Luke 22:31 - ASII LAKDAP Bible (BSI)

³¹ Jesuq raq nguto, “Simon le, Simon le! Tailaq! Thawe raq Shiikeawe jaq wa, namshiq wiitarü ka maitai ma nguta, arang ka alap wan wishe. Wak jaqsham seati raq, tsam ka ashaq nai achhii chüp baiq tlaq ikha, maiqchhii chhiiti kra maiqshaq shaqti phong wa michiip baiq.

Hawa Naga Bible 2001

³¹ “Simon lex, Simon lex! Tay shuiuz! Nuimshiq kuex tsvmz jap shix ikhoc jap gay muex Satan rueq vkhangx vlvp wuez shex.

Muklom

³¹ “Simon! Simon! Tat u! Pik tapiktey tang aa chamal eq wong wang chamti tal bichak aa thimal, Thangwa nim raa khaphung ma chuta.

Luke 22:31 Referencias Cruzadas

ISAIA 28:28

Apaiq raq bunwong ka bukruq bukruq buk raüta awong ka tiithenmak. Apaiq raq asap bunwong rai ka tiibunmak maq leng ka bunwong phong thaq na tiikhum raüta tiinitlo.

AMO LUIK DVP (AMOS) 9:9

“Liironglaq, ngi raq aming kuq tiikang, Ngi raq Israilnok ka tsamchhii chiipbaiq tlaq ikha, wiita pongmung tlotli na michiipbaiq ha. Wankhü na awongsii ka tsishi min tiichong mak, achhii siisaq miraq. Raüta miqchup mijiip baiq wan.

JEKERIA 3:1

Jangshi ri hali Tatiwe raq ngi ma Ramwe Jongwe Joshua ka Tatiwe rase khaki na chapraü tiichhikuqto. Kiimaq Joshua ma jaqtsi nü na Thawe kiimin Joshua tiishut miitu chapraü chhikang.

Matthew 26:30

Raütiishe tsangshiq raq miikhon ashi shito. Raüta Olip Pero Hiqlam niishe wawanto.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Luke 10:41

Kiijiishe, Tatiwe raq apaiq ma treto, “Martha, Martha, ümniika phanrap phanrii tiima laüta, acha apa kiimaq tsaihü jihü sitlaü.

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

1 Corinthians 5:5

Arwe arka Thawe jaqkhon mong na kiinong kebaiq chang. Raüta apaiq ngarai han-ngam kra mishthen baiq laq. Raüta apaiq wenyi mimi siika Tatiwe Ranaiq akhing na mitiichhii kuq laq.

2 Corinthians 2:11

Kra mra diikuq tiikang kriika, Thawe raq nashiq khu thaq na, ajaqkaiq maq sham mak chang miitu, diikuq tiikang. Jamkhano ngukla, nashiq raq apaiq hon aja ka asap i.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Revelation 12:10

Kiijiishe, ngi raq rasetiim raq ramungtan na hong raüta akha chongto taikang, “Ümchaü nashiq Shiikeawe ajong we raq rekhat ka tangto she. Ningkun ajong rümti hokham Shiikea, apaiq Messia raq apaiq ningkun tiichhi kuqto she. Ümchaü sanha mangjong hiq ka ajaq khong mong niishe. Naphu nano Shiikeawe man na ranaiq rawa shaphaqti we, Thawe ka ramungtan wa, mangjong hiq niishe tiidea baiqto.