueyc kaz tueq.

1 KAÜWA WERAÜ 6:70

Shalx nyuip Manase ghaq vraungx wawc Aner nuiyc Bileam ghaq htenc nuiyc kvruex tvroz wawc suiux vmanx remc juing htenc kuex htvp htaz kuq tueq.

1 KAÜWA WERAÜ 7:29

Manase suiuz vsaz hez rueq Bet Shan, Taanak, Megiddo nuiyc Dor ghaqyungx htenc nuiyc kvruex tvroz wawc miqghaq htenc kuex guimz tueq. Kvruex baung htenc kuex Yaku saz Yosep suiuz vsaz hez httaz ngaungc chuing rvtueq.

2 KAÜWA WERAÜ 35:22

Yuq muinz Josia rueq vkhvt tvkoc thuinz maq htvp htaz yoalx shex rvtueq. Tishox rueq Neko maq raz tueq jungx tvsvmz yaq kuex piq rueq tvlvlc vtueq, piq shauk pumz shvmx kuex kv-phelc ruiux Megiddo tvnx wawc rvlungc juing baung nuex kaz wvnc tueq.

Tvtsvmc 83:10

Mnoz rueq tsuingshiq kuex Endor maq taungx gay toq nuiyc, tsuingshiq maungx htenc kuex ghaq htauk nuex nvmx kaz wuez tueq.

JEREMIA 49:2

Yuq muinz ghaqyungx pinhtumc Rabba ghaq jix htenc ralx rvlungc tvruingc kuex ngaz rueq tvtay shaungx vkhing httuiuc wvnc tuex, kvruex ghaq kuex kvhttak bac wvnc vtueq kvruex wawc kumc vkez htenc khamc gay shuex. Kvkaq Israel miqsaz tsuingshiq rueq vhttvr gay mungtan kuex tvyez lvp yek shuex.

JEKERIA 12:11

Kvkaq Yerusalem nuex yonzyec khoarc kuex Megiddo tvnx nuex Hadad Rimmon tvkoc yonzyex yaq ikhoc yunghvlc yaungx wvnc tuex.

JOSHUA 11:2

ghaqkhux kox kuz hong wawc hokhvmx bix, Galile Jumx maq ghaqyaz kox Yodan Warc tvnx hong jix, kanx yaz hong nuiyc shalx nyuip kox Dor hep taungkawx nuex httax yaq hokhvmx bix kox nuex thaungc tvhttuiuc tueq.

JOSHUA 12:21

Taanak, Megiddo,

JOSHUA 12:23

Dor, (Galile mungx wawc) Goiim,

JOSHUA 16:9

Manase ghaqruiy mungx wawc Ephraim suiuz vsaz htenc muex vkuq ghaqyungx wvyvmc muinz lomx tueq.

JOSHUA 17:10

Ephraim kuex ghaqyaz kox nuex rvtueq, Manase kuex ghaqkhux kox nuex rvtueq, Svmuktvrax Mediteranean kuex nuk nueyc vtaungx muex shalx nyuip kox ghaqruiy rvtueq. Shalx nyuip ghaqkhux kox nuex Asher ghaq rvtueq, shaldungc kox nuex Issakar ghaq rvtueq.

JOSHUA 17:16

Tsuingshiq rueq, “Kuz ghaq hong kuex nuiyshiq tvkoc ruinc hvlc, yuq muinz Bet Shan nuiyc tvroz wawc miqghaq htenc nuiyc Jezreel Warc tvnx nuex httax yaq Kanaan miqsaz kuex yanx renc lvp tvy jix nuk rvtueq,” ngoz tueq tvralc tueq.

PHOWEBI 1:27

Manase phvnx htenc kuex Bet Shan, Taanak, Dor, Ebleam, Megiddo ghaqyungx htenc nuiyc kvruex hep wawc miqghaq ruinx htenc nuex httax yaq miq htenc kuex yurc gay muq doc; Kanaan miqsaz htenc kuex kvruex hong htenc nuex httax ruq dvyx doc.

PHOWEBI 5:19

Megiddo ruilx hep wawc Taanak baung maq hokhvmx bix rv-khvt wuez yaq; Kanaan hokhvmx htenc khvt gay tueq, yuq muinz tsuingshiq rueq kuimphox kuex lvmz wuez muq.

1 SAMUEL 28:7

Kvruex yimaq Sholu rueq piq vyungx vlaungx bix muex ngoc, “Htaungc shvmmax nyuiuz shiz kuex thuiy kaz kuinz, piq muex ngaz rueq tvlawc wisoz talx shaungx,” ngoz tueq jungx tueq. Tsuinghez rueq, “Endor nuex nyuiuz shiz httax yaq,” ngoz tueq jungx tueq.

1 SAMUEL 31:10

Kvruex yimaq piq marc vrarc htenc kuex tishox nyuiuz Astarte shomc yuimx nuex taq tueq, vmaungx kuex Bet Shan ghaqyungx palx ruk nuex tvnvmx pauk gay tueq.

1 SAMUEL 31:12

shvrvyx bix kuex Bet Shan ghaqyungx nuex wvrx taungx kaz wvnc tueq. Tsuinghez rueq palx ruk nuex vpauk gay Sholu nuiyc vsahez maungx kuex tvsvt lvmz ruiux, Jebesh ghaq nuex lvmz wvnc vtueq kvyuq jauk gay tueq.