Acts 26:7 - ASII LAKDAP Bible (BSI)

⁷ Ara kiqkham kongphiq arka ranaishishi milap wan rong i dongdii nguta ranphan raüta, nashiq nok maiqphan phanroqshi ri phannai raq Shiikeawe ka ranaiq rawa shomnoq wantlo. O, Chaü lei! Ümchaü ranaiq ngi rung na tiichap wan tlaq arka, ara ranphan wan tiikang arkha na Jehudinok raq ngi ka tiishuttlo.

Hawa Naga Bible 2001

⁷ Kvruex bomkhvmc kuex naungshiq phvnx miqsaz waruiuz rokshiz rac vnueyc rueq raungnuiyq raungwvrx Tishox muex nawk palx kuq ruiux thuinz tvluimc vtueq bvmc vshix kvruex rvtueq. Taungjix hokhvmx waz lex, ngaz rueq kvkhoc thuinz tvluimc bvmc ningkhvnc nuex Yuda miqsaz htenc rueq mvrax tvgurc yaq!

Muklom

⁷ Í aa asi ani phan miqtang eq paltáng saltáng Shkewa sha shumnuk ti ta ang ajo ning aa iri rangtum sha ukapni ta tungmang ta. Etho Agrippa Lungwang, iri tungmang rangma nga ma Jehudi miqtang jashit ta raaq phang.

Acts 26:7 Referencias Cruzadas

EJRA 6:17

Tsangshiq raq Shomjam wa poi klo wan miitu, minsaü pongwetiim ka shishi, skukong ka shinai, kiimaq sku aransetiim ka shiblai honglu na na tato. Kiimaq hali, chhechhi ka roqshi ri anai kra tsangshiq ngarai tiidii wan miitu takuqto. Arka Israilnok maiqphan phanroq shi ri phannai sitlaq kra miitu, maiqphan phanshi miitu chhechhi ka kaüshi shi wea raüta takuqto.

EJRA 8:35

Kra lot jaishe, munglu wansha asiwa wa ajang wanti thun raq, Israilnok Shiikeawe ma, wa na chaq chang honglu thun kriishe kuqto. Tsangshiq raq Israilnok miitu ka, minsaü pongwetiim 12 kuqto. Kiimaq, sku apongsetiim ka 96, kiimaq sku aresetiim ka 77 kuqto. Kiimaq tsangshiq maiqmii ngarai tiisii miitu chhechhi 12 kuqto. Ara nyamse thun arka Tati ma honglu na wa chaq tlii kuqto.

Tvtsvmc 135:2

juwa Tati jam na chaptlanti thun raq, nashiq Shiikeawe Shomjam maq.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Luke 22:30

Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.

Acts 20:31

Arkha maq, namshiq ka tsii lamshat maq shongnga ronglaq. Ngi raq namshiq ma makphai pahea trok lata, phaqthak nithak maq naiqhü wasü tran tsii wan pha ira tsan na tiitsang shatmaq shongnga rong laq. Ngi raq namshiq tarü wiitsam tingkhit tran tsii chongkuq kang.

Acts 24:15

Riita, ümchaü arjaq rung na nga tlaqti thun raq, tsangshiq raq maiqse angu wiita, maiqhea maiqbi kunli, ranaiqshi akhing na, amaa wa adong mirwan nong nguta, Shiikeawe ma kam tlo. Riita, ara tsangshiq raq kam tlaq kra miika, ngi riimin kam tiikang.

Acts 26:2

“Hokham we Agripa lei! Jehudinok raq i dü na khü akha ümchuwa nyan tlaq kiiwa ümman na chaplata, i khum ara tiichhii wan miitu ümchaü ranaiq akhing lap tiikang arka, ngi ma kopan jonghea nguta tiima tiikang.

Acts 26:3

Ara jamkhano ngutiikang ngukla, ümniiriika Jehudinok raq tsangshiq kamasham thungtri ka atsin maq lang raüta sitlo nguta asap haü. Kiimaq tsangshiq liipan na kra lang wan tlaq thung alai lamphan na seng raüta, pahea riikhii riilea sitlaq bom khupo thun kriimin wiita tiitho tiipha asaphaü siisaq. Riita arkha maq, ümchaü ngi raq ümniima tiipaiqnea wan ka, naq tsutsakiq maq, ngi raq i khum tiichhii bom chong tiikang bomtsi ara taiwan haü jaq ahea miraq nguta tiitai tiikang.

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

Philippians 3:11

Arka ngi raq, i khum armin amaa wa, Shiikeawe raq mitiidong wan nong nguta, kriima ran tsantsii rüm tiikang kra khuthaq na seng lata sitiikang.

1 Thessalonians 3:10

Naishiq ka ranaiq rawa, namshiq rai sham riichhi nong miitu akhing kuqlaq nguta kiimaq namshiq kamasham na, jamlai phan wa ajom sitlaq kra, Shiikeawe raq mitiitsuq kuq laq nguta achu jaü laita sitiikai.

1 Timothy 5:5

Ata awiiti wa maiq apaiq liike wanti jumin ahü she, manti-nyung sitlaq kriiti riika Shiikeawe jaq lii raütli she sitlo. Apaiq ka ranaiq rawa achu jaü lam miili she sitlo.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.