Philippians 4:7 - ASII LAKDAP Bible (BSI)

⁷ Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.

Hawa Naga Bible 2001

⁷ Kvkaq miqsaz rueq tuiuz tay yaq tharc htauk nuex jvnc vtueq Tishox nomic kuex nuimshiq thuinz vmungx htenc nuiyc thuinz htenc kuex Christu Yesu rulc tvkhup wungx kv-phvnx.

Muklom

⁷ Etho Shkewa nungmay sha bara utang miq eq tho jin sam moq, nim thung nia tin sha Khristo Jesu na thalun eq shing na.

Philippians 4:7 Referencias Cruzadas

NEHEMIA 8:10

“Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

YOBA 22:21

Ümchaü ka, Job lei, Shiikeawe rai jam riidü laq kiimaq apaiq ka wesang ma naq mang kiq she; kra riihaüla, apaiq raq ümnaq mishman kuq.

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

Tvtsvmc 29:11

Tatiwe raq asenginok ma ningkun kuqtlo raüta tsangshiq ma hansang shiiman kuqtlo.

Tvtsvmc 85:8

Ngi raq Tati Shiikeawe bom ka tiitsangtaitiikang; apaiq raq nashiq asenginok ka khusang maq mirümha nguta kiqkham kuqto, nashiq ka nashiq angi lamphan na jangho nong mai chong.

TAKSU LAK 2:11

Taksma hon atsii nai pinja tsantsii raq, ümniika shunshea raüta, khebom kuqshat miraq.

TAKSU LAK 4:6

Nyan phaqchi ka naq thaqkiq, apaiq raq ümkhum mitiichhii kuq, kriinyung ka lungwii laq, kriinyung raq ümnaq mikhup wongkuq.

TAKSU LAK 6:22

Ümnaq wanhiq khum tlaü na, tsangshiq raq lam mishea, rawa na ümnaq mikhe kuq, kiimaq ranaiq na, ümniima tsii michongkuq.

ISAIA 26:12

Ümniiraq naishiq ka rongboq mitiijahaü, Tatiwe lei; naishiq raq ümchuwa ongkai kriika ümniiraq ashamkuq haü tsi siisaq.

ISAIA 26:3

Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq.

ISAIA 45:7

Ngi ka ra tiiwiiti kiimaq ra tiinyaqti; Ngi ka achu shiimanti kiimaq miqchup shiithenbaiqti. Ngi, Tatiwe raq, arthun ara klotiikang.

ISAIA 48:18

“Namshiq raq Ngi aming lang lantea silan nguraüka! Arthun achu shiiman arka namshiq ma khamrai ikha saü wan chang wa, jüserai ümtiikiimin rükimak phan ikha mirwa! Rekhat tang wan khushü ka sammok tra chum blun wantlaq ikha tareko na milüm wan wa.

ISAIA 48:22

“Ngarai maiqsetiim ma hansang mak,” nguta Tatiwe raq ngutlo.

JEREMIA 32:16

Ngi raq kra hiqri lakjaq kom ka Barukh ma kuq latiishe ngi raq akha achu jaükang,

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

WEAWEA 6:26

Tatiwe raq ümniidea loptlii miliilaq raüta ümniika hansang maq mithülaq.

Luke 1:79

Kra rashe kii ka ramungtan maq, ranyaq tangtang mong na siti tarü ma mili liim wan. Raüta, nashiq ka khusang rakhang rilung lam na, mishun shea wan.”

Luke 2:14

“Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

Romans 8:6

Hanngam tiima tsantsii jaqkhon mong na siti ka atsai miraq. Shatmaq, Asii Wenyi wokhong na singa wanti ka atra misi. Kiimaq khusang rakhang rilung misi wan.

2 Corinthians 10:5

Naishiq raq, shiikong miilong kiimaq arot akiq tri raü maq, Shiikeawe lam phan sap wan chang lam jong na, peruk hai tlaq kra, arun riibaiq tiikai. Naishiq raq maiqse tiima tsantsii thun kriika, Khristo puk na nyap wan miitu trap tru rapkhat khat rap wiiq tiikai.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Ephesians 3:19

O raq, ija, ngi ara, namshiq raq, apaiq raq namshiq ma mangchan tlaq kra tsaü ka, sap wan tlo han jiilei, nguta tsinngin rai tiikang. Riita, apaiq raq namshiq mangchan tlaq kra, ümtinkhan tsaü wa sitla, kla namshiq raq kunli ka tak wan lot man min miraq. Li jiimin, namshiq ka Shiikeawe rong arai maq, namshiq tsantsii ka kunli, aliim alei mitiima kuq laq, nguta achu jaü kuq tiikang.

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Philippians 1:2

Nawe Shiikeawe kiimaq Tati Jesuq Khristo raq namshiq ka kaphap shatmaq kiimaq khusang maq mirümlaq.

Philippians 4:19

Arai mren, Khristo Jesuq lümaq, ngi raq shomnoq tiikang, i Shiikeawe raq, apaiq tsiiqchong nyamchong ümchuwa, atum atum maq to raüta rüm tlaq kriiwa, namshiq ma phanrap ümchuwa rong ra tlaq kra, apaiq raq chomkuq wan ruq miraq.

Philippians 4:21

Shiikeawe sengi, Khristo Jesuq puk na siti, loweatek ma salam. Phunainotiim arjaq, ngi rai sitibi raq namshiq ma salam tiitai wan tlo.

Philippians 4:9

I jaq tho wa namshiq raq jamlai phan wa tsinhon wan lan, kiimaq jamlai phanwa lap wan lan kra thun kra, lang lanta si rong laq. I bomchong wa kiimaq i jaq sham wa, jamlai wa tsin wan lan kra lang ronglaq. Nashiq ara khusang maq rümti Shiikeawe ka namshiq rai adam misi laq.

Colossians 3:15

Khristo raq namshiq ma sanglili tsantsii kuq tlaq kriika, namshiq raq jamlai phan sham akai wa riichong tlan akhing na, athuk atsom wiq maq bom shat miitu kuqto. Ara jamkhano chongtiikai ngukla, Shiikeawe raq namshiq hea wantaq kriika, ara kaütak rishi maq, adam na tushi na triitam hea wanto. Kiimaq Shiikeawe ma kechutum shat maq sirong laq.

2 Thessalonians 3:16

Riita, ngi raq namshiq ma achuli jaükuq tiikang, nashiq ma khusang rilung jüraikuk ikha siti, Tatiwe apaiq riili, namshiq ka wranaiqshe khusang maq mirümkom laq. Kiimaq Tatiwe ka namshiq wiitarü rai misi laq.

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.