Acts 26:6 - ASII LAKDAP Bible (BSI)

⁶ Kiimaq, ümchaü ranaiq ngi arjaq rung na tiichap tlaq arka, Shiikeawe raq natitiim ma phanshi kongphiq mikuq wanha nguta kiqkham raüpot khakuq wantaq, kra kongphiq ka milap wan ha dongdii she nguta, ranphan lalata, sitiikang arkha niishe tiichaptlo.

Hawa Naga Bible 2001

⁶ Tishox rueq naungshiq jix vwaz muex vkuq shec bomkhvmc kuex ngaz rueq thuinz tvluimc bvmc vshaungx ningkhvnc nuex, majuiuc ngaz vwiz vsoz rvhumc vtaungx.

Muklom

⁶ Etho thanga nga tsamnang na thalang phang chammatakoi Shkewa í tey aa wa tang ma chamlang ta rangtum ta tha nga tungmang eq ang.

Acts 26:6 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

RAPHA HIQWA LAK 22:18

Ngi raq ümsaü ümsetiim shiiman kuq kang kiikha maiq phan wiita raq Ngi ma tsangshiq kiimin shiiman kuqlaq nguta mijaü. Jamkhano ngukla ümniiraq Ngi aming langlaü.”

RAPHA HIQWA LAK 26:4

Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü.

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 132:11

Ümniiraq Dawit ma akha sinkham kuqlaü— kra kiqkham ka ümniiraq jangho nong maüshe: “Ngi raq ümsetiim phong wa weshi ka hokham ma mishongha, kiimaq apaiq raq üm jai na mung mipeng.

Tvtsvmc 132:17

Arjaq ngi raq Dawit laiwa weshi ajong pinthum hokham ma mishong wanha; arjaq ngi raq tsea wan kang hokham jaqshamti ka shongwan ruq lishe mirha.

Tvtsvmc 98:2

Tatiwe raq rekhat tangtaq kra tiitaito she; apaiq raq tiichhii wan ningkun rümtlaq kra maiqmung thun ma tiisapto she.

ISAIA 4:2

Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

EJEKIEL 21:27

Thento! Thento! Tengto. Ngi raq chela ka mishthen baiqha. Shatmaq shiithenbaiq akhing ka, Ngi raq ara chela ma mo tiihoke juwa shongkang kriiwe ka misaü wan shaq wiiwii mra ka pinmak miraq. Kiijiishetiq, Ngi raq ara chela ka apaiq jaq niishe mikuqha.

EJEKIEL 37:24

Hokham weshi, ijaqshise Dawit ikha kra tsang hokhamwe miraq. Tsangshiq wiita ka hokham weshi wokhong na adam niishe misi wan. Raüta i thungtri raütu ka tsapkapkap maq milang wan.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

Obadia 1:21

Jerusalem chelati ka rekhat tang wan raüta, arü ariiq wawan tlaq kong raq, Edom mung ka mikhat wan. Raüta mitang wan. Raüta Edom mung ka misiq wan. Kiimaq kra akhing na, Tatiwe apaiq kli Hokhamwe ma mija wan,” nguta Tatiwe raq chongtlo.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Mikha 7:20

Ümniiraq man na naititiim, Abraham nai Jakob pat na, jamkho kiqkham kuqlaü, kra phan phan, naishiq ümsenginok ka, ümniiraq tsapkapkap maq mirüm wan haü. Kiimaq mimangchan wan haü.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 6:12

Laüta apaiq ma Tati Ningkun Ajong Pinthumwe raq akha ngutlo nguta chonglaq. ‘Maiq weshi juwa Pekü nyam ngutliiwe kriika ümchaü apaiq ümbano sitlaq kriijaq pinthum mitiijong lu kuq wan. Kiimaq apaiq lümaq Tatiwe Shomjam ka mitiihea hailot.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Acts 23:6

Kiijiishe, Paul raq kra Rung ma nga wanti welabi phong niika maiq wiijam ka Sadusinok, kiimaq wiijam ka Phorisinok kra chhito. Kra chhi raütiishe, apaiq raq Rung na ngatibi welabi ma hong raüta, agi lam miishe tri ka akhiishe phoqto, “I phan i maq Israilnok lei! Ngi ka Phorisinok phung wa. Kiimaq i we kiimin Phorisinok phung wa. Riita, ngi ümchaü arjaq Rung na chap tiikang arka, maiq ka amaa wa adong mirwan nong nguta ranphan lata sitiikang kamtsantsii bomtsi kra kha na Rung welabi raq tiichaptlan!”

Acts 24:15

Riita, ümchaü arjaq rung na nga tlaqti thun raq, tsangshiq raq maiqse angu wiita, maiqhea maiqbi kunli, ranaiqshi akhing na, amaa wa adong mirwan nong nguta, Shiikeawe ma kam tlo. Riita, ara tsangshiq raq kam tlaq kra miika, ngi riimin kam tiikang.

Acts 24:21

Kra ranaiq ngi raq tsangshiq phowebi ma ara bomtsi arli agilülü lata chongkuq kang: ‘Ümchaü ranaiq namshiq raq ngi nangnga ajiq we nguta tiishut tlan arka, ngi raq maiqse ka amaa wa adong mirwan nong nguta kam tiikang kamtsantsii thü tiikang kra kha pho tlan jo’ nguta chong kuq kang.”

Acts 26:8

Riita, Jehudinok singmung maiqse lei, ümchaü namshiq arjaq thung tlanti raq, Shiikeawe raq maiqse ka amaa wa tiidong wan tlo dea nguta bomchong kiima kamwanlot man ka jamkhii riito?

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

Acts 3:24

Kiimaq, Shiikeawe raq atiichong tsütsa chongketi shammibi thun wiitarü raq, Shammi we Samuel pat maq pha raüta, apaiq jai na shammibi ümchuwa dong wantaq kriiti thun wiita raq, ara ümchaü bala jamlai phan mra wa pinrai wantaq, arthun arka, mihong wan dongdii nguta chongke wanje she dongdii riito.

Romans 15:8

Ara jamkhano ngutiikang ngukla, Khristo kitaq kriika, Jehudinok khrumkai nguta kito. Apaiq saükitaq arka, Shiikeawe raq Jehudinok titiim ma, kiqkham raüpot khakuq wantaq kra tiikupikai nguta kito.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.

TRI CHONGKE 18:15

Shatmaq apaiq raq namshiq ma namshiq phong wa shammi weshi tsea raüta ngi akha namshiq phana mitiiki. Kiimaq namshiq raq apaiq bom ka tai ratlo.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.