JOSHUA 10:40 - ASII LAKDAP Bible (BSI)

⁴⁰ Joshua raq kra mung ka kunkun khat raüta jiiwanto. Apaiq raq kin na siti thun hokhambi kra, shedong nü wang wa kinjam na siti thun kra, kiimaq shenyap nü wang wa, kinjiji na siti thun kra, kiimaq shemai nü wang wa, hiqshin wang na siti thun kra, thumthum khat raüta jiito. Apaiq raq jumin atra tiichong mak; maiqse angu wiita tiimiqchup jiipbaiqto. Arka Israilnok Tati Shiikeawe raq aming akuq kra phan phan kloto.

Hawa Naga Bible 2001

⁴⁰ Yoshua rueq wvmungx tuimx khvt taungx gay tueq. Piq rueq kuz wawc hokhvmx bix, shaldungc kox kanx yuiuc wawc nuiyc shalx nyuip kox kanx yaz wawc hokhvmx bix nuiyc ghaqyaz kox ghaqshanx hong htenc wawc hokhvmx bix htenc kuex khvt taungx gay tueq. Kvruex wawc mungx miqsaz lotlaz kuex thvt gay tueq. Yehowa Israel Tishox rueq nvr tueq rulc rv-ngvlc kvkhoc khvt wvnc tueq.

JOSHUA 10:40 Referencias Cruzadas

1 HOKHVMX 15:29

Tlothit li she apaiq raq Jeroboam jamti maiq ümchuwa sitlaq kra wiita she tiitsat baiq wanto. Arka Tatiwe raq apaiq jaqshise Shilo chela na siti shammiwe Ahija lümaq tiithaitaq kra phan phan she kupi wanto. Krai mren Jeroboam tahii jamti maiq thun ka kunkun tsatbaiqto. Maiq ka ashi min atra tiichong mak tsatbaiqto.

NEHEMIA 9:24

Tsangshiq raq Kanan mung ka long wanto. Ümwokhong maq tsangshiq raq, tangto. Ümniiraq ümsenginok ma tsangshiq rewe ka, ji maq tiini wan laü, tiibun tlak khat wan miitu, ningkun kuq wan laü. Tsangshiq raq Kanan mung na siti, chiqse rewe nok ka, tsang hokhambi rai rewe thun aki ka, wiita khat wan miitu ningkun kuq laü.

Tvtsvmc 9:17

Abi kloti thun ka wiita tsailam maakho na dea wanti siisaq, Shiikeawe shipoqbaiqti ka wiita akha mithumki.

DUNGWVNC 34:12

Namshiq raq jiiwantlan maiq mung thunti rai wehea riija tong naqshong rongkiq. Akhla riihan jiila, namshiq khlaq wan chang hiqbi thiikho bok ma mijaki.

WEAWEA 13:17

Ümtiikiiwa Mosheq raq tsangshiq ka tiiwataq, apaiq raq tsangshiq ma akha chong kuqto, “Armaq shekhu nü nü na walanta, Kanan mung shemai nü nü wang kiina waronglaq. Kriimiishe ku akin tonglong wang kiiniishe waronglaq.

TRI CHONGKE 1:7

Namshiq piitiip thun kra run rong laq. Lanta laü wan rong liishe. Lanta Amoraiqnok mung ku akin tonglong mung kiina kiimaq kra tro binjü wang thun kiina— Jordan Rai Thungtan na, ku akin tonglong wang kiina kiimaq hiqthungtan thun wang kiina, shemai nü wang thun kiina, kiimaq Mediterenian khamjong kii wang thun kiina laü wan ronglaq. Lanta Kanan mung kiina, kiimaq Lebanon mung pum thun kra tlea lanta kiimaq riita luhea hiq tiisup wang na Euphretis Rai kiina saüli laü wan ronglaq.

TRI CHONGKE 2:34

Krai mren, nashiq raq chela thun wiita tiikham laita jiiwan kai. Laita miqchup tiithen baiqkai. Maiqse angu wiita, maiq were, jechak re, kiimaq nosere thun wiita chongthum jiipbaiqkai. Nashiq raq maiq ka ashi ra min atra tiichong mai tsatbaiq kai.

TRI CHONGKE 7:24

Apaiq raq tsangshiqnok hokhambi ka namshiq jaqkhon mong na mikuq baiq. Namshiq raq tsangshiq ka mijiip baiq han. Kiimaq tsangshiq ka maiq raq alaq she mirbaiq. Namshiq ka juwe riimin tangtalot mak miraq. Namshiq raq maiq ka wiita mijiipbaiq han.

JOSHUA 10:35

Tsangshiq raq chela ka kra ranaiq niili khat baiqto. Raüta jiito. Raüta Lakhish chelati jiipbaiqtaq, kiikha hali, maiq ashi min tiichong mak, tiimiqchup jiipbaiqto.

JOSHUA 10:37

Raüta chela ka jiito. Tsangshiq raq hokhamwe ka tsatto, kiimaq chela wa maiqse angu ka tiimiqchup tsatbaiqto. Kiimaq kra chela maq ajeje na siti chela thun kriimin wiita khatto. Raüta maiqse angu ka tiimiqchup jiipbaiqto. Joshua raq Hebron chela kiimin Eglon chela kiikhiisii, tiimiqchup jiipbaiqto. Maiq ka weshi min atra tiichong mak jiipbaiqto.

JOSHUA 10:39

Apaiq raq kra chela ka khat raüta, chela hokhamwe kiimaq Debir chela tho na siti chela thun kiimin khat raüta jiito. Tsangshiq raq maiqse angu ka tiimiqchup jiipbaiqto. Joshua raq Debir chela hokhamwe ka Hebron hokhamwe nai Libna hokhamwe jamkho tsatbaiqtaq kiikhiisii tsatbaiqto.

JOSHUA 11:16

Joshua raq mung ka khat raüta kunli jiiwanto. Kriika arthun ara riito: Ku akin mung kra, kiimaq kinji wang thun kra, shekhu nü wang nai shemai nü wang thun ka romshaq na, Goshen wan binjü lotli, kiimaq kriimaq shemai nü mung thun kra, kiimaq Jordan rai tan thun kra.

JOSHUA 12:8

Kra chumkuqtaq hiq trai ka arthun ara hamto. Ku akin binjü wang kra, shenyap mung nü wa pumjiji wang kra, Jordan rai tan kra, kiimaq Jordan rai tan pumjiji binjü wang thun kra, Jordan rai maq shedong nü kin jamjam binjü wang thun kra, kiimaq shemai nü mung wa, shinriiqriiq wang binjü thun kra riito. Armung thun arka man na, Hitaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok shongchang riito.

JOSHUA 18:21

Benjamin phan rii tachong hiqshong achumkuq wang binjü na chela thun lomtlaq ka: Jeriko, Beth Hogla, Emek Kejij,

JOSHUA 6:17

Chela nai chela mong na ümchuwa sitlaq kra thumthum shiithen baiq ratlo. Arka Tatiwe ma honglu na ake kun she. Mephe nyung Rahab nai ajamtitiim kriili tiichong chang. Jamkhano ngukla apaiq raq nashiq siwenai kra paükuqto.

JOSHUA 8:2

Ümniiraq Jeriko chela nai kiiwa hokhamwe ka jamkho riilaü kiikhiisii Ai chela nai ahokhamwe kiimin mirhaü. Shatmaq kiiwa hup asam thun nai atra jam nyamse thun ka, sepat lopi ma namshiq maiqmii raq tsuqphaq wan mimai. Chela jai nünü kiimaq bom hai lanta khe rong laq.”

JOSHUA 8:27

Kiimaq Tatiwe raq Joshua ma chongtaq kra phanphan, Israilnok raq Ai chela wa sepat lopi hupsam nai jam nyamse thun ümchuwa laptaq kra tsangshiq maiqmii miitu thühoto.

JOSHUA 9:24

Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.