Acts 24:26 - ASII LAKDAP Bible (BSI)

²⁶ Kiimaq apaiq tsan mong niika, Paul raq apaiq ma kampho tsiiqlap siinai ikuq, nguta tiima kiimin asi riito. Kriikha maq, apaiq raq Paul ka akhing khing na, tiihea wa lili raüta, apaiq rai riibom dam lili riito.

Hawa Naga Bible 2001

²⁶ Philip kuex Polu rueq kuimphox wuez kuq phvnx ngoz tueq vlox lox dvyx gvl vtueq piq rulc rvbomc tueq.

Muklom

²⁶ Felix Paul ching wang ngin som ma nuk ta, ethirangma piq aa Paul tha jin hal chey ta, etho piq jamoq raaq jin wanta.

Acts 24:26 Referencias Cruzadas

2 KAÜWA WERAÜ 19:7

Tatiwe ka shreng ronglaq. Lantea honkam shat maq jaq ka sham ronglaq. Jamkhano ngukla Tatiwe, nashiq Shiikeawe raq laopha jaqsham nai atsea atsiiqti riimakla tsiiq lap seati ka romak.”

YOBA 15:34

Phusu sang maiqsetiim ka laihü lahü siisaq miraq, kiimaq tsiiqlap siq raüta ahai jam thun ka wa dong raüta butja mikhiimbaiq.

DUNGWVNC 23:8

Tsiiqlap naq siqkiq. Tsiiqlap seatibi ka makchuk ma jakitlo. Raüta riikhaqli tri ka sham makshe riitlo. Raüta maiqsangti thun kha ka ahea maq pho kuq mak she tiijiq baiqtlo.

TAKSU LAK 17:23

Mongnam phowe riika tsiiqlap siqtlo, raüta kha ajiq photlo.

TAKSU LAK 17:8

Maiq wiijamti raq, tsiiq lap ke ka mintin ikha, phanrap milot i nguta kamtlo.

TAKSU LAK 19:6

Seno rümti wela jaq wa, khrum jaüti seno pahea. Apaiq rai mang riisapti nokwe pahea.

TAKSU LAK 29:4

Tingting kappe sham raüta, hokham raq mungpeng raüla, mung ka atsing miraq. Shatmaq apaiq ka kampho miituli siraüla, mung ka athen mirki.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 33:15

Namshiq raq tingting bomhan jiika kiimaq riikhaqli jaqsham han jiika milun wan lot han na. Namshiq jaq na arang hotlan kriimaq miitsan maiqse ka naqlao rongkiq. Kiimaq tsiiqlap naqsiq rongkiq. Maiqtseati matwetiim rai naq pong dam rongkiq. Kiimaq maiq ma abi kloti rai naq pongdam rongkiq.

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Hosea 4:18

Tsangshiq ashe ashi phaqsea thumjai, kuku kong ikha sethoq jatlo. Tsangshiq ma khushü jong ka reng riimak, mephe-nyung rai sra ka reng.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

Matthew 17:3

Kiijiishe ajaqshisetiim atsam raq Mosheq nai Elija ka kiijaq saükai chhito. Kiimaq tsangnai ka Jesuq rai bom riichong rea chhito.

Acts 24:17

“Riita, ngi ka wiitsam wiiblai tin she, wanhiq na sirai wa jai miishe, naishiq nok miitsan miijan maiqsetiim ma kechang kongphiq kampho archom kra kewa nai Shiikeawe ma honglu kewa nguta Jerusalem na wakang.

1 Corinthians 6:9

Namshiq wiitarü raq ashut aphit maiqse ka Shiikeawe sengi ma jawan lot mak nguta chongtlaq kra asap han ahiq na. Namshiq raq maiqmii kli naq tlaophaq rongkiq. Maiq ümriiti riiwa sethoq jatlaq lo, sumla shomnoq tlaq lo, maiqchak maiqse rai kiicham tlaq lo, maiqwe nai maiqwe liipan na lo, jechak nai jechak liipan na lo, hi awaq ikha hai nga tlaq lo,

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.