James 1:1 - ASII LAKDAP Bible (BSI) Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang. Hawa Naga Bible 2001 Tishox nuiyc Taungjix Yesu Christu nvrc waz Yaku kox wawc mungkawx baung ruip saz nuex nyvmc wvnc vshuex Tishox miqsaz htenc muex gvnhttuingc kvjaz tvtay vphaungx. Muklom Iri likwit raa James iching kowang, bara Shkewa nia Tangteywa Jesu Khristo sanga. Asi ani phan ajat ma bara thaji mingkang ro taphal ang eq tong aa, nim ma jak tachap. |
Raüta apaiq raq longkaü kaüroqshi ri kaünai doto. Arka maiqphan phanroqshi ri phan nai kra miitu, phanshi miitu longkaü ka kaüshishi phongto. Arka Jakob setiim weroqshiri wenai mangtaq kra phan phan phongto. Jakob mang ka Tatiwe raq Israil ngutiishe mangto.
Tsangshiq raq Shomjam wa poi klo wan miitu, minsaü pongwetiim ka shishi, skukong ka shinai, kiimaq sku aransetiim ka shiblai honglu na na tato. Kiimaq hali, chhechhi ka roqshi ri anai kra tsangshiq ngarai tiidii wan miitu takuqto. Arka Israilnok maiqphan phanroq shi ri phannai sitlaq kra miitu, maiqphan phanshi miitu chhechhi ka kaüshi shi wea raüta takuqto.
Kiijiishe, Haman raq, Hokham Ahasueras ma, “Ümmungtan mong na maiq phan ümchuwa sitlaq kra mong na, phanshi ka junok thunglai rai min pongmak, pongtrai sitlo. Tsangshiq thunglai ka junok rai min mren mak. Kiimaq tsangshiq raq hokhamwe thungtri ka lang mak riitlo. Kra ningkhan, tsangshiq ka akhli thü raüla hokhamwe ma jam achu min ahü miraq.
Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto.
Ara longseng po thun armong niika Jakob setiim weroqshi ri wenai mang thun ka longseng poshi mong na weshi shi mang khat waiq raüta shaqbaiq chang. Raüta Israilnok maiqphan thun kra mang chong la na sichang.
Kra longsengpo thun loweatek roqshiri ponai kra mong niika Jakob setiim weroqshi ri wenai mang kra among na wat raüta waiq raq raq tiihongto. Kriika Israilnok maiq phan phan roqshiri phan nai kra mang pon na waiq thüto.
“Ümtiikiiwa Ngi raq tsangshiq ka maiqnok ahin phan phong na miwan baiqha kiimaq pongmung thun na miwan baiqha, kra akhing niishetiq tsangshiq raq Ngi ardea Tatiwe nguta misap wan.
Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.
Kiimaq Philip nai Bartholomi. Kiimaq Thomas nai Phunta hiti we Mothiq. Kiimaq Alphias se Jakob nai Thadeas.
Riita apaiq arka tsiimwe irse riimak sha? Meriq ka anyung riimak sha? Jakob nai Joseph, Simon kiimaq Judas ka apaiq ma anotiim riimak sha?
Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.
Kiimaq Andru, Philip, Bartholomi, Mothiq, Thomas, Alphias se Jakob, Thadeas, mung ma tsan tiitsiti we Simon thun ka riito.
Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.
Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”
Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?
Tsangshiq ka Jerusalem na jang wanto. Raüta, tsangshiq jap chang jam na rathong khokti kiina riitam ngato.
Apaiq raq tsangshiq ma ajaq maq nam raüta, ajong maq naq bom rongkiq nguta chongto. Raüta, Shiikeawe raq apaiq ka jamkho phaqtek mong wa tiichhii kuq wantaq kra tsangshiq ma chongto. “Ara tsütsa arka Jakob nai phunainotiim ahinti miiri tiitai ronglaq” nguta apaiq raq tsangshiq ma chong kuqto. Raüta, apaiq ka kiimaq ahin niishe kihoto.
Tsangnai raq nokwe ma bom chongke kra lot ri she, Jakob ka ngongwebi man na chap raüta, akhiishe hali bom ka chongkuq nongto. “Phunainotiim lei, ngi chongpha, tai ronglaq!
Ara jamkhano chongtiikai ngukla, Mosheq Thungtri bomtsi ka pat-achat miiphü Asii Niitiitsak ranaiqtek sinagok na phatkuq wan ruq kata. Kiimaq Mosheq bomchong kra chelatek na nokmaiqse ma phanchan kuq wan ruq riitlo,” nguta Jakob raq bom ka chongkuqto.
Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.
Kiijaq Jehudinok ka Jerusalem chela na pahea asi riito. Tsangshiq ka Shiikeawe shomnoq wanti. Tsangshiq ka mung ahin na siti akirai.
Ara kiqkham kongphiq arka ranaishishi milap wan rong i dongdii nguta ranphan raüta, nashiq nok maiqphan phanroqshi ri phannai raq Shiikeawe ka ranaiq rawa shomnoq wantlo. O, Chaü lei! Ümchaü ranaiq ngi rung na tiichap wan tlaq arka, ara ranphan wan tiikang arkha na Jehudinok raq ngi ka tiishuttlo.
Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.
Ngi Paul, Khristo Jesuq dise, kiimaq kiimwe ma tingsang athiiq raüta atsea wan, kiimaq Shiikeawe raq apaiq Tsütsa Ahea trahoke miitu ashong wan we raq waiq tiikang.
Kra lak na, ahü la, ngi raq kiimwebi ahinti jurai min riihum mang dea la. O, shatmaq, Tatiwe ma ano Jakob raili riihum kang.
Apaiq ka jamkho shutta ngukla, Jerusalem wa Phungmaiqsetiim, Jakob raq atiiwa wanwetiim kra misaü wan shaq liipan bala niika, apaiq ka Antiok na siti Pongnok phan Phungmaiqsetiim phunainotiim rai, takshi pinshi maq, phaqshi seashi aheawiq maq siwanto. Shatmaq, kra wanwetiim ka saü wan jai she, Petar ka Pongnok phan Phungmaiqse phunainotiim rai ka adam na, chapnga dam mak she, pong na trai kito. Apaiq ka, kra jamkhano trai kitaq ngukla, kra Jerusalem wa wanwetiim wataq kra riika, Pongnok phan maiqse riika, Phung na shang jai min, tsangshiq raq Jehudinok thunglai athohan tri kriika, lang raa dongdii nguta, tri ka tiichop kha na, tsangshiq ma hai raüta, trai kito.
Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.
“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.
Tatiwe nam Shiikeawe raq namshiq ka atiihang mirwan. Apaiq raq namshiq ka pong mung thun kriiwa, apaiq raq namshiq wan baiqtaq mung thun kriiwa mitiijang shea wan nong. Raüta apaiq raq namshiq ka chiithe lüwanok miishe mitiija wan nong.
Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.
Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.
Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:
Ümniika diwin misat shaq na, ana ngi phana saü wan miitu akhek tiima laq. Eubulas, Pudens, Linas, kiimaq klaüdia raq salam tiitai tlo. Kiimaq krai mren, Phungmaiqsetiim ahin phunainotiim riimin salam tiitaitlo.
Ngi, Paul, Shiikeawe jaqshise kiimaq Jesuq Khristo kiimwe raq waiq tiikang. Ngi ka tsea wanto raüta tiiwato Shiikeawe raq atsea wan asenginok kamasham kra khrumke wa miitu. Kiimaq tsangshiq ka nashiqnok kamasham lamphan na shrinkuqtlaq tengtlaq bomtsi kra tiisapke wan lan na shunshea wan miitu.
Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.
Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:
Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:
Kiijiishe ngi raq, Israilnok phan wiita wa Shiikeawe sil maq khakam na raiwaiqtaq thun tlotli ka 144,000 saüto nguta chongto taikang. Tsangshiq ka Israilnok kaüwa weraü roqshiri anai wiita wa rai wanto.