Jude 1:4 - ASII LAKDAP Bible (BSI)

⁴ Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

Hawa Naga Bible 2001

⁴ Yvmx khoc lac ngoz ruiux lec tvrac vguez miqsaz htenc kuex naungshiq kox nuex kvhelc muq vyumx maq nyuip wvnc wuez yaq, tsuingshiq kuex tsuingshiq piauc juing lvmx phvnx yaq vbac honc vyaungc htenc kuex tvguing lot tvkoc naungshiq Tishox kejux nuex seng yaq bomjungc kuex miqmac rueq vroc ruip rux gay dvyx muinz rvmuq, naungshiq nuex vshiz dvyx rvtueq Taungjix Yesu Christu kuex tvdux gay wuez tueq. Tsuingshiq rueq lvp wvnc tueq vphoc vthamc lvmz kuex mvnnuex tvluz nuex phuex Rumvrc luik htenc nuex jungx shec tueq.

Muklom

⁴ Chammatakoi chamtan Shkewa ahung miqtang hutshu wang hiqtang jaktung na nop ta, barey ujashit lam sha tapu rangma hiqtang Shkewa ráng manchan raaq sha kaley chak aa, etho ning aa hiqtang tataltey nia Teyhungwa barey Jesu Khristo sha shingchak aa. Jakho wang hun ning tsamnang tung aa raaq asang likwit na wit sey ta.

Jude 1:4 Referencias Cruzadas

2 SAMUEL 22:5

Ngi ka tsailam jüchhang khamtso raq lam wan miiqmiiq, imiisaq thum chang jütso blun ikhu thaq na.

Tvtsvmc 1:1

Shiimanhea miraq jurwa abi maiqsetiim danhon lang mak, riimakla ngarai klotibi lam phan mak, riimakla Shiikeawe raq lang maktibi rai pong mak.

Tvtsvmc 62:2

Apaiq riili ngi tiiwongtlo kiimaq chhiikuqtlo; apaiq ka ngi tiichhiiti, krai mren ngi ka re raq ümtiikiimin tangmak.

Matthew 13:25

Shatmaq rawashi maiq tarü akon shon na, apaiq ma wesang ralii we weshi ka waraüta, kra bunwong wanje rü wakjam kiijaq, maiqchok maiqraq phan sanglai kra wanrat wato. Raüta apaiq ka kiho raü riito.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 15:24

Naishiq phong wa maiq wiijamti ka, kiina namshiq phana wato nguta tsütsa ka tai kai. Raüta, tsangshiq traho bom chongke lümaq, namshiq ka kamasham lamphan na trang ra wan tlo, kiimaq namshiq kamtsantsii ka runbaiq wantlo nguta tsütsa ka tai kai. Naishiq raq tsangshiq ka namshiq ma kiikha bom asa chongphan kuq wa rongkiq ngutiika thaü mai dea.

Galatians 2:4

O, kiitiikaq maiq wiijamti riika, apaiq raq atho ka han raa dea nguta bomwito. Shatmaq, han mak dea. Riita, jurwa akha tiima wantaq, kriiti thun ka, Phungkhü maq tiihong raüta siti riito. Tsangshiq ka naishiq phong na, siwe jawa nguta shang wa damto. Tsangshiq ka, naishiq raq Jesuq Khristo pum na, liisaü wase apeo rilung lap wankai, kra sikhai wa nguta tiina nyap wataq. Tsangshiq raq naishiq ka, Jehudinok thungtri kharü mong kriijaq kha raüta, thungtri dise ikhli sihaü jaq nguta tiima raüta wato.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

1 Timothy 5:8

Phungmaiqse ngu raü, jurwa mantiliihi, akhek ka jamtap rinti sitlaq, kra dunghiq mak maq, shishe tlaq jiika, kriiti ka Phungmaiqse rilung kamasham lamphan ka, baiq raüta sitlo ngushat. Kiimaq kiikhiiti ka thatsang maiqse nam miimin naolaq, ajiq pinthum sitlo.

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

2 Timothy 3:6

Ara chongtiikai arot shrabi phong wa wiijamti riika, jechakre wiijamti juwa maiqmii rilung na ngarai boqchum na riinyat raüta sitlaqti, raüta tsangshiq tsantsii ka, ngarai han-ngam peo lam na siti thun kra tiijom na raü raüta, tsangshiq wokhong na tiisitlo.

1 Peter 2:16

Namshiq ka ümchaü sanha wasetiim she. Wasetiim simaq sirong laq. Wase rilung kriika ajiq jaqsham miitu akuq riimak. Namshiq ka Shiikeawe sengi, apaiq wokhong na siti nguta athuk atsom maq sirong laq.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

1 Peter 4:18

Asii bomtsi na akha chongtlo: “Kechu maiqse santla, Shiikeawe raq tsangshiq chhiijii kewan jaqsham kra, minyi wan shaq liipan na, pahea chamchao wan chang dong tlaq, ikhiijiika, Shiikeawe sapmakti ngarai maiqse ka, phiiptsi jiiptsi, achong lot mai she micham chao wan ngushat!”

2 Peter 2:10

Akhek, Shiikeawe riika hi awaq ikha ashe ashi riinyat shat raüta, Shiikeawe raq akuq aming tri raü thun jin raüta siwanti thun ka, Shiikeawe raq mitiichamchao wan. Ara arot shrabi arka angi nolabi, raweahü maiqsetiim kong. Tsangshiq ka ramungtan na siti ningkun ajong rümti rasetiim miimin anato ahü shummii shaqshaq sitlo.

2 Peter 2:7

Nashiq raq asap i, Shiikeawe raq Lot ka tiichhii kuqto. Lot ka kechu maiqse ashi riito. Lot ka apaiq pat wa mungmaiqse ngarai na riinyat raüta siwan kra chhi raüta, kai ngila ngu raü mit simak pinthum maq siwanto.

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.

1 John 2:22

Riita, ikhiijiika juwa arot we ka? Jurwa Jesuq ka han-ngam na pokitaq kriika, Messia riimak nguta bom ka akhii riitlaq, kriiti ka arot we. Jurwa akha bomtlaq, kriiti ka Jesuq ma Wesang. Apaiq raq Awe Shiikeawe kiimaq Ase Shiikeawe kra riikhaqli Shiikeawe dea nguta lang mak.

Jude 1:15

Raüta ngarai maiqse kunli kha ka mipho kuq. Raüta, tsangshiq raq phiiptsi jiiptsi ümchuwa ngarai tangtaq thun nai Shiikeawe ma ashut bomtaq thun kra kha phoke kai miki!” nguta tiithai thiito.

Jude 1:18

Tsangshiq raq namshiq ma, “Jai maq phangthum wan akhing saü wan raüla, namshiq shummiiti maiq midong wan. Tsangshiq ka maiqmii ngarai han-ngam ramho lamphantibi kong miraq,” nguta chongkuq thüto.

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”