James 2:19 - ASII LAKDAP Bible (BSI) O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo. Hawa Naga Bible 2001 Tishox vshiz dvyx httax yaq ngoz tueq mnoz kvmx vtuiux haz? Vhvlx! Htaungc htenc doc muinz kvkhoc kvmluimx vtueq hisungx wuez yaq. Muklom Shkewa ashey dang ta nang aa uhan eq u. Jaqhal raaq! Thangwa tang tho irimal uhan eq aa etho ucho wang mo aa. |
“Israilnok lei, namshiq ka isaqse kong; Ngi raq ümniika ijaqshi miitu tsea wan kang, ümniiraq Ngi sap wan miitu kiimaq ngi makam wan miitu. Laüta Ngi arlishe dea Shiikeawe nguta sap wan miitu. Ngi tlea raüta ahin shiikea ka ahü she; man niimin ahü dongdii, kiimaq jai miimin ahü dongdii miraq.
Tatiwe, Israilnok rümti kiimaq tiiwongti, Ajong Pinthum Tatiwe raq akha nguttlo: “Ngi ka atiiphati, kiimaq atiisupti, Shiikeawe ka Ngi arli dongdii; ahin tisho ka ahü, Ngi sitiikang arli dongdii.
Naqhai rongkiq, isenginok lei! Namshiq raq asaphan kata, richüpat maq riitea ümchaü na saüli, Ngi raq ümchu hongtha wan chang wa kra tiithai wan kang. Kiimaq namshiq ka isaqsekong sitlan. Riita tisho ahin ka asi shea? Ngi raq jangshi ra min taimang shaq tisho ka asi shea?”
Ngi raq ara klotiikang arka maiqse loweatek raq, hiqraikhü na siti siimko maq riita siimko na saüli, Ngi ardea Tatiwe, kiimaq ahin tisho ka ahü nguta misaplaq nguta klotiikang.
Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.
Shatmaq Shiikeawe raq, “Riita, ümniika jamlai chhi laüto wuqphum chong kra miitu khiq rai tlaü?” nguta Jona ma waito. Kiijiishe, Jona raq, “Ngi ka akhiq chang lam mra asi kha na khiq tiikang. Tsankhiq hea atsai wan klishe rotiikang!” nguta Jona raq Shiikeawe bom treto.
Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.
Tsangnai raq Jesuq chhi raüta, tiihang hiiq miili she, “O Shiikeawe Se loi, ümniiraq naishiq ka jamkhiiriiho she wa dan tlaü? Naishiq ningthoi akhing misaü shaq niili, ümniiraq naishiq ka tiichamchao kai she sha saüki laü?” nguta siitrangto.
“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.
Kiijiishe Jesuq raq treto, “Tarü thaq na akhek aming ka ara: ‘Israilnok le, tairong laq! Namshiq Tati Shiikeawe kli wiitarü thaq na Tati.
hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”
Kiimahali, Jesuq raq bom ka akha chongto, “Namshiq ka pinthum khonglaq lanta, maiqmii tri raü tu kra shreng tlan. Lanta, Shiikeawe aming ka no na tsuqbaiq tlan.
Apaiq ka, “Ai! Najarethti Jesuq le. Ümniiraq naishiq ka jamkhii riiho she wa tan tlaü? Ümniika naishiq tsea wa sha walaü? Ümniika juwa ngi raq asap ha! Ümniika Shiikeawe raq atiiki Asii kiimwe!” nguta gihoto.
Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.
Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.
Shatmaq, abi winji raq tsangshiq bom ka akhiishe treto, “Ngi raq Jesuq ka juwa asap ha. Kiimaq Paul ka juwa kriimin asap ha. Shatmaq, namshiq ka ju nguto tiima tlan?” ngutiishe tsangshiq ma bom ka waito.
Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.
Jehudinok nai Pongnok phan maiqse miitu, Shiikeawe ka ashi li. Apaiq raq Jehudinok ka tsangshiq raq apaiq ma kamtlaq kra lümaq mishram wan. Kiimaq Pongnok phan maiqse kiimin, tsangshiq raq apaiq ma kamtsantsii thü tlaq kra lümaq mishram wan.
Riita ara chongtiikai arai mren, thatsang maiqse raq sumla phra thun kra noq ma nguta ataa kuq thatsang ngam ka Phungmaiqse raq phaqsea mimai sha, maimak wa nguta bom tiiwai lan irshe chongkuq pha: Nashiq raq asap i, sumla phra nguta maiqse raq shomnoq tlaq kriika, riikhaqli miika kiikha phra ka ahü. Nashiq raq asap i, Shiikeawe ka ashi li.
Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.
Shatmaq, ümtiikiiwa, kiqkham keti we kriika ashi li riijiiq, kiijiika, rukwe kiimwe ngo min raa mak she. Kriikha maq, kiimwe ka shong mak miili she, Shiikeawe apaiq tiqtaq riili she, Abraham ma kiqkham raüpot kra khakuqto. Jamkhano ngukla, Shiikeawe ka ashili.
Jamkhano ngukla, Shiikeawe ka ashi li. Kiimaq Shiikeawe nai maiqse angu hupli liipan na, kiimwe jawanti ka ashili. Kriiwe ka Khristo Jesuq sitlaq kriili she. Apaiq tlea raüta kiimwe jati maiq ahin ka jumin ahü she. Khristo riili maiqse angu ka Shiikeawe wokhong na shea wan raüta tiichhii wan tlo.
Ara chongtiikai arkha maq, Asii bomtsi na chongtlaq, Ramungtan Thungtri aming ka namshiq raq lang lanta si han jiila, namshiq ka tingting maiqse ma mija han. Kra chongtiikai aming ka ara, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq.”
Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.
Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.
Kiijiishe tsangshiq laoti Thawe ka ngamthaiq kaü nai arot shammi we tiidea baiq chang nyiimwin walü ikha watum lü rai tlaq kiijaq mitiidea baiq. Kiijaq tsangshiq ka ranaiq rawa pattup pat-sa she mitiichamchao wan.