Acts 2:4 - Hawa Naga Bible 2001

⁴ Tsuingshiq muinz Vsawc Siyac mvrc wvnc vtueq, Siyac rueq nvr tueq rulc rv-ngvlc miqphvnx ruip saz kvjaz maq kvjak wuez tueq.

ASII LAKDAP Bible (BSI)

⁴ Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Muklom

⁴ Ning thaji tha Asang Tsija wang sheyta, etho ning thaji tha adak raaq tang o wanta, bara Asang Tsija eq ning tha tharaaq ta.

Acts 2:4 Referencias Cruzadas

2 SAMUEL 23:2

Yehowa siyac rueq ngaz maq raz tueq tvjungc phuex; vpiq bomjungc kuex ngvy tvlix nuex httax yaq.

ISAIA 28:11

Nuimshiq rueq ngvy kvjaz tay muit ngoz ruiux yuq, nuimshiq muex luik tvluingc kuy tvkoc pungdungc kvjaz pungnuk miqsaz htenc kuex Tishox rueq shuimx wvnc shuex.

ISAIA 59:21

Kvmaq nuimshiq rulc bomkhvrc tvhungx shaungx: ngaz rueq nuimshiq muex ngvy luimc vkawc nuiyc ngaz rueq tvluingc kuy lvmx htenc kuex kuq shec phaungx shex, majuiuc vmaq phaungc vtueq nuimshiq nuiyc nuimshiq sahez nuiyc nuimshiq suiuz vsaz htenc rueq mkaq muinz phvnx wuez shuinx,” ngoz tueq.

JEREMIA 6:11

Yehowa lex, ngvy htauk nuex mthuinz khvy mvrc yaq ningkhvnc nuex, nanx lot shuiux rvmuq,” ngoz tauk. Kvruex yimaq Yehowa rueq ngaz muex jungx phuex, “Ngvy thuinkhvy kuex lvmx htenc wawc nosaz rulx htauk nuex muinz, yalxtux yalxrox bix htauk nuex muinz ruiuc kuq shuiuz. Vtaungx waz nuiyc vtaungx nyuiuz htenc nuiyc nyuiuz waz likawx htenc muinz kvguing lot tuex rvmuq.

EJEKIEL 3:11

Kvruex yimaq vthuq wvnc rvhumc jix mmungtan miqsaz htenc kox nuex kaz vtueq, tsuingshiq thuinz nuex lomx ruiux muinz, lomx muq yuq muinz ngaz, Johvlc Yehowa rueq tsuingshiq muex jungx vshaungx kvjaz kuex tsuingshiq muex jungx shuiuz,” ngoz tueq nvr phuex.

Mikha 3:8

Yuq muinz ngvy tvkoc kuex, Yehowa rueq vpiq siyac nuiyc luimc vkawc tvmvrc kuq vtueq, tvrac vlvmz tharc nuiyc Israel miqsaz tsuingshiq mvrax htenc kuex jungc kuy lot juing khamc thuinz kuex htawc kuq yaq.

Matthew 10:19

Tsuingshiq rueq nuimhez kuex lekuq gay kv-phuinx, kvkaq nuimhez rueq yvmx khoc jungc juing lac ngoz tueq kungkhux nauk rvwvl kaz, nuimhez rueq jungc juing kvjaz kuex kvkaq jix nuimhez muex tvsvmz kuq shuex.

Mark 16:17

Kvmluimx jix htenc muex vwangc juing romzyac shuimc lot juing luimc vkawc kuq shuex: tsuingshiq rueq ngvy muingc maq htaungc htenc kuex yurc gay tsic shuex; tsuingshiq kuex pungx kvjaz kvjak wuez tuex.

Luke 1:15

Yvmx khoc lac ngoz ruiux lec piq kuex Taungjix htumc nuex yungx luz wvnc tuex. Piq rueq svpiq tix nuiyc vjuk vbawx juing phvnx muinz nuingx muq. Piq kuex jawx tueq rulc rv-ngvlc Vsawc Siyac mvrc yaq miq rvtueq.

Luke 1:41

Mary rueq phvnx jvnx jungx tueq kvjaz htenc kuex Elisbet rueq tay tueq rulc rv-ngvlc vwuk mungx wawc nox kuex phoal tueq. Elisbet kuex Vsawc Siyac mvrc vtueq,

Luke 1:67

Yohan waz Zecharia kuex Vsawc Siyac mvrc wvnc vtueq Tishox bomjungc jungx tueq kuex:

Luke 12:12

Yvmx khoc lac ngoz ruiux lec Vsawc Siyac rueq kvruex vkhing nuex nuimshiq rueq yvmx khoc jungc juing lac kuex tvluing kuq kv-phuinx.”

Luke 21:15

Yvmx khoc lac ngoz ruiux lec nuimshiq ralx hez rueq khawx lot muq laz juing nuimshiq muex kvjaz hungc vlaungc nuiyc taksux tharc kuex ngaz rueq kuq phaungx.

Luke 4:1

Yesu kuex Vsawc Siyac mvrc vtueq Yodan ruilx maq yek waung tueq nuex Siyac rueq kumtsvy tvnx nuex shvlx wvnc vtueq,

John 14:26

Ngvy muingc maq Iwaz rueq tvkaz shuex Romc Kuy jix Waz ngoz yaq Vsawc Siyac rueq nuimshiq muex phvnx ruip saz tvluing kuq vtueq, ngaz rueq nuimshiq muex jungx vphaungx kvjaz lotlaz kuex nuimshiq rueq rvwvl lvp wvnc shuinx.

John 20:22

Kvkhoc jungx vtueq kungjix bix htauk nuex vpiq rueq muy vtueq, “Vsawc Siyac lvp wvnc wuez shuinz.

Acts 1:5

Yohan rueq yuix maq yuix luip kuq tueq, yuq muinz nuimshiq rueq mtanc httax muit nuex Vsawc Siyac maq yuix luip lvmz wvnc wuez shuinz,” ngoz tueq jungx tueq.

Acts 1:8

Yuq muinz Vsawc Siyac nuimshiq htauk nuex httuiuc kaz tuex nuex, nuimshiq rueq luimc vkawc lvp wvnc shuinx, kvruex kaq nuimshiq rueq Yerusalem, Yuda mungx lotlaz, Samaria mungx nuiyc ghaq ruiykhuix tvsuip laz ngvy hakhix htenc muex yaungx wuez tuinx,” ngoz tueq jungx tueq.

Acts 10:46

Yvmx khoc lac ngoz ruiux lec Pungnuk miqsaz htenc rueq vwangc juing miqphvnx kvjaz htenc kuex kvjak vtueq, Tishox ngauz vngax kuex tvtsvmc kvmc wuez yaq ningkhvnc nuex ngoz vshaungx.

Acts 10:47

Peter rueq jungx tueq: “Vruex miq htenc vmuinz naungshiq vkhoc Vsawc Siyac lvp wvnc jix hez rvtueq, kvkhoc rvtueq uraq lac tsuingshiq rueq yuix luip lvmz yaq kuex tuingshaung kuq lot shvnx?” ngoz tueq.

Acts 11:15

Kvkaq ngaz rueq bomc dauz vtueq jungx phaungc wvnc koq tueq, Vsawc Siyac kuex kungkhux nuex nuiyhez htauk nuex httuiuc kaz tueq ikhoc, tsuingshiq htauk nuex muinz httuiuc kaz tueq.

Acts 11:24

Barnaba kuex miqhvlx washiz rvtueq, Vsawc Siyac maq muinz, kvmluimx thuinz nuex muinz mvrc yaq waz rvtueq, miq paunghvlc Taungjix kox nuex shvlx wvnc tueq.

Acts 13:52

Antiok nuex httaz jix kvmluimx miqsaz kuex vkoz vkez maq Vsawc Siyac mvrc wvnc wuez tueq.

Acts 13:9

Kvkaq Polu ngoz yaq Sholu kuex Vsawc Siyac vmvrx maq piq kuex tvtsuingc lawc vtueq,

Acts 15:8

Miqsaz thuinz vmungx tuiuz lot yaq Tishox rueq Vsawc Siyac kuex naungshiq muex kuq phuex rulc rv-ngvlc, Pungnuk miqsaz htenc muex muinz kuq yaq ningkhvnc nuex tsuingshiq kuex raungc raq lvp wvnc tueq lvmz tvkhic tueq.

Acts 19:6

Polu rueq tsuingshiq htauk nuex yauk tvdaungc kuq koq tueq Vsawc Siyac kuex tsuingshiq htauk nuex svt kaz tueq; kvkaq tsuingshiq rueq phvnx ruip saz kvjaz maq kvjak tueq, Tishox bomjungc muinz jungphvnx kuq wuez tueq.

Acts 2:11

Yuda miqsaz htenc nuiyc Yuda miqsaz htungx vlayx lvmx nuex kvlayc wvnc jix hez rvtiq. Naungshiq wvyvmc kuex Krete nuiyc Arabia mungx wawc hez rvtiq, kvkhoc rvyruiux Tishox rueq shuimx wvnc tueq vwangc juing phvnx htenc tsuingshiq rueq jungphvnx kvjaz kuex, miqmac kvjaz ikhoc tay lvp wuez vshix nyix!” ngoz tueq rvjungc wuez tueq.

Acts 2:3

Kvkaq tsuingshiq rueq wvrluic tvlix ikhoc muinz khiz tueq, kvruex kuex rv-nyanc wvnc vtueq tsuingshiq washiz maq washiz htauk nuex kop kaz tueq.

Acts 4:31

Kvkhoc vjux thoz lot yix, tsuingshiq rvtuimx tueq baung kuex kvkhuirc rvtueq, tsuingshiq lotlaz Vsawc Siyac mvrc wvnc tueq nuiyc Tishox bomjungc kuex khvmc thuinz vhttax maq jungphvnx kuq wvnc tueq.

Acts 4:8

Kvruex kaq Peter kuex Vsawc Siyac vmvrx maq tsuingshiq muex jungx tueq kuex; “Nuk miqsaz htenc muex walaungx bix nuiyc vyungx vlaungx bix lex:

Acts 6:3

Kvkhoc rvtueq phunox hez lex, nuimshiq phungc kvwawc miq waz mvshix thvl shuinz, vruex yauk shuimc kuex gurc pic tvkoc tsuingshiq muex nuiyshiq rueq tvshuimc shix, tsuingshiq kuex Vsawc Siyac nuex muinz, taksux tharc nuex muinz, hungx htaungx mvrc vtueq muingc jungc vhttax jix yaungc rax tuex.

Acts 6:5

Kvkhoc jungx tueq kvjaz kuex wvtaungx ruix rueq raungc raq vtueq kvmluimx thuinz vmvrx nuiyc Vsawc Siyac vmvrx jix Stephen ngoz yaq waz nuiyc Philip, Prochoru, Nikanor, Timon, Parmena nuiyc Nikolau kuex thvl tueq, Nikolau kuex Yuda miqsaz rvmuq, Yuda nawk palx lvmx nuex nyuip waungc jix Antiok ghaq jix rvtueq.

Acts 6:8

Stephen kuex Tishox kox wawc ruimrix kejux hungx htaungx laz lvp wvnc jix waz, luimc vkawc vmvrx waz ningkhvnc nuex mungx miqsaz htenc htumc nuex vwangc juing htenc nuiyc romzyac htenc kuex tvkhic kuq tueq.

Acts 7:55

Yuq muinz Stephen kuex Vsawc Siyac mvrc vtueq raungx nuex kac lawc koq tueq, Tishox ngauz vngax nuiyc Tishox yaukkeq kox nuex jvp yaq Yesu kuex khiz tueq.

Acts 8:17

Kvruex yimaq Peter nuiyc Yohan rueq tsuingshiq htauk nuex yauk tvdaungc koq tueq, tsuingshiq rueq Vsawc Siyac kuex lvp wvnc wuez tueq.

Acts 9:17

Kvkhoc rvtueq Anania kuex Sholu httax yaq yuimx kvyuq kaz vtueq, Sholu htauk nuex yauk tvdaungc ruiux, “Phunox waz lex, mmuik kalc wvnc tvkoc muinz, Vsawc Siyac mvrc wvnc tvkoc muinz, lvmx maq mnoz muex kvkhic kv-phux Taungjix Yesu rueq ngaz kuex mnoz kox nuex tvkaz phuex,” ngoz tueq.

Romans 15:13

Vsawc Siyac luimc vkawc maq nuimshiq thuinz tvluimc juing lvmx mvrc wvnc tvkoc thuinz tvluimc kuy jix waz Tishox muex nuimshiq kvmluimx vtuinx ningkhvnc nuex, nuimshiq muex kokez juing phvnx ruip saz nuiyc nomic kuex mkuq kv-phuinx.

1 Corinthians 12:10

Siyac rueq washiz muex vwangc juing shuimc tvkhic luimc vkawc kuq tueq; vganc washiz muex kuex Tishox bomjungc jungphvnc kuy lot juing kuq tueq; vruex yauk noalc kuex Siyac kox wawc shuex vganc wawc lac tuiuz juing kuex kuq tueq; vganc washiz muex phvnx ruip saz kvjaz kvjak thenc yaq hungc kuq tueq; kvmaq vganc washiz muex kuex kvjak yaq kvjaz htenc vlvmz kuex jalc jungx lot yaq hungc kuq tueq.

1 Corinthians 13:1

Ngaz kuex miq kvjaz htenc nuiyc raungkamx bix kvjaz htenc kvjak thenc ruiux muinz, lungwawc thuinz vguez ngoz ruiux kuex jok nuiyc nyamx thuic ikhoc dvyx rvtueq.

1 Corinthians 13:8

Lungwawc thuinz kuex pattup ngaungx yaq. Rawshvmx shvmx thenc yaq lvmz ngoz ruiux vmvy rvwvnc tuex; bomjungc phvnx ruip kvjak thenc yaq lvmz ngoz ruiux vsuingx rvwvnc tuex; phaqjic lvmz ngoz ruiux vlvy rvwvnc tuex.

1 Corinthians 14:18

Ngaz kuex pungx kvjaz phvnx ruip saz kvjaz maq nuimshiq htauk nuex jvnc vtueq kvjak thenc vtaungx ningkhvnc nuex Tishox muex kejux vyungx ngoz vshaungx.

1 Corinthians 14:5

Ngaz rueq nuimshiq lotlaz muex pungx kvjaz phvnx ruip saz kvjaz maq tvbomc roc vphaungx, yuq muinz Tishox bomjungc jungphvnc lot juing yauk noalc kejux kuex pinhtumc tvlvp roc vphaungx. Yvmx khoc lac ngoz ruiux lec pungx kvjaz phvnx ruip saz kvjaz maq jungc jix waz rueq piq kvjaz vlvmz kuex jalc jungx kuq lot ruiux yuq jix phungc kuex tvtsuir tv-phaungx lot yaq; kvkhoc rvmuq ngoz ruiux kuex bomjungc jungphvnc kuy jix waz kuex pinhtumc wvhtawz rvtueq.

Ephesians 3:19

Rvtueq, vpiq lungwawc thuinz kuex mkaq muinz tvsawc ric tuiuz wvnc lot shix rvmuq, yuq muinz nuimshiq rueq vpiq lungwawc thuinz kuex tuiuz wvnc vtueq, Tishox kuex wvgvnz pumz nuimshiq nuex mhttax wvnc kueq, ngoz tueq vjux thoz vshaungx.

Ephesians 5:18

Joal nauk juk pawx kaz, kvruex raq mnoz kuex tvbac gay shuex; Siyac nuex mvrc vtueq httax wuez kuinz.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

1 Peter 1:12

Tsuingshiq rueq kvruex lvmz htenc jungphvnx wvnc tueq kuex tsuingshiq vjux lvp wvnc tvkoc rvmuq, nuimshiq tvkoc rvtueq lvmz Tishox rueq vruex shvmmax bix vmac tvkhic kuq tueq. Nuimshiq kox nuex Thuix Thaungx Vhvlx lvmc lvy jix htenc kuex shvmmax bix rueq tvluz nuex jungphvnx wvnc hez rueq raungmungx wawc vtvkaz Vsawc Siyac hungc vlaungc maq nuimshiq muex tvkhic tvtay kuy ningkhvnc nuex nuimshiq rueq tay wvnc tuit. Kvruex lvmz htenc kuex raungkamx bix rueq doc muinz vtuiuz roc rvtueq.

2 Peter 1:21

Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.

1 SAMUEL 1:14

piq muex ngoc, “Joal pawc jix waz ikhoc mshauk pumz kuex nauk tvkhic vkueq! Joal kuex mamc gay ruiux koayc shuiuz!” ngoz tueq ngoz kuq tueq.

1 SAMUEL 10:10

Sholu nuiyc piq nvrc waz kuex Gibea nuex httuiuc kaz koq tueq, shvmmax bix kungshiz rulc tsuingnueyc rvhumc tueq. Kvkaq Tishox siyac kuex romz wvnc vtueq piq muinz tsuinghez vkoz vkez maq wvnuemz nvyx guyc sez yaq kvyuq lomx naungx tueq.