Mark 1:24 - ASII LAKDAP Bible (BSI)

²⁴ “Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Hawa Naga Bible 2001

²⁴ “Nazaret waz Yesu lex, nuiyshiq kuex mnoz muex yvmx lac seng yaq nguinx? Nuiyshiq tvbac gay muex haz mnoz httuiuc kaz tonx? Mnoz ukhaq lac rvtonx ngaz rueq tuiuz yaq, mnoz kuex Tishox vsawc miq rvtoq!” ngoz tueq ramc tueq.

Muklom

²⁴ “Nazareth wang Jesu, nang ma í ching wang chamlang ràa? Í raa tathun rangma thuta phu i? Nang utang aa ta nga usam eq phang; nang Shkewa Asang Miq!”

Mark 1:24 Referencias Cruzadas

Tvtsvmc 16:10

Jamkhano ngukla ümniiraq ngi ka atsai ningkun jaqkhon mong wa tiichhii kuq laü, Ngi raq ümniika tsapkap shiikumpan wan kang, krai mren ümniiraq ngi ka wulum mung na tiiki baiqmaü mirhaü.

DUNGWVNC 14:12

Naishiq raq mikihohai shaq niiphü akha mirhumjo nguta ümniima chongmai sha riikai? Naishiq raq ümniima naishiq ka naq paq laqkiq li nguta chongmai sha riikai. Kiimaq ümniima Ejip mung na tsangshiq dikong ma jalaitli si rong i nguta chongkai ihata. Maiqdikong ma jalaita kiijii li siriiwe ka ara kumtsaiphii na jiim rai nam ma ahea lin.”

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Matthew 2:23

Raüta Najareth chela na siwato. Krai mren shammibi raq achongthü riisham bom ka riikhaqli she kuwanto. Tsangshiq raq, “Apaiq ka Najareth hiqti we nguta mingu,” nguta chongthüto.

Matthew 8:29

Tsangnai raq Jesuq chhi raüta, tiihang hiiq miili she, “O Shiikeawe Se loi, ümniiraq naishiq ka jamkhiiriiho she wa dan tlaü? Naishiq ningthoi akhing misaü shaq niili, ümniiraq naishiq ka tiichamchao kai she sha saüki laü?” nguta siitrangto.

Mark 1:23

Kra liipan niili, tlothit li kiijaq maiq weshi, wai raq ajok wan we ka sinagok na nyap wato. Raüta, apaiq ka aho asii, agiwa lam miishe,

Mark 1:25

Jesuq raq wai tha ma, “Kaiqshak maq, arwe khum wa dongho tlo laq!” nguta aming kuqto.

Mark 10:47

Apaiq raq Najarethti Jesuq ka watlo nguta tai raüta, “Dawit Se, Jesuq loi! Ngi ara mangchan laq!” nguta agilülü siihoto.

Mark 14:67

Raüta, apaiq raq Petar ka wa worea chhito. Kiimaq apaiq pha nü na tiitsang liirat raütiishe, “Ümniimin la Najareth hiqti Jesuq rai kongshi siti we,” nguta bom ka apaiq ma nyanto.

Mark 16:6

Kiijiishe, “Namtsam ka naq hai rongkiq,” nguta apaiq raq nguto. Kiimaq apaiq raq, “Ngi raq asap ha, namtsam riika, Najareth hiqti we Jesuq pumsongkham na tübaiqtaq kra rittlan. Apaiq ka arjaq ahü. Ama wa dong wanto she! Liimanta, tsangshiq raq ama ka arjaq athü wa.

Mark 5:7

hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Luke 1:35

Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

Luke 24:19

Kiijiishe, “Jamlai mra thun wiita?” nguta Jesuq raq apaiq ma waito. “Najareth hiqti we Jesuq ma mra pintaq thun kra chongla,” nguta tsangnai raq treto. “Arwe ka shammi jong we riito. Apaiq raq ümtinkhan wa awang chang jaqshamto. Kiimaq bom chongkuq wanto. Kiimahali, apaiq ka Shiikeawe raq ashong nguta tiisapshat riito. Kiimaq mungmaiqse tarü raq, apaiq ka tingting maiqse dea nguta lang wanto.

Luke 4:34

Apaiq ka, “Ai! Najarethti Jesuq le. Ümniiraq naishiq ka jamkhii riiho she wa tan tlaü? Ümniika naishiq tsea wa sha walaü? Ümniika juwa ngi raq asap ha! Ümniika Shiikeawe raq atiiki Asii kiimwe!” nguta gihoto.

Luke 8:28

Apaiq raq Jesuq ka chhi raüta, tiihong raüta siito. Raüta apaiq ka Jesuq jichong na bumki tlii raüta hali agi asii lam maq, “Ratsan ramong nyang na siti Shiikeawe Se le! Ümniiraq ngi ka jamkhii riihowa dam holaü? Ngi ümniima tiipaiqnea tiikang, ngi ka naq tsat baiqkiq!” nguta hoqto.

Luke 8:37

Kiijiishe, mungmaiqse kra hong wa kiraitiiti thun raq, Jesuq ma apaiq ka ahin na wawan raüjaq ahea nguta chongto. Ara jamkhano chongta ngukla, tsangshiq ka kai aphiip ajiip kiinyiito. Kriikha maq, Jesuq ka lai na maq maiqhiq ahin nü niishe wawan nongto.

John 6:69

“Riita, ümchaü sanha naishiq raq ümniika Shiikeawe raq atiiki Asii Maiq Se nguta kamwan tiikai.”

Acts 2:27

Shiikeawe ümniiraq ngi ka wulum mung na tiinam baiq maü. Ümjaqshise maiqshaq ashi ka, maakho niili ka triim baiq maü.

Acts 24:5

Naishiq raq arwe arka mungshuk shaqti pinthum haisi chang ashi chhi tiikai. Apaiq raq mangjong tlotli na, Jehudinok phan liipan na, tatso wiinyi pahea tiibrak shaq wantlo chhi tiikai. Kiimaq apaiq arka, Najareth hiqti we phung wa lamsheati wela ashi.

Acts 3:14

Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.