Mark 12:29 - ASII LAKDAP Bible (BSI)

²⁹ Kiijiishe Jesuq raq treto, “Tarü thaq na akhek aming ka ara: ‘Israilnok le, tairong laq! Namshiq Tati Shiikeawe kli wiitarü thaq na Tati.

Hawa Naga Bible 2001

²⁹ Yesu rueq tvralc tueq, “Vkhek pinhtumc kuex vruex rvtueq: ‘Israel lex, tay shuinz! Naungshiq Taungjix Tishox kuex vshiz dvyx Taungjix rvtueq.

Muklom

²⁹ Jesu aa batta, “Thaji wang ajong raaqkhat ira, Israel tang tat inn! Ba Shkewa Teyhungwa hun ashey dang.

Mark 12:29 Referencias Cruzadas

Tvtsvmc 86:10

Ümningkun ka jonghea kiimaq pahea awang chang shamtlaü; ümniilishe Shiikeawe.

TAKSU LAK 23:26

Ise lei, tsan tiitsi laüta, i rilung lam ara phan laq.

Matthew 10:37

“Jurwa anyung nai awe ka ngi thaq na chan raüta lungwii tlaq, kriiti ka i jaqshise ma jawan lot mak. Kiimaq jurwa ase maiqwe se lo jechakse lo ka ngi thaq na chan raüta lungwii wan tlaq, kriiti ka i jaqshise ma jawan lot mak.

Matthew 23:9

Kiimaq namshiq raq mangjong maiqse ka ‘I We loi’ nguta naq hea wan rongkiq. Namshiq ma ‘Awe’ ka ramungtan na sitlaq kli Awe.

Luke 10:27

Kiijiishe, “‘Tati Shiikeawe ka ümtsan ümmong wiita maq, ümtsaiji wiita maq, ümningkun wiita maq, kiimaq ümkhu tsai wiita maq lungwii laq.’ Kiimaq ‘Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,’ ” nguta chongtlo, nguta kriiwe raq Jesuq bom ka treto.

Romans 3:30

Jehudinok nai Pongnok phan maiqse miitu, Shiikeawe ka ashi li. Apaiq raq Jehudinok ka tsangshiq raq apaiq ma kamtlaq kra lümaq mishram wan. Kiimaq Pongnok phan maiqse kiimin, tsangshiq raq apaiq ma kamtsantsii thü tlaq kra lümaq mishram wan.

1 Corinthians 8:4

Riita ara chongtiikai arai mren, thatsang maiqse raq sumla phra thun kra noq ma nguta ataa kuq thatsang ngam ka Phungmaiqse raq phaqsea mimai sha, maimak wa nguta bom tiiwai lan irshe chongkuq pha: Nashiq raq asap i, sumla phra nguta maiqse raq shomnoq tlaq kriika, riikhaqli miika kiikha phra ka ahü. Nashiq raq asap i, Shiikeawe ka ashi li.

Galatians 3:20

Shatmaq, ümtiikiiwa, kiqkham keti we kriika ashi li riijiiq, kiijiika, rukwe kiimwe ngo min raa mak she. Kriikha maq, kiimwe ka shong mak miili she, Shiikeawe apaiq tiqtaq riili she, Abraham ma kiqkham raüpot kra khakuqto. Jamkhano ngukla, Shiikeawe ka ashili.

TRI CHONGKE 10:12

Mosheq raq Israilnok ma nguto, “Ümchaü min, Israilnok lei, Tatiwe namshiq Shiikeawe raq namshiq jamkha shong nga chang ngutiiwa chongtlaq kra tai ronglaq: Tatiwe ka shomnoq ronglaq. Kiimaq apaiq raq aming kuqtlaq thun ka tlotli lang ronglaq. Apaiq ka lungwii ronglaq. Lanta apaiq kli nam tsan nam mong wiita kuq lanta shiili ronglaq.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

TRI CHONGKE 6:4

“Israil lei, ara tsan na tiitsang laq! Tatiwe kli dongdii nashiq Shiikeawe ka.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

1 Timothy 2:5

Jamkhano ngukla, Shiikeawe ka ashi li. Kiimaq Shiikeawe nai maiqse angu hupli liipan na, kiimwe jawanti ka ashili. Kriiwe ka Khristo Jesuq sitlaq kriili she. Apaiq tlea raüta kiimwe jati maiq ahin ka jumin ahü she. Khristo riili maiqse angu ka Shiikeawe wokhong na shea wan raüta tiichhii wan tlo.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.

Jude 1:25

apaiqkli nashiq Shiikeawe kiimaq nashiq Chhiitiwe kriimiili, nashiq Tati Jesuq Khristo lümaq, khushü, jonglu, ningkun, kiimaq arang ka, man na pat achat tlotli wa, kiimaq ümchaü min, kiimaq jai na wattlaq pattup pat-sa kiiwa wiita apaiq riili she mirlaq! Amen.