Acts 2:4 - ASII LAKDAP Bible (BSI)

⁴ Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Hawa Naga Bible 2001

⁴ Tsuingshiq muinz Vsawc Siyac mvrc wvnc vtueq, Siyac rueq nvr tueq rulc rv-ngvlc miqphvnx ruip saz kvjaz maq kvjak wuez tueq.

Muklom

⁴ Ning thaji tha Asang Tsija wang sheyta, etho ning thaji tha adak raaq tang o wanta, bara Asang Tsija eq ning tha tharaaq ta.

Acts 2:4 Referencias Cruzadas

2 SAMUEL 23:2

Tatiwe wenyi raq ngi ka rom raüta chongtlo; apaiq bomchong ka inübok na.

ISAIA 28:11

Namshiq raq ibom tairo man jiika, Shiikeawe raq maiq pongmungti lü maq, pongnok pongta phan bom maq, namshiq raq atse atsa man taiman phan bom miishetiq namshiq ma phanrap ka mishrinkuq.

ISAIA 59:21

Kiimaq ümchaü ka Ngi namshiq rai tongshong tiikang: Ngi raq namshiq ma iningkun tu kra kuq tiikang. Kiimaq iman phan ijüche ka namshiq miishe kuq tiikang. Arka pattup pat-sa namshiq miituli she miraq. Krai mren ümchaü ranaiq armiishe namshiq raq ibom taichang. Kiimaq namsetiim ma kiimaq namsaütiim ma shrinkuq ronglaq, tsangshiq raq Ngi raq akuqha aming thun ka pattup pat-sa lang raüta shong wan chang nguta.”

JEREMIA 6:11

Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.

EJEKIEL 3:11

Laüta nam mungti pong mung na munglu shumwi kong ma sitlaq phana walaq. Laüta Ngi, Rakaü Hiqwe raq tsangshiq ma jamlai bom wa chongtiikang kra chongkuq wakiq. Tsangshiq riika taitlo kiimaq taimak lo.”

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Matthew 10:19

Ümtiikiiwa namshiq ka rung na tiichap wantlaq, kra akhing na tsangshiq bom ka jamkhii tre chang wa miraq nguta tiima lanta akhiismin naq chapa rongkiq. Kra akhing na namshiq khum tiichhii miitu jamlai bom chong chang wa miraq, kriika Shiikeawe raq namshiq ma achong mirkuq.

Mark 16:17

Kamwan tlaqti thun ma, awang chang jaqsham miitu ningkun mikuq. Tsangshiq raq, i mang na tha mijo baiq; tsangshiq ka pongnok pongta phan bom maq mibom.

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Luke 1:41

Elijabeth raq Meriq salam bomtsi kra tai ri li she, awok wa no kiimin atiime, aphe aphiiq she riito. Elijabeth ka Asii Wenyi raq ama riito.

Luke 1:67

Kra akhing na Johan we Jekeria ka Asii Wenyi raq ama riito. Kriikha maq, apaiq raq Shiikeawe bomtsi ka akha chongkuqto:

Luke 12:12

Kra akhing na, namshiq raq jamlai bom chong chang wa kriika, Asii Wenyi raq namshiq ma atlang mirkuq.”

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Luke 4:1

Jesuq ka Jordan rai maq akhum na Asii Wenyi raq ama jang wanto. Kiimaq apaiq ka Asii Wenyi raq kumtsaiphii binjü niishe sheahoto.

John 14:26

I We raq Asii Wenyi ka, i mang na mitiiki. Apaiq ka namshiq Khrumti we. Ümchaü ngi raq, namshiq ma ümchuwa bomtsi chongkuq tiikang thun arka, apaiq riishe hali, namshiq tsan mong na tiidokuq wan nong raüta, tsangriri hea miishe wiita michong kuq wan nong.

John 20:22

Kra ngu raütiishe, apaiq raq tsangshiq khuthaq na anü maq ameike wan lam maq akha nguto, “Ara Asii Wenyi ara namtsan mong na tiisi ronglaq.

Acts 1:5

Kiimaq, Johan raq namshiq ma kham lamkuq wantaq irka, kham lamlam miili lamkuq wanto. Shatmaq, ümchaü ka, heashi sijai niili she, Shiikeawe raq namshiq ma, Asii Wenyi miishe kham ka milam kuq wan,” nguta aming kuqto.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 10:46

Tsangshiq ka jamkhano maota ngukla, Kornelias jam na maiq ümchuwa ngatlaq thun wiita raq, awang chang bom maq Shiikeawe jonglu kriishe shomnoq trang taito. Kiijiishe, Petar raq nguto,

Acts 10:47

“Riita, nashiq ma jamkho Asii Wenyi kuqtaq, kiikhiisii, ümchaü tsangshiq miimin Asii Wenyi ka kuqto she. Ikhiijiika, tsangshiq ma kham lamke maimak nguta tangtati ka juwa?”

Acts 11:15

Krai mren, ngi raq tsangshiq ma traho bomtsi kra chongkuq wan kangtiishe, Asii Wenyi ka man na aphaji na nashiq khum na jamkho satkitaq, ikhiisii hali tsangshiq khum niimin satkito.

Acts 11:24

Barnabas ka maiqshaq weshi. Apaiq ka Asii Wenyi raq ama kiimaq kamasham na srea weshi riito. Apaiq traho bomchong kra tai raüta, maiq pahea Tatiwe puk na nyap wanto.

Acts 13:52

Antiok chela na siti kamasham maiqsetiim thun ka kai khoqriiq shishiiq, kiimaq Asii Wenyi raq ama maq siwanto.

Acts 13:9

Kiijiishe, Saul, apaiq ka nanok raq Paul ngutiimin ngutlo, apaiq ka Asii Wenyi raq arom wan ningkun ama maq siti kriiraq, kra mintin we ka, atheaphi na tiqtiq liito.

Acts 15:8

Kiimaq, maiqse loweatek tiima tsantsii kra khonti we Shiikeawe raq, tsangshiq kiimin apaiq puk na nyap wan miitu kilü ka dikuq wanto she. Raüta, nashiq ma jamkho kuqtaq kiikhiisii hali, tsangshiq miimin Asii Wenyi ka kuqto.

Acts 19:6

Paul raq ajaq nai maq tsangshiq khu na sham raüta achu jaükuqto. Kiimaq Asii Wenyi ka tsangshiq khum niishe satkito. Krai mren she, tsangshiq ka atse atsaq min tiitai mak phan bom miishe bomtrang hoto. Kiimaq Shiikeawe raq achongkuq tsütsa kra tlü chongkuqto.

Acts 2:11

Nashiq ka Jehudinok phan nai Pongnok phan maiqse wa, Jehudinok Shiikeawe lamphanti ma aja wanhai ahata. Kiimaq nashiq wiijamti thun arka, Kret mung nai Arabia mung na siti ahata. Shatmaq, nashiq wiitarü raq tsangshiq raq, nashiq nok maiqmiimii phan bom maq, Shiikeawe raq awang chang jaqsham jonghea sham wantaq kra tsütsa riichong rai tlaq kra tai tiikai ahata!”

Acts 2:3

Kiijiishe tsangshiq raq walü lapsetiim ikha, tsangshiq kiijaq maiq ümchuwa ngatlaqti thun loweatek khupo thaq na, wa achaq ikha anyairai kra chhito.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Acts 4:8

Kiijiishe, Asii Wenyi raq Petar khum ka kunli ama romto. Krai mren, apaiq raq tsangshiq bom ka akha treto, “Munglangti mungtubi nai shiilangbi lei,

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

Acts 6:5

Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Acts 6:8

Shiikeawe raq Stephen ma pinthum asho awo achu shiiman kuqto. Apaiq ka Wenyi na ningkun ama riito. Apaiq raq mungmaiqse phong na, awang chang nai amao chang jaqsham pahea shamkuqto.

Acts 7:55

Shatmaq, Stephen ka Asii Wenyi raq ama rom wanto. Krai mren, apaiq raq ra nü na liito. Raüta, Shiikeawe khushü ngao chhainyii liliim kra chhito. Kiimaq Jesuq Khristo ka Shiikeawe ma jaqtsi nü na achap raü chhito.

Acts 8:17

Kriikha maq, Petar nai Johan raq tsangnai jaq ka tsangshiq dü na sham raüta, achu jaü kuqto. Krai mren, tsangshiq raq Asii Wenyi ka lapto.

Acts 9:17

Krai mren, Ananias ka Saul jap chang jam kiijiishe kihoto. Raüta, jam mong na nyap wato. Raüta, ajaq maq Saul dü na sham raüta, “Phuno we Saul le,” nguta bom damto. “Ngi ka ümniiphana Tatiwe raq tiikito. Ümniika ana wa lam na awarai shon, ümniirai lam na sham riichhikitaq Jesuq apaiq raq tiikito. Apaiq raq ngi tiikitaq arka, ümmak kra tiipiiqke kai miitu, kiimaq ümniika Asii Wenyi raq ama maq rom raüta, ama miishe misi laq nguta tiikito.”

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

1 Corinthians 12:10

Asii Wenyi raq, maiq ashi miika awang chang jaqshamke miitu ningkun kuq tlo. Kiimaq maiq ashi miika Shiikeawe riisham bom kra chongke miitu ningkun kuq tlo. Kiimaq maiq ashi miika Asii Wenyi raq akuq kongphiq thun kra liipan na chechiip miitu ningkun kuq tlo. Kiimaq maiq ashi miika, maiq raq taimak phan bom maq bom miitu kongphiq kuq tlo. Kiimaq maiq ashi miika kra bom tlaq taimai phan bomtsi liichum kra tiikho chongke miitu ningkun kuq tlo.

1 Corinthians 13:1

Ngi riika mangjong hiq na maiqphan ümchuwa sitlaq kra wiitarü bom atsin ha min mirha sham. Kiimaq rasetiim bom dongdii min mibom tsü ha sham. Shatmaq i tsan mong na lungwiitsii ahü jiika, i bom chong ka mobukbuk abuk nyiimtsü riinya rai tlaq ikhli miraq. Lo, süpseng atriinya buk ikhli miraq.

1 Corinthians 13:8

Lungwiitsii ka pattup pat-sa thumki mak phan. Tsan tiinin lili chang traho bom chongke min asi miraq. Shatmaq kriika alo miituli miraq. Kiimaq maiq raq tak lot mak phan bom maq traho bom chongke min asi mirsham. Shatmaq kriimin ranaiq shishi ka athum mirki. Kiimaq anyan phaqchi tsütsa chongkuq tlaq kiimin athum mirki.

1 Corinthians 14:18

Maiq raq taimak phan bom maq, namshiq thaq na ngi raq apa lin bom tiikang kra ningkhan, ngi raq Shiikeawe ma kechu tum tiikang.

1 Corinthians 14:5

Ngi raq tiima wan kla, namshiq wiitarü raq maiq raq taimak phan bom maq siisaq bomhan jaq ahea nguta tiima tiikang. Shatmaq kra nam miika, namshiq raq Shiikeawe tsütsa riisham bom chongke lam na tsüwe tsitwe ma jawan kongphiq kra lap han jaq riiwe ka, ahea lin miraq nguta tiima tiikang. Ara jamkhano chongtiikang ngukla, jurwa Shiikeawe tsütsa riisham bom chongkuq tlaq, kra tsütsa thii ka jurwa maiq raq taimak phan bom maq bom tlaq, kra thaq na atsin lin sitlo. Riita maiq raq taimak phan bom maq chong tlaq kriika, akleke wanti maiq siraa tlo. Kra jamlai wa chong tlaq, kra wiitarü raq tai li chang maq kle kuq raü jiitiq, phungtuti ma aliip misi.

Ephesians 3:19

O raq, ija, ngi ara, namshiq raq, apaiq raq namshiq ma mangchan tlaq kra tsaü ka, sap wan tlo han jiilei, nguta tsinngin rai tiikang. Riita, apaiq raq namshiq mangchan tlaq kra, ümtinkhan tsaü wa sitla, kla namshiq raq kunli ka tak wan lot man min miraq. Li jiimin, namshiq ka Shiikeawe rong arai maq, namshiq tsantsii ka kunli, aliim alei mitiima kuq laq, nguta achu jaü kuq tiikang.

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.

2 Peter 1:21

Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.

1 SAMUEL 1:14

Kra ningkhan apaiq ma akha nguto, “Chechok tsampii honja ka atsaq li she riilaq! Chenyang ka tsaq liishe. Laüta sung atsii tsang rakrak miishe silaq!”

1 SAMUEL 10:10

Krai mren, Saul nai ajaqshi se ka kra ranaiq niili Gibea chela niishe saü wanto. Kra akhing na shammibi kongshi raq Saul rai riihumto. Krai mren, tiihanghiiq miili she Shiikeawe asii wenyi raq Saul ka kun li rom wanto. Kiimaq Saul kiimin shammibi kong kra rai, adoq haha she, wiinum wiinea she, agilülü maq Shiikeawe shomnoq shammibi kong krai she doqsiq wandamto.