Mark 5:7 - Hawa Naga Bible 2001

⁷ “Johvlc Pinhtumc Tishox Saz Yesu lex! Mnoz rueq ngaz yvmx khoc ruec lac dvnc vphux? Mnoz rueq ngaz kuex nauk guirx guenz vkueq, Tishox ningkhvnc maq mnoz muex ngaz rueq kvmenc jenc thoz vphaungx!” ngoz tueq yunghvlc maq ramc tueq.

ASII LAKDAP Bible (BSI)

⁷ hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Muklom

⁷ Etho rapney jajong aa ring eq bat aa, “Thaji phey wang ajong Shkewa Miqwasa Jesu! Nang iching wang chamlang som ma thuta phu? Nga nang ma Shkewa miing lam eq batphang, nga tsamnang ma nak kophu.”

Mark 5:7 Referencias Cruzadas

RAPHA HIQWA LAK 3:15

Mnoz nuiyc yalxjuik nyuiuz kuex vshiz maq vshiz rvshuiuc pac wuez tuinx; mphvnx nuiyc yalxjuik nyuiuz kvruex phvnx kuex ralx muex rvyaungc tuinx. Miq rueq mkhux poz kvyuq tvbunx nuiuz gay kv-phux, mnoz rueq muinz piq yaz htuimx nuex kauk shuiux,” ngoz tueq jungx kuq tueq.

1 HOKHVMX 22:16

Yuq muinz Ahab rueq, “Yehowa muingc maq mnoz rueq ngaz muex tsuingrux kvjaz kvjak kuiuz! Kvruex lvmz ngaz rueq mnoz muex lauk mjuc jungc kuy juing lac?” ngoz tueq tvralc tueq.

Hosea 14:8

Israel miqsaz kuex yac yuimx htenc rulc yvmx muinz seng muq shex; tsuingshiq vjux thoz bomc kuex tvralc kuq vtueq tsuingshiq muex tvkhup wungx kuq shaungx; Wuiljuit wuiljaungx pulx ikhoc ngaz kuex tsuingshiq kvwungx juing muex yaungx taungx; Ngaz kuex tsuingshiq lotlaz muex ruimrix kejux dungc jungx rvtauk.”

Matthew 16:16

Simon Peter rueq tvralc tueq, “Mnoz kuex Mesia, vtvraungx httax yaq Tishox Saz rvtoq,” ngoz tueq.

Matthew 26:63

Yuq muinz Yesu kuex kuiyqshuik dvyx rvtueq. Shomc Wayungx waz rueq, “Mnoz kuex Tishox Saz Mesia haz? ngaz muex jungx kuq koq, vtvraungx httax yaq Tishox muingc ruingc vtueq mnoz muex wiz vphaungx,” ngoz tueq vpiq muex ngoz tueq.

Matthew 4:3

Kvkaq Htaungc kuex vpiq kox nuex httuiuc kaz vtueq, “Mnoz Tishox Saz doc ngoz ruiux kuex lung htenc vruex wanx muex m-yaungx kueq, ngoz shuiuz,” ngoz tueq.

Matthew 8:29

Kvkaq tsuingnueyc rueq, “Tishox Saz lex, nuiyshiq kuex mnoz muex yvmx lac seng tvnx? Vkhing max hungx nuex nuiyshiq muex murx tvgurc kuy tvkoc haz vruex yuq httuiuc kaz ruiux?” ngoz tueq guyc sez ramc tueq.

Mark 1:24

“Nazaret waz Yesu lex, nuiyshiq kuex mnoz muex yvmx lac seng yaq nguinx? Nuiyshiq tvbac gay muex haz mnoz httuiuc kaz tonx? Mnoz ukhaq lac rvtonx ngaz rueq tuiuz yaq, mnoz kuex Tishox vsawc miq rvtoq!” ngoz tueq ramc tueq.

Mark 14:61

Yuq muinz Yesu kuex kuiyqshuik dvyx httax vtueq bomc poshiz muinz tvralc muq. Kvkaq Shomc Wayungx waz rueq vpiq muex wiz yek tueq, “Mnoz kuex Thuinhvlc httax yaq Tishox Saz, Mesia haz rvtonx?” ngoz tueq wiz tueq.

Mark 3:11

Vshuy vshac htaungc kop yaq miq htenc rueq Yesu kuex khiz shuex ruip rawx, vpiq khaungkac nuex bumx vtueq, “Mnoz kuex Tishox Saz rvtoq,” ngoz tueq ramc wuez yaq.

Mark 5:6

Yesu kuex vluz wawc dvyx khiz vtueq, piq kuex yuz vtueq vpiq khaungkac nuex bumx ruiux nawk vtueq,

Mark 5:8

(Kvkhoc ngoz tueq jungx tueq lvmx kuex Yesu rueq piq muex, “Vshuy htaungc waz lex, vruex waz gvnz wawc dung wvnc kuiuz!” ngoz tueq nvrc ningkhvnc nuex rvtueq.)

Luke 1:32

Kvruex Nox kuex yungx luz wvnc vtueq, Johvlc Pinhtumc Tishox Saz ngoz tueq muingc shuex. Taungjix Tishox rueq vpiq jix vwaz Dawid hoc kuex vpiq muex kuq shuex.

Luke 4:34

“Huiyx! Nazaret waz Yesu lex, mnoz kuex nuiyshiq rulc yvmx lac seng tvnx? Nuiyshiq kuex tvbac gay tvkoc haz kaz ruiux? Mnoz ukhaq lac rvtonx nuiyshiq rueq tuiuz yaq, mnoz kuex Tishox vsawc miq waz rvtoq!” ngoz tueq.

Luke 6:35

Kvkhoc rvtueq nuimshiq ralx waz kvmac lungwawx kuq shuinz, tsuingshiq muex vhvlx phvnx yauk shuimc shuimx kuq shuinz; phvnx shishiz tvyez lvp yek tvkoc nauk tvmaung kaz maq tvnvmc kuq shuinz; kvkhoc shuimx kaz ruiux yuq kuex nuimshiq rueq yauk noalc yunghvlc lvp vtueq, Johvlc Pinhtumc wawc Tishox vpiq sahez muex yaungx wuez tuinx. Yvmx khoc lac ngoz ruiux lec vpiq kejux tuiuz muq jix nuiyc layx bac jix muex muinz kejux yauk shuimc shuimx kuq yaq.

Luke 8:28

Kvruex waz kvraq Yesu kuex khiz vtueq guyc yaq lvmx maq vpiq khaungkac nuex bumx ruiux, “Johvlc Pinhtumc Tishox waz Saz Yesu lex! Ngaz nauk yurc gay vkueq! M-yauk wawc thoz vphaungx!” ngoz tueq kvjaz yunghvlc maq guyc tueq.

John 20:31

Yuq muinz Yesu kuex Tishox Saz Mesia rvtueq lvmz nuimshiq kvmluimx lvp tvkoc muinz, kvkhoc kvmluimx wvnc vtueq, vpiq muingc maq rullungx lvp wvnc tvkoc muinz vruex lvmz htenc kuex wuiyq shec tueq.

Acts 16:17

Kvruex nvrc nyuiuz kuex Polu nuiyhez yix nuex phvnx vtueq, “Miq vruex hez kuex Johvlc Pinhtumc Tishox nvrc waz hez rvtueq, nuimshiq rueq yvmx khoc laz palc daungc wvnc rvhumc lvmx jungphvnc kuy jix hez rvtueq!” ngoz tueq ramc tueq.

Acts 19:13

Yuda miqsaz phvnx wawc khuemx vtueq htaungc yurc jix miq wvyvmc rueq Taungjix Yesu muingc jungx vtueq htaungc yurc tvkoc hunglaungx wuez tueq. Tsuingshiq rueq, “Polu rueq tvluing jungx wvnc tueq Yesu muingc ruingc vtueq mnoz kuex ngaz rueq yurc gay vphaungx,” ngoz tueq miq htauk nuex kvpumz yaq htaungc kvmac ngoz kuq tueq.

Acts 8:36

Tsuingnueyc lvmx khuemc lvmx maq yuix ruilx vshiz nuex httuiuc wvnc tueq. Kvkaq vyungx vlaungx waz rueq, “Vruex baung vyuq yuix vhttax, ngaz rueq yuix luip lvmz ruiux yuq vtuing shaung juing lvmx vhttax haz?” ngoz tueq.

Romans 16:20

Nomic vjungx ruingx Tishox rueq Satan kuex nuimshiq yaz phaungx nuex tvbunx nuiuz gay shuex. Naungshiq Taungjix Yesu kejux kuex nuimshiq rulc vdvmz mhttax kueq.

Hebrews 2:14

Vsaz hez ngoz tueq vpiq rueq tsuingshiq kuex gvl tueq rulc rv-ngvlc tvguiy nuiyc gvnngvmx vhttax miqsaz htenc rvtueq, Yesu vpiq shauk pumz muinz tsuingshiq ikhoc tvguiy gvnngvmx vhttax miqsaz muex yaungx kaz tueq. Kvkhoc yaungx kaz tueq lvmz kuex vthueyc vmvy guimz jix Htaungc waz luimc vkawc kuex tvbac gay tvkoc rvtueq.

Hebrews 7:1

Vruex Melkhizedek kuex Salem hokhvmx nuiyc Johvlc Tishox shomc waz rvtueq. Abraham rueq hokhvmx waz bvlic khvt taungx kaz vtueq yek waung yaq lvmx wawc, Melkhizedek rueq humc kaz vtueq ruimruimc kuq tueq,

James 2:19

Tishox vshiz dvyx httax yaq ngoz tueq mnoz kvmx vtuiux haz? Vhvlx! Htaungc htenc doc muinz kvkhoc kvmluimx vtueq hisungx wuez yaq.

2 Peter 2:4

Tishox rueq mvrax yaq jix raungkamx bix doc muinz raungluingx muinz tvjungx muq maq ngarvyx nuex tvdvy gay ruiux, kvruex yuq raungnyauk mungx nuex khvrc gay ruiux Khac phoc Raungnuiyq kuex bvmc httax yaq.

1 John 3:8

Mvrax shuimx hvt jix waz ukhaq yuq muinz Htaungc rulc seng yaq waz rvtueq, yvmx khoc lac ngoz ruiux lec Htaungc kuex vphaungc vyaungc maq phuex mvrax shuimc jix rvtueq. Kvkhoc rvtueq Htaungc yauk shuimc kuex tvbac gay tvkoc Tishox Saz dung kvkhic kaz tueq.

Jude 1:6

Miqmac rueq vlvp taq vrangx vpangx nuex thuinz suing muq rvtueq, miqmac ghaq vraungx gay shec kay wvnc jix raungkamx bix lvmx kvmuinz rvwvl wuez shuinz. Tishox vpiq rueq phox kuq shuex Raungnuiyq vyungx nuex tsuingshiq muex phox kuq ruiux murx tvgurc tvkoc raungnyauk mungx nuex pattup yanx ruiuz maq khvrc taq gay tueq.

Revelation 12:12

Kvkhoc rvtueq raungmungx nuiyc raungmungx wawc miqsaz htenc lex, kokez wuez kuinz! Yuq muinz ghaq nuiyc svmuktvrax kvlec kuex kuilc daz rvhumc vtuex. Yvmx khoc lac ngoz ruiux lec Htaungc kuex piq raungwuic raungluingx saz dvyx shex httax yaq kuex tuiuz vtueq, pinhtumc khaq ruiux nuimshiq kox nuex httuiuc kay ningkhvnc nuex rvtueq,” ngoz tueq jungx yaq kuex ngaz rueq tay tauk.