James 2:8 - ASII LAKDAP Bible (BSI)

⁸ Ara chongtiikai arkha maq, Asii bomtsi na chongtlaq, Ramungtan Thungtri aming ka namshiq raq lang lanta si han jiila, namshiq ka tingting maiqse ma mija han. Kra chongtiikai aming ka ara, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq.”

Hawa Naga Bible 2001

⁸ Nuimshiq rueq, “Yuimx phic yuimx phaungx jix kuex mshauk gvnz rulc rv-ngvlc lungwawx shuinz,” ngoz tueq Rumvrc luik nuex httax yaq raungx Mungtan tvrac kuex phvnx ruiux yuq, nuimshiq rueq vlvmx yauk shuimc shuimx vshuinx.

Muklom

⁸ Shkewa rangmuntan thong sha tat inn jo, nim thikla som inn. Iri thong raa Asang Likwit na thawit aa, “Nim ni nim ma tinma inn mal himreltey ma tinmat inn.”

James 2:8 Referencias Cruzadas

1 HOKHVMX 8:18

Shatmaq Tatiwe raq apaiq ma akha nguto, ‘Ümniiraq Ngi miitu shomjam ashi haike wan miitu tiima wan laü kriika riikhaqli tiima wan laü.

2 HOKHVMX 7:9

Shatmaq kiijiishe, tsangshiq liipan na akhiishe riichongto, “Nashiq raq akhiika klo maichang! Nashiq raq nanok ma tsütsa ahea ara tiitai chang. Arka nashiq raq anap ranaptiq michong rong i nguta khehai jiila, nashiq raq moho chang midong. Arningkhan nashiq ka tlothit kilaita hokhamwe sengi ajong alabi ma chongki rong i!”

LEWI 19:18

Maiq ka ju jaq wiimin ümphuk naq lamkiq. Riimakla apaiq ka ngeng wan ruq ka naq ngengkiq. Shatmaq ümkhum ka ümniiraq jamkho lungwiitlaü kiikha ümjam thoti chiiti kra lungwiilaq. Ngi ka Tatiwe.

LEWI 19:34

Namshiq maiqmii Israilnok jamkho makliishi maq liitlan kiikhiisii tsangshiq kiimin liironglaq. Kiimaq namshiq maiqmii ka jamkho lungwiitlan kiikhiisii tsangshiq kiimin lungwii ronglaq. Namtsan na tiitsang ronglaq akhing ashi na namshiq kiimin Ejip mung na wanshawe siwan lan. Ngi ka Tatiwe namshiq Shiikeawe.

Jona 4:4

Kiijiishe Tatiwe raq treto, “Ümniika jamlai chhi laüto khiqriq rai tlaü?”

Jona 4:9

Shatmaq Shiikeawe raq, “Riita, ümniika jamlai chhi laüto wuqphum chong kra miitu khiq rai tlaü?” nguta Jona ma waito. Kiijiishe, Jona raq, “Ngi ka akhiq chang lam mra asi kha na khiq tiikang. Tsankhiq hea atsai wan klishe rotiikang!” nguta Jona raq Shiikeawe bom treto.

Matthew 22:39

Kiimaq akhek aming anai ngoja ka ara: ‘Ümniiraq üm jamthoti ka ümkhum jamkho lungwii tlaü kiikhiisii hali lungwiilaq.’

Matthew 25:21

Kiijiishe, ‘Riikhaqli, ong laü. Ümniika maiqshaq ashi. Kiimaq tsapsaü kapse jaqshi se!’ nguta atijong we raq ajaqshi se bom ka treto. ‘Ümniiraq tsiiq ka atsapse li jiimin, asho awo tliip pha laü. Arkha maq, ümchaü sanha ngi raq ümjaq na tsiiq ka apa she sham miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’

Matthew 25:23

Kiijiishe, ‘Riikhaqli, ong laü. Ümniiraq tsiiq ka atsapse li jiimin, asho awo tliip pha wan laü. Arkha maq, ümchaü sanha ngi raq ümjaq na tsiiq apa sham wan miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’ ” nguta chongto.

Matthew 7:12

“Nanok raq namshiq ma jamlai phan jaq shamkuq raü jiiwa, namshiq raq milungwii han, kiikhiisii hali namshiq raq tsangshiq ma klo kuq wan lili ronglaq. Mosheq Thungtri nai shammibi bomchong ka ara bomtsi arjaq sup wan tlo.”

Romans 13:10

Namshiq raq juwa lungwii tlan, kriiwe miika ümtiikiimin abi klo man. Riita, maiq ma lungwiitsii rüm ngutiikai kriika, Thungtri aming ümchuwa sitlaq, kra lang raüta siwan miishe taitlo.

Galatians 5:14

Ara jamkhano chong tiikang ngukla, Thungtri raü ümchuwa sitlaq kriika, ara aming ashi arthaq niili she tlop wan tlo. Thungtri raq, “Ümniiraq ümkhum ka jamkho lungwii tlaü, kiikhiisii hali, ümjam thoti chiiti kiimin lungwii laq,” nguta chong tlo.

Galatians 6:2

Phanrap sham akai ka, dorangrang pirangrang lanta, sham wan lili rong laq. Ahata namshiq ma Khristo thungtri lang lanta shongnga rilung.

Philippians 4:14

Li jiimin la, namshiq tsii hea kha maq, ngi chamchao bala, namshiq raq ngi khrum kuq lan kriika ahea pinthum.

1 Thessalonians 4:9

Ümchaü sanha, namshiq ma naishiq raq, Phungmaiqse phunaino ka lungwii lanta si ronglaq, nguta chongke rea ngo min raa mak she. Shiikeawe raq namshiq ma, maiqmii liipan na, riilung riiwii maq si miitu ka trantsii chongkuqto she.

James 1:25

Shatmaq, Tsütsa Ahea ka, Shiikeawe raq maiqse ma akuq minhap thungtri raütu. Ara minhap tri raütu raq, ngarai maiqse ka, kharü mong wa daa wan tlo. Jurwa ara tri raütu na jamlai wa chongtlaq kra thun ka, tiitho tiipha sidi raüta, liichum kra thusi tlaq, raüta laq mak phan maq, tsan na thü raüta, ranaiqtek lang tlaq, Shiikeawe raq apaiq ma phanrap na achu shiiman mikuq.

James 2:12

Arningkhan, namshiq raq nanok rai riibom nyiim tao wan tlan akhing na, kiimaq nanok rai phanrap jaqsham tlan akhing na, athuk atsom maq sichang. Shiikeawe raq nashiq kha ka ngarai maiqse tiichhii wan chang Tsütsa Ahea tri maq shin raüta mipho kuq.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.

James 4:11

Phunainotiim lei, namshiq liipan na maiqmii nai maiqmii ka naq riichongsiq rongkiq. Jurwa maiqmii kongti Phungmaiqse kra shaphaq tlaq, lo arewe ka ajiq nguta shin tlaq, kriiti riika Shiikeawe Thungtri kra sairan tlo ngushat. Kiimaq Thungtri raü ka sairan tlo ngushat. Riita namshiq raq thungtri she sairan han jiika, namshiq ka Thungtri wokhong na siti ka riiman she. Shatmaq thungtri sairanti miishe mija han.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.