Mark 12:28 - ASII LAKDAP Bible (BSI)

²⁸ Thungtri shrinketi weshi ka kiijaq asi riito. Apaiq raq tsangshiq riibom ka taito. Jesuq raq Sadusinok ma bom ka aheawiq maq tre kra chhi raüta, apaiq riimin Jesuq ma bom poshi waila nguta, Jesuq phana kito. Raüta apaiq raq, “Aming raütu wa, ümriiti aming wa tarü thaq na akhek pinthum?” nguta Jesuq ma waito.

Hawa Naga Bible 2001

²⁸ Tvrac tvluingc waz vshiz kuex kvruex httoarc nuex httax yaq rvtueq tsuingshiq rvkhawc yaq lvmx kuex tay tueq. Yesu rueq Saduke nuk muex vhvlx waq tvralc yaq kvjaz kuex piq rueq tuiuz lvp ningkhvnc nuex, “Vnvrc bomc lotlaz wawc mruex lac vkhek pinhtumc rvtvnx?” ngoz tueq Yesu muex wiz tueq.

Muklom

²⁸ Ethina, thong tataltey wa tang jaktung wang ashey eq iri raaq tang raa tatchey ta. Jesu aa Saddusi tangma jaqhal raaq batta tha piq aa khita, etho piq Jesu relnáng ka eq pitta, “Thaji thong jaktung wang bari raaqkhat raa thaji phey wang eq ajong aa?”

Mark 12:28 Referencias Cruzadas

Matthew 19:18

“Jamlai phan aming lang chang wa miraq?” nguta apaiq raq Jesuq ma waito. Kiijiishe Jesuq raq treto, “Maiq naq tsatkiq; maiqchak rai naq srakiq; ahuk naq jakiq; khahü na maiq ma huk naq nyan kiq;

Matthew 23:23

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

Matthew 5:19

Arkha maq, jurwa Thungtri aming raütu thun kiiwa, bomno bomni se jin wan tlaq, kiimaq nanok miimin kiikhiisii hali ralangse ka jin wan mimai nguta tlang kuq wan tlaq, kriiti ka Shiikeawe sengi liipan na aran pinthum miraq. Shatmaq, jurwa Thungtri raütu ka lang wan tlaq, kiimaq nanok ahinti miimin kiikhiisii hali tlang kuq wan tlaq, kriiti ka Shiikeawe sengi liipan na ajong pinthum miraq.

Mark 9:14

Tsangshiq ka ajaqshisetiim abiti thun kra phaniishe saühoto. Tsangshiq raq lohokiita, ajaqshisetiim thun tro niika, nokmaiqse phong ka pahea riitam rai lohoto. Kiimaq Thungtri shrinketibi phong wa wiijamti ka tsangshiq rai arkhii rai lohoto.

Luke 11:42

“Namshiq Phorisinok ma pinthum phiiptsi chang asi! Namshiq raq Shiikeawe ma aroq khu wa honglu ka jurai liirai süse tapan jaq thun kra, kiimaq weashaü tiihom phaq chang sang asong jaq thun kra kuq tlan. Shatmaq, tri raü sham kriika shiiting rai man riitlan. Kiimaq Shiikeawe ma lungwii tsantsii ka thü wan man, shishe tlan. Arthun ahata, akhek jaqsham ka. Ara tiitsuq miishetiq abi jaqsham chongtiikai thun kra sham han chang wa.

Luke 20:39

Kiijiishe, Thungtri shrinketi phong wa maiq wiijamti raq Jesuq ka akha somto, “Shrinketi we le, athukwiq dea tre laü!”