Luke 22:30 - ASII LAKDAP Bible (BSI)

³⁰ Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.

Hawa Naga Bible 2001

³⁰ Ngvy Mungtan wawc ngvy humpanx nuex nuimshiq kuex ngaz rulc vdvmz phauk saq lvp wuez shuinx, nuiyc hoc daungraungc htenc nuex ngaungc vtueq Israel phvnx waruiuz rokshiz rac vnueyc kuex guimz lawc shuinx, ngoz tueq jungx tueq.

Muklom

³⁰ I mungtan na nim aa ijamoq tong eq ling phaksat nin, etho nim asi ani Israel phan tang phung eq lungwang tang tongching na tong nin!”

Luke 22:30 Referencias Cruzadas

2 SAMUEL 19:28

Iwe ma akaü arü wiitatam ka, Chaü lei, ümniiraq wiita tseabaiq wan thektlo. Shatmaq ümniiraq ngi ma ümniirai takchung pinchiimshi maq phaqsea wan miitu anato kuq wan laü. Chaü lei, ngi raq ümjaq wa jamlai phan jaü nong chang min ahü she.”

Tvtsvmc 49:14

Tsangshiq ka sku kong ikha atsaikai chang dongdii, kiimaq Tsailam ka tsangshiq rümti miraq. Kechu maiqsetiim raq tsangshiq ka mitang wan, tsangshiq maaphong ka jaqloli minam wan, wulum mung na tsangshiq jam wa luhea na.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Matthew 8:11

Ngi chongpha. Maiq pahea shedong mung wa nai shenyap mung wa waraüta Abraham, Isak, kiimaq Jakob rai Phangthum Poi Ranaiq Ramungtan na minga wan dam.

Luke 12:37

Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Luke 14:15

Kriijaq phaqsea lomdam ngatlaq phong wa, maiq weshi raq ara bom shiiton kra tai raüta, apaiq raq, “Shiikeawe Mungtan na phaqsea poi ajong klo wan tlaq kiijaq lom wan damtibi ma pinthum kechu jonghea miraq!” nguta Jesuq bom ka treto.

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.

Revelation 19:9

Kiijiishe rase raq ngi ma chongto, “Ara waiq laq! Kechu jonghea ara khungron poi lomwa miitu raüpot laptibi ma!” Kiimaq rase raq, “Ara chongtiikai bomtsi arka Shiikeawe bomtsi,” nguta abom ka tiitsuqto.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.