Acts 2:4 - Muklom

⁴ Ning thaji tha Asang Tsija wang sheyta, etho ning thaji tha adak raaq tang o wanta, bara Asang Tsija eq ning tha tharaaq ta.

ASII LAKDAP Bible (BSI)

⁴ Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Hawa Naga Bible 2001

⁴ Tsuingshiq muinz Vsawc Siyac mvrc wvnc vtueq, Siyac rueq nvr tueq rulc rv-ngvlc miqphvnx ruip saz kvjaz maq kvjak wuez tueq.

Acts 2:4 Referencias Cruzadas

Matthew 10:19

Ning aa nim lo phin jo, chamta bat náng tia chamal eq bat náng ta nak tathin inn. Nim aa chamta bat ching sha nim ma ukot eq pha nin.

Mark 16:17

Etho uhan miqtang aa patja jaksom somlo eq takhima tarong kap na; imiing o ning aa thangwa eq rum aa sha jin phan eq na; etho anal raaq raaq na;

Luke 1:15

Teyhungwa jakho na piq ashey ajong miq angna. Piq aa kham ling moq angna etho umok pang ang ching chamtho ling phaksa moq angna. Piq uqhong wangduk Asang Tsija piq hanphung mongna angna.

Luke 1:41

Mary aa nuk atha tat atho, Elizabeth wokwang usa tha mota. Etho Elizabeth khom o Asang Tsija tha thuta.

Luke 1:67

John wa Zechariah haan na Asang Tsija ushey ang eq piq aa Shkewa raaq tha irimal ta batta:

Luke 12:12

Chammatakoi khakla rangham o Asang Tsija hun nim aa chamli raaq ching sha tatal phanin.

Luke 21:15

Chammatakoi nga nim ma irimal tung araaq etho thunglam tallam kopha náng, ira tat eq nim ralwa tang atho nim ma jin thawel bat phamin angpha nin.

Luke 4:1

Jesu hanpin o Asang Tsija ang eq Jordan jungku wang sey welta etho Asang Tsija aa piq tha shushu haq náng solkat ta.

John 14:26

Etharin Rapnongtey Asang Tsija sha Iwa imiing o takat phana, piq aa nim ma thaji raaq sha tatal kopha nin, etho chamtan nga nang ma bat taphang tang sha piq aa nim ma tasik kot phanin.”

John 20:22

Iri tang raa bat eq ning khom tak tha mot ta, “Asang Tsija thàng inn.

Acts 1:5

John aa jung wang junglam kot ta; etharin saal shey ni jio nim aa Asang Tsija wang junglam nin.”

Acts 1:8

Asang Tsija sha nim khom o thupha jo, nim aa tarong kap nin, etho nim aa Jerusalem, thaji Judea mung, Samaria mung etho iri mingkang thaji haq shi náng ka eq imikkhi kot nin.”

Acts 10:46

Chammatakoi ning aa adak adak raaq ni raaq na Shkewa tha tasapsey tha ning aa tat ta. Etho Peter aa batta:

Acts 10:47

“Iri miqtang rey tho í aa kapti mal Asang Tsija kap aa. Irimal ang ajo ning aa junglam ma utang eq jin táng na?”

Acts 11:15

Nga ning ma raaq phang batchey ang tho, phang tho í ma tham ta thimal Asang Tsija ning o thamta.

Acts 11:24

Barnabas sha miq qhal angta, etho Asang Tsija nia kam wang shey ta. Etho piq aa daqhan miq Teyhungwa jamnáng solta.

Acts 13:52

Etho ujiphantey miqtang tin na rapney sungrang etho Asang Tsija eq shey chey ta.

Acts 13:9

Etho Saul aa, bara umiing Paul ta tho ang aa, Asang Tsija wang shey ta; piq aa achal eq eshi mantan ching náng siin eq batta.

Acts 15:8

Etho thaji tinthin samtey Shkewa aa Gentile tang ma tho chamal hiqtang ma kot taphi thimal piq Asang Tsija kot eq ning ma tho tinmat ang aa ta takhita.

Acts 19:6

Paul aa ning o ujak tha shing atho ning o Asang Tsija kata; etho ning adak adak raaq eq raaq ta etho raaqtóng ta.

Acts 2:11

Hiqtang jaktung na Jehudi phan tho atha, etho Gentile phan wang Jehudi phan ma kaliktey tang tho atha, etho Crete mung wang etho Arab mung wang tho atha. Etha otho Shkewa chamtan ajong jaksom somlo ta ta ning hiqtang raaq tang o raaq aa ta kap tat ti!”

Acts 2:3

Etho ning aa phali tang mal wal thuta tha khita, etho eshina tongtey miqtang thaji tha thak lota.

Acts 4:31

Ning aa romtam thun chuta tho, ning bari haqna tong aa ethi haq tha mota. Etho ning thaji Asang Tsija eq sheyta etho ning cho hunga Shkewa raaq tha bat kot ta.

Acts 4:8

Asang Tsija wang shey eq Peter aa batta, “Miqtang solwa tang etho miqlang tang,

Acts 6:3

Ethirangma í notang, nim jaktung wang Asang Tsija etho thunglam aqhal sheytey sanat miqwa tang shi tal inn. Etho ning ma iri jaksom ri kot inn.

Acts 6:5

Asi ani apostle tang raaq tat eq thaji miq sungrang angta etho ning aa iri miqtang raa talta. Iri miqtang raa Asang Tsija etho kam na ushey Stephen, Philip, Prochorus, Niconor, Timon, Parmenas etho Nicolas bara Antioch mung na Gentile miq angta etho jakho Jehudi thong phan ma kaley ta.

Acts 6:8

Stephen ashey irimal miqwa angta, piq jamna Shkewa ráng manchan etho tarong angta, piq aa miqtang jaktung na ajong patja jaksom etho umaal takhita.

Acts 7:55

Etharin Stephen shey, Asang Tsija wang shey eq mungtan konáng siinta, etho Shkewa phun amun, etho Jesu Shkewa jakqhat kona lang atha khita.

Acts 8:17

Peter nia John aa ning o jak tha shing ta etho ning aa Asang Tsija kapta.

Acts 9:17

Req Ananias him náng wangta, etho piq aa ujak Saul kho o shing eq batta, “Ino Saul, Damascus náng kat lam tho nang ma takhita Teyhungwa Jesu aa nga takat taphang. Ba miik eq wey khi eq ma etho Asang Tsija eq shey ma piq aa nga takat taphang.”

Romans 15:13

Tungmang kottey Shkewa nim kam tungkang o nim sungrang nia nungmay wang cham tashey phin, irimal Asang Tsija tarong wang nim tungmang shi cham chen chey aa.

1 Corinthians 12:10

Tsija raa hun ashey miq ma patja jaksom lot rangma tarong kot aa, etho adak ma raaqtóng ma jakkot kot aa; etho adak ma tsija tang sha tari ma jakkot kot aa. Etho adak miq ma uphan phan raaq wang raaq ma etho adak ma eshi raaq tha jin sam rangma jakkot kot aa.

1 Corinthians 13:1

Nga miqtang nia rangkamwa tang raaq ang jo tho i tinmong na tinmat ahung ang ajo, nga tharaaq phan janngam mal.

1 Corinthians 13:8

Tinmat sha pattuk rangma. Raaqtóngq sha ang aa etharin esha saalshey ni rangma ang aa; uphan phan raaq ang aa, etharin esha matwang angna; thunglam sha atha etharin esha lakchak eq na.

1 Corinthians 14:18

Nga Shkewa ma kechu ajong kot ang, chammatakoi nim thaji phey náng eq nga uphan phan raaq raaq ang.

1 Corinthians 14:5

Nim thaji sha uphan phan raaq ma nga nuk ang; etharin eshi phey náng eq nga nim thaji raaqtong ma nuk ang. Uphan phan raaq tey phey náng eq raaqtóngq tey ajong. Ang moq ang rangma chamtey eq uphan phan raaq sha bat kot ching irimal ang eq mondoli shima nong kap na.

Ephesians 3:19

Khristo tinmat sha hiqtang aa chamtan jin sam i eshiwang ahan, etha o tho nim aa eshi tinmat sha usam rangma nga romtam chu ang; irimal ang jo nim o Shkewa dangjang sha tahom angna.

Ephesians 5:18

Eshi sutichi wang nak mok inn, iri wang nim sha hun tathom na; eshi kaley Asang Tsija wang tahom chey inn.

Ephesians 6:18

Thaji rangham na Tsija o thaji raaq ma romtam chu inn. Ethirangma rangtun eq tong inn etho baluk o tho kam shi nak shing chak inn; Shkewa miqtang rangma salwet romtam chu inn.

1 Peter 1:12

Shkewa iri rangsamal tang ma ning jaksom sha ning rangma ang moq etharin nim rangma ta takhi ta. Etho ning aa bara batta tha thanga nim aa utat eq tin; esha mungtan wang Asang Tsija tarong tungkang o takat ta thoksil tattey tang aa tungtang qhal phanchan ta. Iri raaq tang raa rangkamwa tang atho khi eq unuk ang aa.

2 Peter 1:21

Raaqtóng sha baluk o tho miq tinthin o ang moq angta, etharin rangsamal tang aa Asang Tsija tungkang o Shkewa ching kowang raaq ta.