James 2:21 - Muklom

²¹ Hiqtang wa Abraham aa usa miqwasa Isaac tha rongthung na pinthong kot ma shing eq piq jaksom wang asing miq ma shing moq angta i?

ASII LAKDAP Bible (BSI)

²¹ Shiikeawe raq nati Abraham ka, kechu maiqse dea nguta jamkho rairii wanta? Kriika Abraham raq, apaiq jaqsham maq tiichhike kha na, apaiq ka kechu maiqse she nguta rairii wanto. Apaiq raq ase Isak kra Shiikeawe ma honglu na takuqto.

Hawa Naga Bible 2001

²¹ Naungshiq jix vwaz Abraham kuex Tishox rueq tvtsuing tvrux kuy kuex yvmx khoc maq lac lvp wvnc tvnx? Piq rueq vsaz Esak kuex shomrawx htauk nuex shomc kuy tvkoc ngoz yaq honc vyaungc htauk maq lvp wvnc tueq.

James 2:21 Referencias Cruzadas

Matthew 12:37

Nim raaq tungkang o, nim raa aja ang moqtey etha ang moq o aja ta shing phan nin.”

Matthew 3:9

Etho Abraham nim tey aa wa ta nak tathin inn, nga nim ma bat phang, Shkewa iri long tang riwang Abraham ma usatang tho jin hun eq na.

Luke 1:73

Piq aa hiqtang tey aa wa Abraham ma rangtatum ta, hiqtang ralwa tang wang hiqtang thalun phani, etho chamtho chopan hunga tasom phani,

Luke 16:24

Piq aa jujong aa ring eq batta, ‘Iwa Abraham! Nga ma tinshi phu, etho Lazarus aa ujakshi ni jung o tim eq iphali ri takki ma takat phu, chammatakoi nga iro walna rapney tsamnang ang.’

Luke 16:30

Tanglom wa aa batta, ‘Iriwang ang moq angna, iwa Abraham! Etharin chamtey utik sey ang jio wey lun eq ning ma battan ajo ning ngarey wang kaley na.’

John 8:39

Ning aa thawel batta, “Íwa Abraham.” Jesu aa ning ma batta, “Nim Abraham sa ang tin jo Abraham aa somta thimal somlo wang tin.

John 8:53

Íwa Abraham utik sey angta, nang piq wang ajong i? Etho rangsamal tang utik sey angta. Nang aa nang ni nang ma chamta tathin u?”

Acts 7:2

Stephen aa batta, “Iwa etho ino nia ipho tang tat inn! Hiqtang tey aa wa Abraham Haran náng ka eq tong wey moq jakho Mesopotamia na angta tho phun amun Shkewa piq ma takhita.

Romans 3:20

Chammatakoi thong jaksom wang utang tho Shkewa jakho na miq asing ang moq angna, etharin thong tungkang o hiqtang aa ngarey usom eq ti ta usam eq i.

Romans 4:1

Hiqtang phan ajat wa Abraham tung aa raaq chamlang ta raaq aa? Piq aa chamlang sam ta.

Romans 4:12

Etho piq sha hankhup qhantey tang ma tho ning wa, bara hankhup uqhan eq ta jo tho, Abraham sha hankhup qhan jakho na chammal kam na tong ta, eshimal ning tha thanga tho utong ang aa.

Romans 4:16

Eshirangma rangtum sha ukam tungkang o kap aa, irimal ang eq esha ráng manchan o cham ang aa. Esha hiqtang thaji uphi aa lí tang eq kap i, thong tattey tang ma chen ang moq, etharin Abraham mal ukamtey tang eq tho ukap eq aa. Piq sha hiqtang thaji wa.

Hebrews 11:17

Kam tungkang o Abraham aa tari rangham na, Isaac tha pinthong kota. Abraham aa rangtum kapta jo tho usa ashey dang sha pinthong kotma kacha angta.

James 2:18

Etharin chamtey eq batna, “Nang aa ukam eq u etho nga jaksom som ang.” Nang aa ba kam sha ngama jaksom ahung takhi phu, etho nga i kam sha jaksom tungkang o nangma takhi phanáng.

James 2:24

Nim aa usam eq inn, miqna kam wang chen ang moq, jaksom wang tho asing miq ta shing aa.