ISAIA 26:3 - ASII LAKDAP Bible (BSI) Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq. Hawa Naga Bible 2001 Yehowa lex, mnoz rueq phaungx ngaungx yaq kvmungx lvmx phvnc jix htenc nuiyc mnoz muex tvluimc jix htenc muex hunghtaungx yaq nomic lvmx kuex kuq toq. |
Tsangshiq kamtsantsii ka Shiikeawe ma kuqto. Raüta Shiikeawe jaq wa khrum lap miitu achu jaüto. Krai mren Shiikeawe riimin tsangshiq achu jaü ka treto. Raüta tsangshiq ma rekhat ka tiitang kuqto. Tsangshiq raq Hagraiqnok nai tsangshiq raq ashun renok ahin thun ka wiita tangto.
Krai mren Juda mungti raq Israil mungti ka tiibun lak khatto. Raüta tangto. Jamkhano ngukla tsangshiq ka Tatiwe, tsangtitiim Shiikeawe ma kam raüta riikhatto.
Riita Sudan mungti phenlabi nai Libia mungti phenlabi thun ka arthaq na pahea riito riimak shea kiimaq tsangshiq jaq niika kumrang leng pahea kiimaq kumrang thaq na chaoti phenlabi ka pahea riito riimak shea? Shatmaq ümniiraq Tatiwe dü na tiinin laü kha maq, apaiq raq tsangshiq ka ümniima tiitang kuqto.
Ümthungtri lungwiitibi ka jamlai rahai riimin chhemak tiiwongshat sitlo, kiimaq tsangshiq ka jamlai phan riimin tiidea baiqlot mak she.
Tatiwe ma kamtibi ka Jajon pum ikha, kriika ümtiikiimin bai lotmak, ümtiikiimin tiijin baiqlot mak.
Ümnaq asapti raq Tatiwe ümniima mikam; ümwokhong na nyap wati ka ümniiraq thaqbaiq maü.
Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.
Ümniiraq naishiq ka rongboq mitiijahaü, Tatiwe lei; naishiq raq ümchuwa ongkai kriika ümniiraq ashamkuq haü tsi siisaq.
Shatmaq isenginok ma wesang raliinok raq iwokhong na siwan lungwiitlaq jiila, tsangshiq ka ngi rai wehea mirjatlo laq. Tengto, tsangshiq ka ngi rai wehea riija ratlo.”
Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.
Maiqse angu tarü raq tri na riikhaqli kli jaq misham. Krai mren mung na hansang kiimaq mungtsing mungngang miraq.
Shiikeawe senginok ka chamchao chapa ahü she miraq. Tsangshiq jamkun na nai hiqshong na khusang rakhang miraq.
Ijaqshise makchuktlaq arthaq niimin makchukti maiq ashi ra asi shea? Nibii thaq niimin biila, Ngi raq atiikiha itsa soqtiwe khan asi shea?
“Ngi, Tatiwe raq ümniika heawan kang lata ningkun kuqkang, hiqraikhü na mung ka tingting kappe maq peng wan miitu. Ümnaq lümaq ngi raq maiq phan tlotli rai tong mishongha; ümnaq lümaq Ngi raq maiq mung thun na rawüli mitiichhikuqha.
Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.
Tatiwe raq asenginok ma ngutlo, “Namshiq tiichhiike wan akhing saü raüla, Ngi raq namshiq ka mikhrumkang, kiimaq namshiq raq khrum jaü hoqtrangtlan kra mitreha. Ngi raq namshiq ka mikheha lata mitiiwongkuqha, kiimaq ümnaq lümaq maiqphan thun tlotli rai tong mishong wanha. Ngi raq namshiq ka nammung na hali mitiishong nga wan nongha, ümchaü hiqmiq changkhü ikha sitlaq kiijaq.
Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.
Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.
Tatiwe raq ngutlo, “Ngi raq ümniika pattup pat-sa miitu rongboq mitiijaha. Maiq mung thun wa tsiiq tum thun ka ümniima jürai wa kham kitlaq ümtiikiimin riikimak phan ikhiishe miraq. Ümniika noshiise anyung raq nyakpü tiinyangtlaq ikha ajaq maq do raüta boqpumtlaq ikhiishe lungwii tsantsii maq mitiichhanchhi wan.
Ngi raq ümniika khup wong kuq shat maq mithüha. Krai mren, ümniika tsatbaiq mak miraq. Ümniiraq ümkhum ka tiichhii wan laüta, milun wan haü. Jamkhano ngukla ümniiraq Ngi ma kamtsantsii thutlaü. Arka Ngi, Tatiwe raq toqtan tiikang.”
Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.
Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.
Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.
Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.
“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.
Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”
Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.
Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.