James 2:20 - ASII LAKDAP Bible (BSI)

²⁰ Ai, angi we loi! Kamtsantsii ka jaqsham maq tiichhikuq wan mak raü ka, shaqmii nguta chongtlaq kra ümniiraq sapmaü sha?

Hawa Naga Bible 2001

²⁰ Miqyaq vngaz lex! Honc vyaungc vguez maq kvmluimx tuiux kuex khuec guez yaungx yaq lvmx tuiuz roc haz?

Muklom

²⁰ Miqthom tang, jaksom ahung na kam sha thanghung ta nim aa sam min i?

James 2:20 Referencias Cruzadas

TAKSU LAK 12:11

Minshiiq shiichaqti riika, tsamtum ama totlo. Shatmaq maiqjiqti riika, kamhü lamhü na rashe tiichatlo.

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

Romans 3:28

Ara jamkhano chongtiikai ngukla, nashiq raq tri ka shat wan kai she, maiqse ka Shiikeawe rai kamtsantsii lümaq shram wan tlo, Thungtri aming lang wan raüta riimak nguta sap wankai she.

Romans 9:20

Shatmaq, i phuno we, riita, ümniika ju wiita, Shiikeawe kiq kra khü wan miika? Hamtak ashi riika, apaiq tiiq lowanti we kiima, “Ümniiraq ngi arka, akha jam nguto tiiq laü?” nguta bom ka wai mak.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Galatians 6:3

Jurwa maiqmii kiidea ajong ala nguta tiima tlaq, shatmaq, riikhaqli maq liiwan raü ka, apaiq ka jam min ahü, kriika maiqmii tlao phaq lishe.

Colossians 2:8

Riita ümchaü ka namshiq maiqmii tsii lamshat maq sirong laq. Mangjong maiqse phaqchi taksma, athii arii min ahü manphan jüche, ashi ra raq chongphanke wan tsütsit kra tai lanta, naq shonbiiho rongkiq. Kra tsangshiq raq phanchan kuq tlaq manphan ka, rawang win na siti abi winji hokhambi, ara ra nai hiq ara jamshati raq rom wan raüta achongkuq bomtsi jo. Kriika Khristo raq achongkuq manphan ka riimak.

1 Timothy 1:6

Maiq wiijamti ka ara ümchaü chongtiikang awongsii rilung lamphan wa lamjiq nü na kiho raüta amii she riikito.

Titus 1:10

Ara jamkhano chongtiikang ngukla, Phungmaiqsetiim phong na maiq pahea asi, akhek ka Jehudinok wa Phung na shang wantiiti phong na sitlo. Tsangshiq raq ara chongtiikai tingting kamasham bomtsi tri raütu arka, ajiq lam na chongkuq tlo. Tsangshiq raq athohan poi ka lang raa tlo nguta shrinkuq tlo. Akha ajiq lam na shrinkuq raüta, Phungmaiqse kamtsantsii ka tiiphing phiim tlo.

James 1:26

Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

James 2:17

Ara chongtiikai akhiisii, kamtsantsii rüm ngutlaq kiimin kata. Maiq weshi raq kamtsantsii ka rümtiikang ngu raü, ajaq sham maq tiichhikuq mak jiika, apaiq kamtsantsii ka thiihü, amaa.

James 2:26

Riita, ara chongtiikai arai mren, Phungmaiqse ashi raq, kamtsantsii ka rümtiikang ngu raü, apaiq raq ajaq sham maq tiichhikuq mak jiika, apaiq raq rüm tlaq kamasham kriika achhii, awong ka ahü. Kriika maiq maa ashi bumrai tlaq ikhli miraq.