James 2:21 - ASII LAKDAP Bible (BSI)

²¹ Shiikeawe raq nati Abraham ka, kechu maiqse dea nguta jamkho rairii wanta? Kriika Abraham raq, apaiq jaqsham maq tiichhike kha na, apaiq ka kechu maiqse she nguta rairii wanto. Apaiq raq ase Isak kra Shiikeawe ma honglu na takuqto.

Hawa Naga Bible 2001

²¹ Naungshiq jix vwaz Abraham kuex Tishox rueq tvtsuing tvrux kuy kuex yvmx khoc maq lac lvp wvnc tvnx? Piq rueq vsaz Esak kuex shomrawx htauk nuex shomc kuy tvkoc ngoz yaq honc vyaungc htauk maq lvp wvnc tueq.

Muklom

²¹ Hiqtang wa Abraham aa usa miqwasa Isaac tha rongthung na pinthong kot ma shing eq piq jaksom wang asing miq ma shing moq angta i?

James 2:21 Referencias Cruzadas

Tvtsvmc 143:2

Ngi ümjaqshise ka rung na naq tiichapkiq; ümmakki na kechu maiqse jumin ahü.

ISAIA 51:2

Namti Abraham kra tiima rongliina, kiimaq Sara, namwijong kra shiwea rong liina. Ngi raq Abraham hea wan kang akhing na, apaiq ka sehü, shatmaq Ngi raq apaiq ma shiiman kuqkang, lata apaiq ka saütam serü tiijakang. Ngi raq apaiq laila ka ra ma hiq ma tiipuchi kang.

Matthew 12:37

Namshiq maiqmii bomtsi kriili kappe ma tiija raüta, Shiikeawe raq namshiq ka ashut maiqse sha, tingting maiqse wa kriishe mipho kuq.”

Matthew 3:9

Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot!

Luke 1:73

Apaiq raq atiitum raüta, nati Abraham ma chongto, nashiq ka najaqti jaqkhon mong wa, mida wan ha nguto. Raüta, nashiq ka apaiq wokhong na, tsailam jilam maq, apaiq shomnoq wan she mitiisi wan ha nguto.

Luke 16:24

Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’

Luke 16:30

Kiijiishe, chiithe we raq treto, ‘I we Abraham le, kra lamlamse ka hong mak! Shatmaq, maiq weshi ra, ama wiishe dong wan raüta, tsangshiq phana ki raüta tsii chongkuq ki raü jiika, tsangshiq ka ngarai mong wa tsantsii miklai wan.’

John 8:39

Kra tai raütiishe tsangshiq raq hali, “Naiti ka Abraham,” nguta apaiq kiq ka khiito. Kiijiishe, Jesuq raq tsangshiq bom ka treto, “Namshiq ka ngohea shaqshaq dea Abraham lai ala phan ngu raü jiika, apaiq ka jamkho shongnga wantaq, kiikhiisii hali namshiq min mishongnga wan han wa.

John 8:53

Naiti Abraham ka atsaikai kun she. Ümniika Abraham nam ma ajong ngutiika tiingo maü sham na? Sha tiingo tlaü wa?”

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Romans 3:20

Ara jamkhano chongtiikang ngukla, maiqse aja wa, jurmin Thungtri ka riikhaqli maq lang tlo nguta, Shiikeawe rai wehea shram raüta, kechu maiqse ma jawan lot mak. Thungtri raü sitlaq kriika, maiqse ma apaiq ka ajiq we dea, nguta kha nyanke miituli sitlo.

Romans 4:1

Riita ümchaü nashiq raq nashiq nok phan maiqse ma tipai, nati Abraham rilung ka jamlai miishe wa mithap thi rong i? Apaiq ka arilung na Shiikeawe man na jamkho siwanta?

Romans 4:12

Abraham ka, Jehudinok athohan poi lang wan raüta siwanti, kiimaq athohan tri lang tlaq kra thaq niimin, Abraham raq apaiq raq athohan mikloshaq akhing na, Shiikeawe ma jamkho kamwantaq, kiikha Shiikeawe ma kamwantibi thun miimin, Abraham ka awejong she jawanto.

Romans 4:16

Riita ara chong tiikai arai mren, Shiikeawe raq Abraham ma kiqkham raüpot khakuq wantaq kriika, Abraham raq apaiq ma kamwantaq kra kha na kuqto. Riita, ara kongphiq khakuq wantaq arka, Shiikeawe raq maiqse ma, apaiq kaphap mangchan jonghea rüm tlaq kra tiichhike wan nguta, kuqto. Krai mren, ara kongphiq arka, Abraham saüse phan tarü kunli raq achü shiiman kra lap wan miitu kuqto. Arka Thungtri lang wantibi miitu li ka riimak. Shatmaq, Abraham raq jamkho Shiikeawe ma kam wantaq, kiikha kam wantibi tarü miitu kuqto. Ara jamkhano akha chong tiikai ngukla, Abraham ka nashiq tarü ma wenyi rilung na ati.

Hebrews 11:17

Abraham raq Shiikeawe ma kamtsantsii thü wantaq kha ma, Shiikeawe raq apaiq ka maitai wantaq akhing ranaiq, apaiq raq ase Isak ka, Shiikeawe ma honglu na take wan miitu tiijeje maq sito. Abraham kata, Shiikeawe raq kiqkham kongphiq khakuqtaq kra lap wanti we. Kra taü maq dongdii min, apaiq raq ase sekhuq laqlaq se kra, honglu na take wan khekham riito.

James 2:18

Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha.

James 2:24

Riita, ija, Phungmaiqsetiim lei, ara chongtiikai arwiishe, nashiq raq chhi tiikai. Shiikeawe raq maiq ashi ka kechu maiqse she dea nguta, rairii wan tlaq kriika, apaiq raq Shiikeawe ma kam tlaq kra thaq na seng raüta, ajaq sham miishe hali tiichhi kuq wan tlaq, kriikha maq, kriiwe ka kechu maiqse she dea nguta, Shiikeawe raq rairii wantlo nguta chongtlo.

JOSHUA 24:3

Kiiwiishe ngi raq namti Abraham ka Euphretis Rai maq siimko nü mung kiiwa sheaho kang. Lata ngi raq apaiq ka Kanan mung arjaq kunli na sheaho kang. Ngi raq apaiq ma alai ala pahea kuqkang. Ngi raq apaiq ma ase Isak kuq kang,