Mark 5:7 - ASII LAKDAP Bible (BSI)

⁷ hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Hawa Naga Bible 2001

⁷ “Johvlc Pinhtumc Tishox Saz Yesu lex! Mnoz rueq ngaz yvmx khoc ruec lac dvnc vphux? Mnoz rueq ngaz kuex nauk guirx guenz vkueq, Tishox ningkhvnc maq mnoz muex ngaz rueq kvmenc jenc thoz vphaungx!” ngoz tueq yunghvlc maq ramc tueq.

Muklom

⁷ Etho rapney jajong aa ring eq bat aa, “Thaji phey wang ajong Shkewa Miqwasa Jesu! Nang iching wang chamlang som ma thuta phu? Nga nang ma Shkewa miing lam eq batphang, nga tsamnang ma nak kophu.”

Mark 5:7 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

1 HOKHVMX 22:16

Shatmaq Ahab raq treto, “Ümtiikiiwa ümniiraq Tatiwe mang na ngi ma bom chongtlaü, tengteng bomtsi kli chonglili riilaq! Arka ngi raq ümniima achongtsi riimin aniishe?”

Hosea 14:8

Israilnok raq sumla phra thumthum, raq na mitiikü baiq wan. Tsangshiq achujaü ngi raq mitre wan ha. Tsangshiq ngi raq mitiichhanchhi wanha. Langjong pechongtsung ikha, inyam mong na midung wanha. Tsangshiq achu shiiman ngi raq mikuq ha,” nguta Tatiwe raq chongtlo.

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

Matthew 4:3

Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Matthew 8:29

Tsangnai raq Jesuq chhi raüta, tiihang hiiq miili she, “O Shiikeawe Se loi, ümniiraq naishiq ka jamkhiiriiho she wa dan tlaü? Naishiq ningthoi akhing misaü shaq niili, ümniiraq naishiq ka tiichamchao kai she sha saüki laü?” nguta siitrangto.

Mark 1:24

“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Mark 14:61

Shatmaq, Jesuq raq tsangshiq bom ka poshi dongdii min tre mak, kaiqshakli riito. Kiijiishe, Ramwe Ajong Pinthum we raq, Jesuq ma bom ka akhiishe hali wai nongto, “Riita ümniika shiiman Shiikeawe Se Khristo dea sha?”

Mark 3:11

Kiimaq, maiqtsak raq arom wan atsiti thun raq, apaiq rai riihum tlaq na, tsangshiq ka akhaki na kaütsrong na bumsaqsaq raüta, akii anyii, “Ümniika Shiikeawe Se!” nguta hoqsii trangto.

Mark 5:6

Apaiq raq alu miili, Jesuq ka chhito. Raüta, apaiq phana tlat chhat ju raüta, apaiq khaki na kaütsrong na bumtlii maq,

Mark 5:8

Apaiq raq akha bomtaq arka, Jesuq raq tha ma, (“Tha ümniika arwe khum wa dongho tlo laq!”) nguta jotlaq kriikha maq bomto.

Luke 1:32

Apaiq ka ajong pinthum miraq. Kiimaq Ajong Shiikeawe Se nguta mingu. Tati Shiikeawe raq apaiq ka, ati Dawit Hokham kiikha hokham ma mishong.

Luke 4:34

Apaiq ka, “Ai! Najarethti Jesuq le. Ümniiraq naishiq ka jamkhii riiho she wa tan tlaü? Ümniika naishiq tsea wa sha walaü? Ümniika juwa ngi raq asap ha! Ümniika Shiikeawe raq atiiki Asii kiimwe!” nguta gihoto.

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Luke 8:28

Apaiq raq Jesuq ka chhi raüta, tiihong raüta siito. Raüta apaiq ka Jesuq jichong na bumki tlii raüta hali agi asii lam maq, “Ratsan ramong nyang na siti Shiikeawe Se le! Ümniiraq ngi ka jamkhii riihowa dam holaü? Ngi ümniima tiipaiqnea tiikang, ngi ka naq tsat baiqkiq!” nguta hoqto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

Acts 16:17

Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.

Acts 19:13

Kra chhi raütiishe, Jehudinok phong wa maiq wiijamti riimin khumshkhum maq, abi shinrii thun ka maiqse khum wa jobaiqti nguta asi riito. Tsangshiq riimin Jesuq mang ka chong raüta, abi winji ka jobaiq lai nguta manhiito. Tsangshiq raq abi winji kong kiima, “Naishiq raq namshiq ka Paul raq chongtlaq Tati Jesuq mang na jotiikai. Arwe khum wa namshiq ka juho ronglaq,” nguta tha ka jobaiq wan lai nguta tanto.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

Hebrews 7:1

Riita, ara chongtlaq Melkijedek ka Salem chela na hokham jati we riito. Kiimaq apaiq ka Ratsan Ramong nyang na siti Ajong Shiikeawe shomnoqti ramwe we. Abraham ka hokham weblai khat kai kito. Raüta hokham weblai nai tsangshiq sengi thun ümchuwa kra wiita khat raüta tangto. Rekhat tang raüta, rejang wa, lam na awarai riito. Kiijaq Melkijedek ka ki raüta, Abraham ka humkito. Raüta Abraham ma Shiikeawe mang na ramram kuqto.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

Revelation 12:12

O ramungtan thun lei, ümchaü sanha chochi rong liishe! Ramungtan na siti tarü chochi rong liishe. Shatmaq, ümchaü ka mangjong hiq nai sammoktra jü ma, phiiptsi chang she saü wato. Thawe ka namshiq phaniishe satkito. Atsankhiq wa wanii tu kaü piraü she satkito. Apaiq ma mangjong jamsha wan rahiq akhing ka athum wan she!”