Acts 15:13 - ASII LAKDAP Bible (BSI)

¹³ Tsangnai raq nokwe ma bom chongke kra lot ri she, Jakob ka ngongwebi man na chap raüta, akhiishe hali bom ka chongkuq nongto. “Phunainotiim lei, ngi chongpha, tai ronglaq!

Hawa Naga Bible 2001

¹³ Tsuingnueyc rueq jungphvnc kuy lot yix, Yaku rueq, “Phunox bix lex, ngvy kvjaz vruex tay wuez shuinz!

Muklom

¹³ Ningni raaq wan thun jio James lang eq batta: “Ipho notang, i raaq tat inn!

Acts 15:13 Referencias Cruzadas

Mark 15:40

Kiimaq, Jechakre wiijamti min asi riito. Tsangshiq riika alu maq chap raüta liito. Kra tsangshiq phong kiiwiika arthun ara riito. Makdala hiqti nyung Meriq, kiimaq anolinti we Jakob nai Joseph ma anyung Meriq. Kiimaq Salomi ri riito.

Acts 12:17

Apaiq raq tsangshiq ma ajaq maq nam raüta, ajong maq naq bom rongkiq nguta chongto. Raüta, Shiikeawe raq apaiq ka jamkho phaqtek mong wa tiichhii kuq wantaq kra tsangshiq ma chongto. “Ara tsütsa arka Jakob nai phunainotiim ahinti miiri tiitai ronglaq” nguta apaiq raq tsangshiq ma chong kuqto. Raüta, apaiq ka kiimaq ahin niishe kihoto.

Acts 15:14

Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.

Acts 2:14

Kiijiishe, Petar ka akongti kiimwebi roqshi ri weshi krai chap raüta, kiimaq tiihong raüta mungmaiqse riiphong tlaq kiima akha trashe hokuqhoto: “I nok i hiq Jehudinok mung maiqsetiim nai Jerusalem na sitibi lei, i bom ara tai ronglaq, kiimaq ngi raq namshiq ma ara jamlai liichum wa kra namshiq ma chongkuq pha.

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

Acts 2:29

“Phunainotiim lei, ngi raq namshiq ma pharangrang maq, nati ajong pinthum Hokham we Dawit manphan ka chongkuq pha. Apaiq ka tsaikito she. Apaiq maakho ka ümchaü niitaq, arjaq nashiq makki na asi.

Acts 21:18

Kiimaq naiqjai ranaiq she, Paul ka naishiq rai adam maq Jakob rai riihumkai kito.

Acts 22:1

“I phan i maq Israilnok singmung maiqse phukhu welabi lei, ngi raq namshiq man na ngi ka shut mang nguta, i khum tiikhe bom ka chongpha shaq, namshiq raq tiitsang tai ronglaq!”

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Galatians 1:19

Kra lak na, ahü la, ngi raq kiimwebi ahinti jurai min riihum mang dea la. O, shatmaq, Tatiwe ma ano Jakob raili riihum kang.

Galatians 2:12

Apaiq ka jamkho shutta ngukla, Jerusalem wa Phungmaiqsetiim, Jakob raq atiiwa wanwetiim kra misaü wan shaq liipan bala niika, apaiq ka Antiok na siti Pongnok phan Phungmaiqsetiim phunainotiim rai, takshi pinshi maq, phaqshi seashi aheawiq maq siwanto. Shatmaq, kra wanwetiim ka saü wan jai she, Petar ka Pongnok phan Phungmaiqse phunainotiim rai ka adam na, chapnga dam mak she, pong na trai kito. Apaiq ka, kra jamkhano trai kitaq ngukla, kra Jerusalem wa wanwetiim wataq kra riika, Pongnok phan maiqse riika, Phung na shang jai min, tsangshiq raq Jehudinok thunglai athohan tri kriika, lang raa dongdii nguta, tri ka tiichop kha na, tsangshiq ma hai raüta, trai kito.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.