Acts 24:25 - ASII LAKDAP Bible (BSI)

²⁵ Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Hawa Naga Bible 2001

²⁵ Yuq muinz Polu rueq tsuingrux lvmx nuiyc miqmac gvnz kuex miqmac rueq guimz lawc lot muq lvmx, httuiuc wvnc yaq Raungnuiyc nuex Khac phox shuex lvmz jungphvnx kuq koq tueq, Philip kuex vhiz raz tueq, “Majuiuc mnoz waung wvnc kuiuz. Yix maq rvhumc aungx tuex nuex jix gvl yek phaungx,” ngoz tueq.

Muklom

²⁵ Etha otho Paul asing raaq, piq ni piq tatáng raaq etho uthok angpha phung raaq bat atho Felix ucho ang eq batta, “Nang thanga ka u. Nga rangham kap ang jo nang uhal eq phanáng.”

Acts 24:25 Referencias Cruzadas

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

1 HOKHVMX 21:27

Ümtiikiiwa Elija raq apaiq bomchong kra lottaq, Ahab raq adü na asam khea kra chaibaiqto. Raüta adü wa chhutbaiqto. Raüta wunthaü riinaü khea she samto. Apaiq raq dung min phaqsiq mak she riito. Raüta rawa niimin wunthaü riinaü khea kra sam raütli konto. Raüta munjuk mijuk athea phi na tapkhu wali she tsaiji tran raüli she sito.

2 HOKHVMX 22:19

Kiimaq Ngi raq Jerusalem nai kiijaq siti mungmaiqse ka mitiithen baiqha nguta tiiphiipkang kra phat laüta, ümniika imakki na aranse ma ja laüta, ümdü wa ümkhu ümkhea thun kra chaiham chaihea riilaüta, ümra ka tiidii laü she. Ngi raq arka maklii jaina tiijang maimak phiiptsi jiiptsi hiqmiq changkhü ikha mitiithen baiqha. Maiqse raq arhiq mangchong raüta manson shiiton miishe mitiija baiq. Shatmaq Ngi raq ümnaq achu jaü ka taikang she.

EJRA 10:3

Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

EJRA 10:9

Ara chongtiikai arai mren, ranaiqtsam ngo jai maq, kra rawii wa jipi lütiikaü angu na, raroqnai ngo ranaiq, Juda wang na siti, kiimaq Benjamin wang na siti mungmaiqse kunli, Jerusalem na ngongthun lomkai saüto. Raüta, Shomjam wangmong na rinkea hiqthung ba kiijaq thungto. Kra akhing ka pinthum rajun henghea riito. Kiimaq kra rajun ningkhan nai ngongthun tlaq kiijaq bomtsi riichong wan chang tri kha ka tsinhea bomtsi riito. Kra ningkhan mungmaiqse ka pinthum atiikhai rokrok maq ngato.

YOBA 29:14

Ngi raq wranaiqshe tingting jaqsham kli klo wan kang; kiimaq tri riikhaqli maq lang wan kang.

Tvtsvmc 11:7

Tatiwe ka kechu kiimaq shamhea kaiwa thun ka lungwiitlo; jurwa kriithun ka sham lam tlaq tsangshiq ka apaiq rai mantut na misi wan.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 45:7

ümniiraq riikhaqli jaqsham kra lungwii tlaü; kiimaq abi kiimung ka tsaihai tlaü. Arningkhan Shiikeawe, üm Shiikeawe raq ümniika tsea wanto raüta hokham ahinti thaq na ümniima asho awo chochi kuqto,

Tvtsvmc 72:2

kra riihaütiq apaiq raq ümsenginok ka tingting kappe sham raüta mipeng wan kiimaq jehin norekong maiq raq nanshantlaq kra riikhaqli tri maq mipeng.

Tvtsvmc 99:1

Tatiwe ka hokham; kiimaq mungmaiqse thun tiikhaitlo. Abaiq ngacho cherubimkaü thun thaq na ato kiijaq ngatlo kiimaq hiq ka tiikhai banban mutlo.

TAKSU LAK 16:12

Hokhambi raq abi kiimung ka ninlot mak; jamkhano ngukla, tingting kappe sham raüta, mung peng raütiq, mung atsing miraq.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 12:14

Jamkhano ngukla, nashiq raq ümchuwa ahea abi klo wantiikai ka, ahukse maq aklo wan thun kiimin, Shiikeawe raq wiita kappe maq mishin.

THARC TVLUINGC 5:8

Atsujaq jaqshamti ajong alabi raq miitsan miijanti ka nanshan rea chhihaü jiila, naq wang thang kiq. Kiimaq tsangshiq raq lap chang ka kuq mak chhi haüla, naq wangkiq. Siihiip weshi ka apaiq ma ajongwe raq tiiwong kuqtlo. Kiimaq tsangnai wiita ka tuwe jongbi raq tiiwong kuqtlo.

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 16:5

Kra akhing na Dawit saüse phan phong wa weshi ka hokham ma mishong wan. Raüta apaiq raq mung ka tsapsaü kapse maq nai lungwii tsantsii maq mirüm wan. Apaiq riika tingting kappe tri maq mung mipeng wan. Kiimaq apaiq raq tri khaqkhaq sham raüta mung mipeng wan.)

ISAIA 32:11

Namshiq ka chamtraq wok phetaktak ahai anga tiidak lantli sitlan. Jamlai miitu chapa chang ahü sitlan. Shatmaq ümchaü sanha haisitsi ma atiikhai rokrok she sironglaq! Namdü wa khu akhea kra chhut baiq lanta, wunthaü riinaü kheashe namchhü na sam ronglaq.

ISAIA 41:21

Tatiwe, Israilnok hokhamwe raq akha ngutlo: “Namshiq maiq mung thun phra kong raq, namshiq kha ka rung na shokronglaq. Namshiq kiqkhii chang ahea pinthum tri ka tiije lantea warong ra!

ISAIA 55:6

Tatiwe wokhong na jang wan ronglaq, ümchaü apaiq ka aje na.

ISAIA 61:8

Tatiwe raq ngutlo, “Ngi raq tingting kappe sham kra lungwiitiikang. Kiimaq Ngi raq ji maq nishishi haihü Kiimaq mat atsa kloti ka liiro mang. Ngi raq isenginok ka tsapkapkap maq poksi mikuqha Lata tsangshiq rai pattup pat-sa miitu tong mishongha.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

JEREMIA 23:29

Ibomtsi ka waniitu ikha. Kiimaq sintupo ikha longkaü thun tiibun buktlo.

JEREMIA 36:16

Apaiq raq kra tsangshiq ma phatkejai she, tsangshiq ka weshi raq weshi theaphi na liiraüta, tsanchhii wa hunshhun she riito. Raüta Barukh ma chongto, “Naishiq raq arka hokhamwe ma shok chang she.”

EJEKIEL 45:9

Tati Rakaü Hiqwe raq nguto, “Israil mung pengti mungtubi lei, namshiq raq ngarai pahea tang wan lan! Namshiq mungmaiqse tsatta tlan kra kiimaq mungmaiqse ka ji maq nishishi haihü tlan kriika tsaq rongliishe. Jamlai wa tri na riikhaqli kiimaq tingting kra klo ronglaq. Namshiq raq isengi Israilnok ka maiqmii hiqshong rahai na kriiwa ahin na jojiibaiq maimak she. Arka, Ngi, Tati Rakaü Hiqwe raq chong tiikang.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

DANIEL 5:30

Kra rawa akhing niili, Bebilon mung hokhamwe Belshajar ka re raq tsatbaiqto.

Hosea 10:12

‘Wakdam anyeshe sham ronglaq. Kechu jaqsham tsamlai wan ronglaq. Tsapkapkap mangchan tsam jut ronglaq. Ngi ma kamwan shiiman tsam jut ronglaq. Ngi namshiq Tatiwe wokhong na nyap ronglaq, ngi raq namshiq ma achu shiiman mikuq kang,’ nguta ngi raq tsangshiq ma chongkang.

Hosea 10:4

Krai mren, tsangshiq arot akiqnok. Tsangshiq liipan na kiqkham raüpot kha tlaq, silu tongshong wantlaq thun ka atuli. Tsangshiq raq shreng wan mak. Kra ningkhan, tingting kappe tri raütu, arot kappe miishe songbaiqto. Krai mren tsang mung na, khü akha pahea dongtlo. Wakjam ram na shuklai awanki ikha, Tsamcham rü na shukrü tonglong jong wanto.

Hosea 7:5

Hokham raq poi klo tlaq akhing na, welabi raq hokhamwe ka che maq ngeaseatlo. Raüta angok angi ma tiijatlo.

AMO LUIK DVP (AMOS) 5:24

Shatmaq tri raü sham ka, khangriiriihea jurai ikha mirlaq, kiimaq kechu jaqsham ka, jüserai khamkai ikha mikilaq.

AMO LUIK DVP (AMOS) 6:12

Rekhatti kumrangkong ka longrong thaq na midoqsiq shea? Nitheti raq minsaü pang maq khamjong chum ka, ni ma mithu shea? Shatmaq namshiq raq tingting tri raütu ka, maiqmea chang ma tiija baiq lan. Kechu ramram jaqshamtsi ngo ka, akhapkhiq ma tiija baiq lan.

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

HAGAI 1:2

Tati Ningkun Ajong Pinthumwe raq Hagai ma chongto, “Israilnok raq, ümchaü ka Shomjam tiihea hai miitu akhing misaüshaqli” nguta riichongtlo.

Matthew 22:5

Shatmaq wanhea raüpot lapjetinok thun riika poi lom wa dam ka shümü mak shipoq baiqto. Tsangshiq ka maiqmii jaqsham mintsa kiijiili she mochii kito. Maiq wiijamti ka tsangshiq wak na kihoto; kiimaq maiq wiijamti ka tsangshiq kat tangkai khoti kiho wito.

John 16:8

Kiimaq, apaiq she saüki raüla, apaiq raq mangjong maiqse ka ngarai maiqsetiim dea, kiimaq tsangshiq raq kechu rilung lamphan ka sap mak dea, kiimaq tsangshiq raq Shiikeawe tri kappe kiimin sap mak dea, ashut dea sitlo ngutiishe, tsangshiq tiishut wan hakhi she mikuq.

Acts 10:42

Kiimaq apaiq raq naishiq ma tsütsa ahea kra maiqse angu wiita ma chongke wan miitu arang kuqto. Kiimaq Shiikeawe raq apaiq ka maiqse amaati nai atrati kra kha phoke miitu phowe ma shongto nguta kholam kholiiq maq trahoke miitu naishiq ara hakhi miishe shongto.

Acts 17:13

Shatmaq, Thesalonia na siti Jehudinok raq Paul ka Berea niimin Shiikeawe bomtsi ka chongkuq hoto nguta tsütsa ka tai raüta, tsangshiq raq kiijaq hali kinong raüta, mungmaiqse ka shukshaq wan raüta, tiishai baiq nongto. Raüta tatso hali niq nongto.

Acts 17:2

Paul ka rahin jaq akhing na jamkho sinagok na kitlaq kiikha, kra akhing niimin sinagok na kito. Raüta, kiijaq apaiq ka Asii Niitiitsak ranaiqtsam akhing na saüli nokwe ma,

Acts 17:32

Riita Paul raq maiq ka amaa wa dong wan bomtsi chongke kra tsangshiq raq tai raüta sanha, tsangshiq phong wa maiq wiijamti riika, Paul ka anaiküli she riito. Shatmaq, maiq wiijamti riika, “Naishiq ma ara bomtsi arka jangshi ri tiq chongkuq nonglaq,” ngutli treto.

Acts 2:37

Mungmaiqse raq Petar traho bom chongke kra tai raütiishe, tsangshiq tsan na piq maq ashuk ikhiishe tsi wanto. Krai mren she, tsangshiq raq Petar nai kiimwebi ahinti kriima, “Riita, ikhiijiika, phunainotiim lei, ümchaü naishiq riika jamlai phan riichang she wa?” nguta waito.

Acts 24:15

Riita, ümchaü arjaq rung na nga tlaqti thun raq, tsangshiq raq maiqse angu wiita, maiqhea maiqbi kunli, ranaiqshi akhing na, amaa wa adong mirwan nong nguta, Shiikeawe ma kam tlo. Riita, ara tsangshiq raq kam tlaq kra miika, ngi riimin kam tiikang.

Acts 24:26

Kiimaq apaiq tsan mong niika, Paul raq apaiq ma kampho tsiiqlap siinai ikuq, nguta tiima kiimin asi riito. Kriikha maq, apaiq raq Paul ka akhing khing na, tiihea wa lili raüta, apaiq rai riibom dam lili riito.

Acts 26:28

Kra tairaütiishe, Agripa raq, “Riita ara jaqlose liipan niili, ümniiraq ngi ka Khristan maiqse ma mitiija wan lot ha ngutiisha tiima tlaü?” nguta Paul bom ka treto.

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 14:12

Ara chong tlaq arai mren, nashiq wiitarü maiq khumtek raq, Shiikeawe ma maiqmii rilung na jamkho siwan tiikai, kiimaq jamlai wa sham wan tiikai, kra raüpot ka weake wan chang miraq.

Romans 2:16

Riita, ümchaü ara bomtsi chong tiikang arai mren, Phangthum Khapho Ranaiq niika Shiikeawe raq, maiqse angu thun wiitarü kriika, tsangshiq raq tsangshiq tsan among na, ümchuwa maiqse raq khonlot mai chang, ahuk apaü raüta ahea abi tiima tsantsii thü wan raüta siwantaq, kra thun ka ngi raq trahokuq wan tiikang Tsütsa Ahea armaq shin wan raütiishe, Jesuq Khristo lümaq, tsangshiq kha kra mipho kuq wan.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 5:10

Ara jamkhano chongtiikai ngukla, nashiq tarü loweatek raq nashiq kha phoke wanti we Jesuq Khristo man na chap laita, apaiq ma nashiq kha kra tiipho chang miraq. Apaiq raq nashiq kha ka mipho kuq. Raüta nashiq pumsiitek ma, tri maq jamlai poksi kewan wa thek tlaq, kra phanphan she poksi mikuq. Riimak jiila atsa miraq. Khristo raq ara poksi kewan nai atsa wan kriika, nashiq pumsiitek raq ara mangjong hiq maq atra siji na, jamlai phan jaq wa shamkai, kra thaq na seng raütiishe mikuq

2 Corinthians 6:2

Shiikeawe raq akha chongtlo ara tai ronglaq: “Ngi raq namshiq ma ra tlaq akhing na tre kuq wan kang ihata, ngi raq namshiq ma tiichhiike wan akhing ranaiq saüto angu na, tiichhii kuq wan kang ihata.” Tai ronglaq! Ümchaü ranaiq ahata Shiikeawe raq namshiq khrumke wan akhing! Ümchaü ranaiq ahata Shiikeawe raq namshiq tiichhiike wan ranaiq!

Galatians 3:22

Shatmiitiq, Asii bomtsi na, mangjong maiqse tlotli ka, ngarai kharü mong na siisaq sitlo nguta chong tlo. Riita, ara ningkhan, Shiikeawe raq kongphiq mikuq ha nguta kiqkham kuqtaq kriika, jurwa Jesuq Khristo ma kamtlaq, kriiti miili, tsangshiq raq kamtsantsii thü wan tlaq kriithaq na seng raütiishe kuq tlo.

Galatians 5:23

sobsob bombom, kiimaq kai stiq skhaq raüta shonga rilung. Ara chong kai thun, Asii Wenyi raq maiqse rilung na, tiitsi kuq tlaq arka, abi nguta tiishut chang thungtri ka ahü she.

2 Timothy 4:1

Ümchaü ngi raq ümniima, Shiikeawe nai Khristo Jesuq, Phangthum ranaiq maiqse atrati nai amaati sitlaq kra kha phoke wanti rai mantut na tiqtaq maq, ara asiq areng tsiichong bomtsi chongkuq tiipha ara, ümtsan mong na, tiitsangdada shaq laüta silaq. Khristo ka Hokham ma jaraüta munglang kai misaüho.

Titus 1:8

Apaiq ka, wanwe shiiliti riichang. Kiimaq jamlai wa ahea sitlaq, kra phan jaq shamti riichang. Apaiq ka phanrap anin raüta sitiwe riichang. Mitting maiqse ashi riichang. Apaiq ka, akhum Shiikeawe ma kiinong raüta siti riichang. Kiimaq phanrap na athuk atsom shiiting shrai raüta, shiiku wan wan maq sitiwe riichang.

Hebrews 12:21

Kiijaq, Shiikeawe raq jamlai wa tiichhikuqtaq thun kriika, mak maq jang nai liilot mai chang henghea riito. Maiqphiip maiqjiip. Kriikha maq, Mosheq raq, “Ngi ha akii anyii rai nai aphiip ajiip rai la tli she, kiinyii raiho kang!” nguta bomto.

Hebrews 3:13

Namtsantsii ka ngarai raq shonron ho raüta, wanshakshak nilan ma jaki mak chang miitu, namshiq maiqmii liipan na, weshi raq weshi tsaiji dokuq lanta si rong laq. Asii bomtsi na, “Namshiq raq Shiikeawe bom ka ümchaü ranaiq taihan jiila” nguta chongtlaq kriika, nashiq ara ngo nang ngutlo.

Hebrews 4:1

Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.

Hebrews 6:2

Khamlam wan kai kra liichum kiimaq jaq ka maiq dü na sham raüta, achu jaüke liichum, bomtsi kra chongke wan kiimaq maiq ka amaa wa dong wan nai wamungtan na khiim wan liichum chongke kiijiili, nga ruq ka ngarai mai she.

Hebrews 9:27

Maiqse angu ka, khumtek lakshi ka atsai chang dongdii. Kra jai miitiq, Shiikeawe raq apaiq kha ka mipho kuq.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

2 Peter 1:6

Namshiq raq han-ngam ramho ka anin lanta sichang raa tlo. Kiimaq phanrap chamchao, maitai, haikaiq haike saü tlaq kiimin wiita, tsan tiibum lanta nin wan ruq maq sironglaq. Lanta, namrilung ka awongsii Phungmaiqse rilung ma tiija ronglaq.

1 John 3:10

Ara chongtiikai arhata, Shiikeawe setiim nai Thawe setiim liipan na atrai chang trai longshong kaü ikha tiishong shat sitlaq ara. Jurwa athuk atsom jaqsham chang kra sham mak riitlaq, lo aphu ano ka lungwii mak sitlaq, kriiti ka Shiikeawe se ka riimak.

1 John 3:7

I setiim lei, namshiq ka jumiimin naq tlao rongkiq! Khristo ka asii kechu maiqse. Krai mren, jurwa tingting jaqsham tlaq, kriiti ka kechu maiqse.

1 SAMUEL 12:7

Riita, ümchaü min namshiq ka ümbano chaptlan kiijaq chapshatli ronglaq, ngi raq namshiq ka Tatiwe man na, Tatiwe namshiq nai namtitiim tiichhiiwan miitu ümtinkhan wa ningkun jonghea maq jaqsham wantaq thun kra namshiq ma bliiq chongkuq nong lata namshiq ka Tatiwe man na tiishut pha.