Matthew 8:29 - ASII LAKDAP Bible (BSI)

²⁹ Tsangnai raq Jesuq chhi raüta, tiihang hiiq miili she, “O Shiikeawe Se loi, ümniiraq naishiq ka jamkhiiriiho she wa dan tlaü? Naishiq ningthoi akhing misaü shaq niili, ümniiraq naishiq ka tiichamchao kai she sha saüki laü?” nguta siitrangto.

Hawa Naga Bible 2001

²⁹ Kvkaq tsuingnueyc rueq, “Tishox Saz lex, nuiyshiq kuex mnoz muex yvmx lac seng tvnx? Vkhing max hungx nuex nuiyshiq muex murx tvgurc kuy tvkoc haz vruex yuq httuiuc kaz ruiux?” ngoz tueq guyc sez ramc tueq.

Muklom

²⁹ Ning ni Jesu tha khi eq, rapney jujong aa ring eq batta, “Shkewa Miqwasa, nang aa ini jamoq chamlang somlo ma ta u? Nang rangham thuwey moq jakho, ini raa tharo tatsam ma thuta phu i?”

Matthew 8:29 Referencias Cruzadas

2 SAMUEL 16:10

“Arjaq ümnaq bomkai chang lam ahü,” nguta hokhamwe raq Abishai nai aphu Joab ma nguto. “Apaiq raq ngi sontlaq kriika, Tatiwe raq apaiq ma chong raüta sontlaq jiika, apaiq nangnga jaram wa sontlaü nguta wai ka thektlaq shea?”

2 SAMUEL 19:22

Shatmaq Dawit raq Abishai nai aphu Joab ma nguto, “Namnai ma bom juro waita? Namnai raq ngi ma mra tiipinke shea tan tlan? Ngi tiina ümchaü Israil mung thaq na hokham. Krai mren, ümchaü ranaiq Israilnok mung wa ju miisaq min tiithum maimak.”

1 HOKHVMX 17:18

Kiijiishe kriinyung raq Elija ma akha nguto, “Shiikeawe maiqse lei, ümniiraq ngi ma akhlanglang chamchao ka jam nguto tiisaü laü? Ümniika arjaq ngi ngarai ka Shiikeawe ma tiichhike wa miitu sha walaü? Laüta ise ka tiitsai wa sha walaü?”

2 HOKHVMX 3:13

“Ngi raq ümniika jaram wa mikhrum kuqha?” nguta Elisha raq Israil mung hokhamwe ma nguto. “Man na ümwe nai ümnyung raq tei tlangkitlaq shammibi phong pahea asi kata. Tsangshiq phana walaüta bom ka riiwaisowa kiq na” nguta Elisha raq nguto. Kiijiishe, “Riimak! Kiikhiika riimak!” nguta Joram raq treto. “Arka Tatiwe raq naitsam hokham wetsam arka Mob mung hokhamwe jaqkhon mong niishe kiinong kuqbaiqto.”

2 KAÜWA WERAÜ 35:21

Shatmaq Neko raq Josia ma ara tsütsa ara tiiwanto: “Ara re khat tiikang arka Juda mung Hokhamwe lei ümniima jammin tsisi mak. Ngi ka ümniirai riikhat wa awa ha riimak. Shatmaq ijaqtibi kra khat wa watiikang. Kiimaq Shiikeawe raq ngi nangnga jaqlo thitthit khat wakiq nguta thaüto. Shiikeawe ka ngi rai kongshi. Arningkhan ümniiraq ngi ka naq tiibanbi kiq. Riimakla apaiq raq ümniika mitiithenbaiq.”

Yoel 3:4

“O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

Matthew 4:3

Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Matthew 8:30

Kriimaq aje niili, atsam phaq waqkong kongnyung kaüshi asi.

Mark 1:24

“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Mark 3:11

Kiimaq, maiqtsak raq arom wan atsiti thun raq, apaiq rai riihum tlaq na, tsangshiq ka akhaki na kaütsrong na bumsaqsaq raüta, akii anyii, “Ümniika Shiikeawe Se!” nguta hoqsii trangto.

Mark 5:7

hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Luke 4:34

Apaiq ka, “Ai! Najarethti Jesuq le. Ümniiraq naishiq ka jamkhii riiho she wa tan tlaü? Ümniika naishiq tsea wa sha walaü? Ümniika juwa ngi raq asap ha! Ümniika Shiikeawe raq atiiki Asii kiimwe!” nguta gihoto.

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

Luke 8:28

Apaiq raq Jesuq ka chhi raüta, tiihong raüta siito. Raüta apaiq ka Jesuq jichong na bumki tlii raüta hali agi asii lam maq, “Ratsan ramong nyang na siti Shiikeawe Se le! Ümniiraq ngi ka jamkhii riihowa dam holaü? Ngi ümniima tiipaiqnea tiikang, ngi ka naq tsat baiqkiq!” nguta hoqto.

John 2:4

Kiijiishe, “Ngi raq jamlai jaq sham chang wa, kriika ümniiraq ngi ma naq chongkiq. Ngi ma rahiq ka misaü shaqli,” nguta Jesuq raq apaiq bom ka treto.

Acts 16:17

Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

PHOWEBI 11:12

Kra raütiishe, Jephtha raq Ammon mung hokhamwe ma kiimwebi tiiki raüta tsütsa ka akhiishe tiichonghoto, “Ümniika naishiq rai jamlai khano riitso tlaü? Ümniiraq imung ka jamlai nguto khattlaü?”