Philippians 1:1 - ASII LAKDAP Bible (BSI)

¹ Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Hawa Naga Bible 2001

¹ Christu Yesu nvrc waz hez rvtueq Polu nuiyc Timothy rueq Philipi nuex httaz jix – Phungc, phungc guimz jix, phungc walaungx bix maq phaungc vtueq, Christu Yesu nuex vshiz dvyx rvtueq Tishox miqsaz htenc lotlaz muex luik wuiyq tvgurc vphix.

Muklom

¹ Iri likwit raa Khristo Jesu sanga tang, Paul nia Timothy chingko wang. Philippi na tongtey Khristo Jesu ma uhantey tang, etho mondoli solwa tang nia nongtey tang ma iri likwit raa witchey ang.

Philippians 1:1 Referencias Cruzadas

Mark 13:34

Arka, maiq weshi raq, apaiq ka wanhiq na kaiho ma, ajaqshisetiim khumtek ma, jam jaqsham ka pheakuq thü tlaq ikha. Raüta, apaiq raq kilü khetiwe miimin, jam ka samhea khe liijo nguta chongthü raüta, apaiq ka wanhiq na kihotlaq ikha.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

Acts 1:20

“Riita ara chongtlaq bomtsi arka, Shomshi lak na akha waiqthü je dongdii riito, ‘Apaiq jam ka jammii she miriim kilaq; maiq asiti jumin ahü she mirlaq.’ Kiimahali, Shomshi lakdap bashi na, ‘Apaiq jaqsham ka maiq ahinti riishetiq misham laq,’ nguta waiq thüto.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 9:13

Kiijiishe, Ananias raq treto, “Tatiwe, nanok pahea raq, ngi ma arwe arka abi pinthum nguta chongtlo. Kiimaq apaiq raq, Jerusalem na siti ümsengibi ka pinthum phiiptsi jiiptsi tiichamchaotlo nguta tai tiikang.

Romans 1:1

Ngi Paul, Khristo Jesuq dise, kiimaq kiimwe ma tingsang athiiq raüta atsea wan, kiimaq Shiikeawe raq apaiq Tsütsa Ahea trahoke miitu ashong wan we raq waiq tiikang.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

1 Corinthians 16:10

Timothi ka ümtiikiiwa kiijaq namshiq phana saü thin wan jiiq, namshiq raq apaiq ka ahea wiq maq tao ronglaq. Apaiq ka ngi raq jamkho sham tiikang, kiikha Tatiwe jaqshamti.

2 Corinthians 1:1

Ngi, Paul, Khristo Jesuq kiimwe, Shiikeawe raq thapthi raüta ashong nai naphuno we Timothi raq-- Korin chela na siti Shiikeawe Phungtuti ma, kiimaq Shiikeawe sengi Akaia wangti tlotli ma:

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

Galatians 3:26

Riita, ümchaü sanha, namshiq tarü ka Shiikeawe setiim siisaq she jawan lan. Arka, Jesuq Khristo ma kamtsantsii thü tlan kra lümaq tiija wanto.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang:

Ephesians 1:15

Riita, ija namshiq raq Tati Jesuq ma kamwan lan kiimaq namshiq raq Shiikeawe sengibi tarü ka kai lungwii tlan nguta tsütsa ka tai kang.

Ephesians 6:24

Jurwa nashiq Tati Jesuq Khristo ka tsaimak phan lungwii maq lungwiitlaq, kriiti tarü ma Shiikeawe kaphap misilaq.

Philippians 2:19

Tatiwe raq lamdikuq raüla, ngi raq Timothi ka namshiq rai triihum wa, jaqlo liipan niili mitiiwa sham nguta tiima tiikang. Krai mren, namshiq hansang sitlo nguta, tsütsa taiha jiila, ngi ma tsaiji kongtam puq shi she mirnong.

Philippians 2:5

Khristo Jesuq tsantsii jamkho thütaq, kiikhiisii, namshiq tsantsii kiimin thü chang: Jesuq tsantsii ka akha thüto.

Philippians 3:12

Ngi raq, arthun chongtiikang arka, ümchaü sanha, ong kang she ngutiika ngu mang. Lo, ngi ka Shiikeawe man na, minhap she jawan kang nguta ka ngu mang. Shatmaq, Khristo raq ngi arka, apaiq rii li she nguta tsea wanto. Kra liichum ka ngi raq, i rilung na sap wantlo hajiilei nguta kai shiikutchaq wan tiikang.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

1 Thessalonians 1:1

Ngi, Paul raq, Silas nai Timothi rai-- Thesalonia na phungtuti, Shiikeawe, Awe Shiikeawe kiimaq Tati Jesuq Khristo riisheti ma: Kaphap kiimaq hansang ka namshiq ma misilaq.

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.

2 Thessalonians 1:1

Ngi, Paul nai Silas kiimaq Timothi raq-- Thesalonia phungtuti maiqsetiim, Shiikeawe, Nawe Shiikeawe nai Tati Jesuq Khristo rii sitlanti ma:

2 Thessalonians 1:10

Arka Tatiwe raq, apaiq saükai akhing Ranaiq na, apaiq phan amaq maiqse thun raq, apaiq khushü tiima shreng tlaq, kiimaq maiqse ümchuro apaiq ma kam tlaq, kriiti thun raq, apaiq tiishomra tlaq, kra akhing ranaiq na mirairii baiq. Naishiq raq Shiikeawe bomtsi ka namshiq ma chongkuq kai. Krai mren, namshiq raq, kriima kamwan lan. Kriikha maq, namshiq thun kiimin, kra ranaiq ka ara chongtiikai, asii maiqsetiim rai misi wan dam han.

1 Timothy 1:2

Timothi ma, kamasham na ise shaq: Shiikeawe Awe raq kiimaq Khristo Jesuq nashiq TATIWE raq ümniika kaphap shat, tiihang shat, kiimaq hansang maq mithülaq.

1 Timothy 3:8

Phungtu shunshea wan lam na, jaqsham khrumke damti kiimin maiqshaqtiti kli tsea chang. Tsangshiq tsantsii ka asii, tsangshiq rong arai ka athuk atsom maq singati riichang. Tsangshiq ka chechok tsampii ma ja raa mak. Kiimaq tsiiq anyam ma süram min raa mak.

Titus 1:1

Ngi, Paul, Shiikeawe jaqshise kiimaq Jesuq Khristo kiimwe raq waiq tiikang. Ngi ka tsea wanto raüta tiiwato Shiikeawe raq atsea wan asenginok kamasham kra khrumke wa miitu. Kiimaq tsangshiq ka nashiqnok kamasham lamphan na shrinkuqtlaq tengtlaq bomtsi kra tiisapke wan lan na shunshea wan miitu.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

Philemon 1:1

Ngi, Paul, Khristo Jesuq miitu phaqtek na siti we kiimaq naphuno we Timothi raq-- Naphunowe kiimaq kongshi maq jaqshamdamti Philemon ma,

Hebrews 13:23

Na phuno we Timothi ka phaqtek mong wa tiidongto she. Ara ümchaü namshiq ma tiitai tiikang. Apaiq ka ngi phana jaqlo maq saü wan raüla, ngi namshiq phana watiikang na, apaiq min ngi rai mishea wan kang.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.

1 Peter 2:25

Man na, namshiq ka skuse kong tsangshiq lam tiimii raüta, rum na amiiki ikha silan. Shatmaq ümchaü sanha, Sku Rümti we kiimaq namshiq tsaiji Rümti we Khristo wokhong na hali tiijang shea nongto.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 2:12

“Pargamum na phungtuti sitlaq kra liiti rase ma ara waiq laq: “Ara tsütsa arka jasai wanghap ri na aniq sihea rümti we raq atiiwan.

Revelation 2:8

“Smarna na phungtu sitlaq kra liiti rase ma ara waiq laq: “Ara tsütsa arka aphati we nai atiisupti we raq atiiwan. Apaiq ka atsai riikito. Shatmaq, ümchaü ka atra sinong tlo.

Revelation 22:9

Shatmaq, apaiq raq ngi ma chongto, “Ngi ka naq noqkiq. Ngi ka ümniinai, ümphu ümno shammibi kongti. Kiimaq ümchu riiwa ara lakdap na awaiq thü bomtsi ara lang tlaq, kriiti thun kongti. Shiikeawe kli shomnoq laq!”