Acts 2:3 - ASII LAKDAP Bible (BSI)

³ Kiijiishe tsangshiq raq walü lapsetiim ikha, tsangshiq kiijaq maiq ümchuwa ngatlaqti thun loweatek khupo thaq na, wa achaq ikha anyairai kra chhito.

Hawa Naga Bible 2001

³ Kvkaq tsuingshiq rueq wvrluic tvlix ikhoc muinz khiz tueq, kvruex kuex rv-nyanc wvnc vtueq tsuingshiq washiz maq washiz htauk nuex kop kaz tueq.

Muklom

³ Etho ning aa phali tang mal wal thuta tha khita, etho eshina tongtey miqtang thaji tha thak lota.

Acts 2:3 Referencias Cruzadas

RAPHA HIQWA LAK 11:6

Kiimaq apaiq raq akha nguto, “Riita ümchaü min arnok arka maiq phan phanshili kiimaq tsangshiq raq bom ka phanshili bomtlo. Arka tsangshiq raq phanrap miklo lot kra kiimung pha wan she ahata. Jaqlo liipan niili tsangshiq raq jamlai wa klo rotlaq kriika wiita miklo lot she!

Tvtsvmc 55:9

Ijaqtinok traho bom ka wiita brak baiq laq, O Tatiwe lei! Ngi raq jasam piqsii kiimaq mungbrak chela mong na chhitiikang,

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

JEREMIA 23:29

Ibomtsi ka waniitu ikha. Kiimaq sintupo ikha longkaü thun tiibun buktlo.

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Luke 24:32

Kiijiishe, “Apaiq raq awa lam na, lam maq nanai ma, Asii bomtsi tru phanchan kuqtaq akhing na, nanai tsan mong na chochisi wali nai tsan chhii wa li hunhun dea riito!” nguta tsangnai ka riibomto.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 2:11

Nashiq ka Jehudinok phan nai Pongnok phan maiqse wa, Jehudinok Shiikeawe lamphanti ma aja wanhai ahata. Kiimaq nashiq wiijamti thun arka, Kret mung nai Arabia mung na siti ahata. Shatmaq, nashiq wiitarü raq tsangshiq raq, nashiq nok maiqmiimii phan bom maq, Shiikeawe raq awang chang jaqsham jonghea sham wantaq kra tsütsa riichong rai tlaq kra tai tiikai ahata!”

Acts 2:2

Tiihanghiiq miili, tsangshiq raq ra nü na rahai henghea hai trang ikha taito. Kra rahai ka tsangshiq nga tlaq khok na wiita hai wanto.

Acts 2:4

Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

1 Corinthians 12:10

Asii Wenyi raq, maiq ashi miika awang chang jaqshamke miitu ningkun kuq tlo. Kiimaq maiq ashi miika Shiikeawe riisham bom kra chongke miitu ningkun kuq tlo. Kiimaq maiq ashi miika Asii Wenyi raq akuq kongphiq thun kra liipan na chechiip miitu ningkun kuq tlo. Kiimaq maiq ashi miika, maiq raq taimak phan bom maq bom miitu kongphiq kuq tlo. Kiimaq maiq ashi miika kra bom tlaq taimai phan bomtsi liichum kra tiikho chongke miitu ningkun kuq tlo.

James 3:6

Ara chongtiikai akhiisii, maiqse nü na atili sitlaq kiimin, wanii tu ikha. Maiqse khum na tili sitlaq arka, abi hokham weshi raq, mung langtlaq ikha. Ara abi hokham tili arka nashiq khum na sitlo. Raüta, nashiq khum ara wiipumtam na, abi kiimung maq mia raüta tiinyam wan tlo. Ara na tili armaq abi bomtsi bom laita, wamungtan wa wapü pan tlaq kra niq wan tlo. Raüta, nashiq rilung lam ara wiita wa maq tiikhiim chaq baiqtlo.

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

Revelation 14:6

Kiijiishe, ngi raq rase ashi chhi nong kang. Apaiq ka ratsan ramong nyang na abisea riito. Apaiq ka pattup pat-sa Tsütsa Ahea mangjong maiqse tlotli ma tiitaiketi. Apaiq raq kra tsütsa ka maiq kaüwa weraü tek ma, maiq aphan tek ma, maiq abom pongbom bomtlaq tek ma, kiimaq maiq amung amung tek ma tiitaike kai nguta kitlo.