Acts 2:5 - ASII LAKDAP Bible (BSI)

⁵ Kiijaq Jehudinok ka Jerusalem chela na pahea asi riito. Tsangshiq ka Shiikeawe shomnoq wanti. Tsangshiq ka mung ahin na siti akirai.

Hawa Naga Bible 2001

⁵ Kvruex baunglaung mungkawx wawc mungtan ruip rawx nuex httax yaq tvrac phvnc jix Yuda miqsaz htenc Yerusalem nuex httax yaq.

Muklom

⁵ Etho mingkang uphan phan haq wang Shkewa samtey Jehudi tang Jerusalem na tong ta.

Acts 2:5 Referencias Cruzadas

DUNGWVNC 23:16

“Ümtsam jut phaho tlaü akhing na Lamrii Poi ka klolaq. “Kiimaq Lamjaptiip Poi ka liidongji na ümniiraq spiqtsi nai petsiro wa petsi pansiq tlaü choji na klolaq.

ISAIA 66:18

Ngi raq tsangshiq tiima tsantsii nai tsangshiq jaqsham ka asapha. Ngi ka mangjong hiq wa maiq phan tlotli ka adam na riichomkai kitiikang she. Ümtiikiiwa tsangshiq ka adam na riitamtlaq, tsangshiq raq iningkun jonglu maq jaq ümtinkhan wa sham tiikang, kriishe michhi.

JEKERIA 8:18

Tati Ningkun Ajong Pinthumwe raq Jekeria ma akha chongto:

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Luke 17:24

Rachhai ralüp wa raq, ra ka siimko maq riita, siimko na saüli liliim chhai rai tlaq ikha, Maiq Se saükai akhing niimin, mangjong hiq ara hamli na, ali aliim she, mililiim wan. Kiimaq mangjong maiqse tarü raq, apaiq ka michhi wan.

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Luke 24:18

Tsangnai wenai wa, weshi mang ka Kleopas. Kleopas raq, “Jerusalem na kaiti maiq phong wa, ümnap ümji bala mra jonghea pin wantaq kra tsütsa sapmakti ka ümnaq arli sham na?” nguta apaiq ma waito.

John 12:20

Kra poi akhing na, Jerusalem na Shiikeawe shomnoq kai nguta mungmaiqse phong kiraitaq thun kra phong na, Griknok min asi riito.

Acts 10:2

Apaiq ka Shiikeawe shomnoqti. Apaiq rai ajamti thun tarü ka Shiikeawe shomnoqti siisaq. Apaiq ka Jehudinok miitsan miijan maiqse khrumketi. Kiimaq apaiq ka Shiikeawe jaq wa achu jaü na tsapkap hea we.

Acts 10:7

Raüta, rase ka wawan nongto. Kiimaq Kornelias raq apaiq jam na jaqsham damti, aluqkhap se nai wenai ka heato. Kiimaq apaiq shiililiiti kiimaq tsapkapkap maq Shiikeawe shomnoqti phenla weshi kriiri heato.

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 2:1

Raroq Biingi Poi akhing saü ranaiq na, kamasham maiqsetiim ka wiita adam maq jamshi na, riitam ngashat riito.

Acts 22:12

“Kra chela na maiq weshi asi riito. Apaiq mang ka Ananias. Apaiq ka tsantsii kuq raüta Shiikeawe shomnoq wanti we. Kiimaq nashiq Jehudinok Thungtri ka tsapkapkap maq lang wanti we. Kiimaq kiijaq siti Jehudinok tarü raq apaiq ka pinthum shreng wantlo.

Acts 8:2

Kamasham na arang aphatibi thun ka riitam raüta, Stephen maa ka pinthum shreng raüta, maaho maanyi maq saiqsamto.

Acts 8:27

Krai mren, Philip ka tiijesaq raüta kihoto. Riita, kra akhing na Ethiopia mung hokham nyung kampho tum kheti siihiip ajong weshi, alai lambaiqje we ka, ahiq na jangho lam na akai rai lohoto. Apaiq ka Jerusalem na Shiikeawe shomnoq wa awa, tsangshiq na jangho she, kumrang leng thaq na chao raüta akairai riito. Apaiq ka akhum lam maq Isaia shammi we raq awaiq lakdap kra phat rea lohoto.

TRI CHONGKE 2:25

Ümchaü ranaiq miishe barap binrii wa maiq thun ka Ngi raq namshiq ma ahai rak rak she mitiisiha. Namshiq mang chong kra tai raütli maiq thun ka wiita phiip raq mitsai.’

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.