Philippians 4:8 - ASII LAKDAP Bible (BSI)

⁸ Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

Hawa Naga Bible 2001

⁸ Phunox bix lex, tvsuip jungx ix ngoz ruiux yuq, nuimshiq rueq vtsuing vrux, vraungc vraq, vlvmx, vsawc vric, vlungwawc juing, tvtsanc nganc juing ngoz yaq vhvlx maq tvtsvmc kvmc juing phvnx shishiz ngoz ruiux kuex thuinz nuex rvwvl taq wuez shuinz.

Muklom

⁸ Uthun o i no miqnu nia miqwa tang, bara asing, bara rangka eq ching, bara khakla, bara asang, barey sungrang kot aa, bara rapney qhal aa, bari tung aa raaq raa aqhal raaq, eshi tang shi tathin inn.

Philippians 4:8 Referencias Cruzadas

RAPHA HIQWA LAK 18:19

Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”

2 SAMUEL 1:23

“Saul nai Jonathan ka pinthum heahea, kiimaq lungwii tsihea; Atra niimin pumshi hanshi, amaa niimin pumshi hanshi. Tsangnai ka liihawe bitlaq ikha phiqhea, Hangsi kong thaq niimin honghea.

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

Tvtsvmc 82:2

“Namshiq raq ashut khapho ka thaqbaiq ratlo; namshiq raq ajiqwe rai pongdam maimak she!

TAKSU LAK 11:1

Tatiwe raq tok ajiq langti saisitlo, Shatmaq riikhaqli tok langti miika, achochi riitlo.

TAKSU LAK 12:4

Ajamtinyung maiqshaq raüla, ajamtiwe ma khushü kiimaq chochi. Shatmaq tsangwe ma jea tiingaüti ka, tsangwe ma arii na anam tsi ikha.

TAKSU LAK 16:11

Tatiwe raq tok shin nai alu thi ka khaqkhaq lang raüta shata ka lungwiitlo.

TAKSU LAK 20:7

Kechu maiqse rilung ka tingting; ajaiphanti asetiim ma, kechu jonghea.

TAKSU LAK 31:10

Maiqshaq jamtinyung humkai ka hahea! Huru longseng miimin rahea!

TAKSU LAK 31:29

Awese raq, “Jechakre pahea, athuk atsom tanyung siisaq. Shatmaq ümniika, tarü thaq na maiqshaq pinthum,” nguta ngutlo.

TAKSU LAK 31:31

Apaiq raq ümchuwa jaqsham tlaq, kra miitu anato laq, apaiq ka tarü raq tiitsam kamchang.

ASHICHONG 5:16

Apaiq nübok ka lungwii nüshup sea sumhea. Apaiq miitu tiima kang la, itsan mong na peohea. O, Jerusalem nyungre lei, Itawe tsaki ka ngi ma rahea kata, O Jerusalem nyungre lei, Kra ningkhan tsaki tiikang ahata.

ISAIA 26:7

Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Luke 23:50

Kiijaq Judia wang wa Arimithia chela na siti maiqwe ashi amang min Joseph nguta asi. Apaiq ka maiqshaq, kiimaq shiilang weshi riito. Apaiq ka Shiikeawe Mungtan saüho kra kheti we ashi riito. Apaiq ka Jehudinok Rung wa wela ashi li riikiimin, tsangshiq raq mat kha tankhan wantaq kiijaq apaiq ka pong dam mak dea.

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 22:12

“Kra chela na maiq weshi asi riito. Apaiq mang ka Ananias. Apaiq ka tsantsii kuq raüta Shiikeawe shomnoq wanti we. Kiimaq nashiq Jehudinok Thungtri ka tsapkapkap maq lang wanti we. Kiimaq kiijaq siti Jehudinok tarü raq apaiq ka pinthum shreng wantlo.

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Romans 13:3

Mungtubi wokhong na siti miika ahaisong chang jam min ahü. Shatmaq, jurwa abi klo tlaq, kriiti miika, ahai chang asi. Mungrümti welawe ma namshiq hai man sha? Hai tlan jiila, apaiq wokhong na ahea wiq maq sirong laq. Apaiq raq, namshiq ka ashom ra mirwan.

Romans 14:18

Krai mren, jurwa Khristo jaqsham ka, akha shampi tlaq, kra ngu raüka, Shiikeawe riimin, ahea dea nguta mikhoqriiq wan. Kiimaq maiqse riimin, ahea dea nguta mingu.

Romans 2:29

Shatmaq, riikhaqli Jehudinok phan maiqse dea nguta sitlaq kriika, ümriiti wa atsan among na, Jehudinok phan nguta sitlaqti kata. Kriika atsan among na atho ka hanje maq sitlaqti kra nangnga ngutlo. Riita, arka Shiikeawe Asii Wenyi jaqsham. Arka awaiq araq Thungtri jaqsham ka riimak. Riita, arti ka Shiikeawe raq shomra tlo. Maiqse riika shomra mak.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 13:7

Ngi ka maiqse makki na, Khristo kiimwe jaqsham tiikang arjaq, ong wanli ka sham wan mang dea ngo chang chang siraü min, kra miitu ka akhiismin brorii mang she. Namshiq raq ngarai ka tangman she riihan jiidea ahea, ngi raq i tsan mong na, atsi maq Shiikeawe jaq wa achu jaükuq tiikang. Ngi ka maiq makki na, ong wan ruq kiimwe jawan miitu ka, achu jaü mang.

2 Corinthians 6:8

Naishiq arka maiq wiijamti raq ashreng riitlo; kiimaq maiq wiijamti riika atiijeasi li riitlo. Naishiq ara ashummii min riitlo. Kiimaq asomra min riitlo. Naishiq ara trotkiq wanti min kiitin khan asi. Shatmaq naishiq riika tengteng bomtsi kli chongkuq tiikai.

2 Corinthians 8:18

Naishiq raq apaiq rai Shiikeawe jaqsham tsütsa chongke na, wiitarü raq kam tlaq, kiimaq shreng tlaq phuno we ashi, apaiq mang tsa ka Phungtuti liipan na asap siisaq we, kra tiiwa dam tiikai.

2 Corinthians 8:21

Naishiq tsan na tiima tiikai ka, athuk atsom jaqsham kriili ro tiikai. Tatiwe makki niili min riimak, maiqse makki niimin, athuk atsom sham chang sitlo.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Ephesians 4:25

Ümchaü sanha, arot akiq bom chong ka raa mak she! Phungmaiqse liipan na, loweatek raq tengteng bomtsi kli she chong raa tlo. Ara jamkhano chongtiikang ngukla, ümchaü sanha, nashiq tarü ka, Khristo khum na, pum ashi hanshi she sitiikai.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

Ephesians 6:14

Krai mren, tiijeshat maq chap ronglaq. Shiikeawe tsütsa tengtlaq bomtsi chongkuq tlan ka, namchhü na shinket apa ikha pashat maq sirong laq. Kiimaq tingting maq wranaiqshe jaqsham tlan kriika, namkhuk na jinpen kheathum atiiwong chang akhesam ikha samshat maq sam ronglaq.

TRI CHONGKE 16:20

Wranaiq she tingting kiimaq tri na riikhaq li kli shamkuq lili ronglaq. Kra riihantiq Tatiwe namshiq Shiikeawe raq kuqtlaq mung ka mijii wan han. Lanta namshiq ka kiijaq shong wan ruq misi wan han.

Philippians 3:1

Riita phunainotiim lei, bomshat ho ma ngi raq, namshiq ma ara bomtsi ara chongke rotiikang. Tatiwe wokhong na, chojong chise maq si ronglaq. Ngi raq kongkhu na jamlai wa waiqkang, kra bliiq kiki waiq nong miika, jam bimak. Kra riiwe ka, namshiq ma honkamshat maq sima ahea miraq.

Colossians 4:5

Thatsang maiqsetiim rai riibom lam maq, tsiilam shat maq sirong laq. Tsangshiq rai riihum tlan akhingtek na, nambom namsa na Phungmaiqse rilung angu asi maq bom ronglaq. Lanta kra riihum akhing ka amiinu asi ma tiija ronglaq.

1 Thessalonians 4:12

Akha shongnga han jiila, thatsang maiqse raq, namshiq ka mishreng. Kiimaq namshiq maiqmii ma, jamlai phan wa rong raa tlaq, kra miitu maiqjaq liikai ka raa mak she miraq.

1 Timothy 2:2

Mangjong hiq na mung rümti, honyung hokhambi sitlaq kra miitu, kiimaq mung welabi, lüsi lüwabi ajong alabi ümchuwa sitlaq kra miitu, achu jaüke chang. Akha achu jaükuq tiikai arka, nashiq ka Shiikeawe shreng laita, awokhong na athuk atsom maq, khusang rakhang maq shongnga wan miitu jaütiikai.

1 Timothy 3:11

Kiimaq tsang-nyungre kiimin maiqshaq, arong arai ahea, abom asa na sobsob bombom maq siti riichang. Tsangshiq raq shapshaü miqshii pan raa mak. Tsangshiq ka phanrap na athuk atsom maq jaqshamti riichang.

1 Timothy 3:4

Apaiq ka maiqmii jamkun ahea wiq maq rüm raüta siti riichang. Asetiim ka anyungwe wokhong na siti, anyungwe bom phaqchii nichii maq taiti riichang.

1 Timothy 4:12

Ümniika ümchaü jero we. Kriikha maq, maiq raq ümsham na lii raüta, ümkhakam ka midiq shaqli nguta, maiq ma, naq tiishummii kiq. Shatmaq, ümniiriika Phungmaiqse wiitarü thaq na, lamsheati maiqla ashi dea nguta, ümbom ümsa na, ümkamtsantsii na, ümrong ümrai na, maiq ma lungwii tsii rüm na, kiimaq asii arai tiima tsantsii na, khangriri hea maq silaq.

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

1 Timothy 5:2

Nyungwere jechakre ka, ümnyung ikha lii laq. Kiimaq jechakre, junriibi ka tiima tsantsii siirairai maq, ümnotiim ikha lii laq.

Titus 1:8

Apaiq ka, wanwe shiiliti riichang. Kiimaq jamlai wa ahea sitlaq, kra phan jaq shamti riichang. Apaiq ka phanrap anin raüta sitiwe riichang. Mitting maiqse ashi riichang. Apaiq ka, akhum Shiikeawe ma kiinong raüta siti riichang. Kiimaq phanrap na athuk atsom shiiting shrai raüta, shiiku wan wan maq sitiwe riichang.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Titus 2:2

Maiqlare ma tsii chongkuq ruq riilaq, tsangshiq ka maiqla nguta kamto maq misi laq. Tsangshiq ka phanrap na taksu maq sichang, kiimaq phanrap ka anin raüta sichang. Tsangshiq kamtsantsii ka awongsii mirüm laq. Kiimaq nanok ma lungwiitsii rüm tlaq kriika, khangriri hea maq mirüm laq. Kiimaq phanrap na, nin wan ruq maq misi laq.

Titus 2:7

Phanrap na, ümniiriika ümbom ümnyiim na, ümjaq sham ümkai wa maq tiichhikuq laq. Ümniiraq nanok ma trahokuq tlaü na, tsapkapkapse maq, kiimaq atsi dada maq chongkuq laq.

Titus 3:14

Nashiqnok Phungmaiqsetiim riika, jamlai phan minshiiq raü wa ahea miraq, kra phan ka sham chang. Akha minshiiq shiichaq wan raütiq, akhek amu khrumke chang raa tlaqti ma, khrum kongphiq jaqmiiq ka mikuq ne wan lot. Tsangshiq rilung ka lam ahü na, shaphaq raa mak.

Hebrews 11:2

Tsangshiq kamtsantsii lümaq tiina, richü we raq, Shiikeawe bom lap wantaq.

Hebrews 13:18

Naishiq miitu, namshiq raq achu jaükuq tlan kra, naq nungpaq rongkiq. Naishiq ka tiima tsantsii siirairai, khangriri rüm laita sitiikai. Jamkhano ngukla, naishiq ka wranaiqshe athuk atsom jaqsham wan kli lungwii tiikai.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 4:8

Akhek pinthum, namshiq liipan na riimang riichan maq sirong laq. Mangchan tsii miitiq kongti mra ümchu li siraü min midii kuq lot han.

2 Peter 3:1

Lungwii phunobi lei, ngi raq namshiq ma ümchaü lak waiq tiikang ara raq, jangnai she waiq tiikang. I lak anai ri na namshiq ma tiima tsantsii khangriri tingting maq sironglaq nguta, namshiq tsan tiichhiike miitu waiq kang.

1 John 3:18

I setiim lei, nashiq liipan na riilung riiwii maq sitiikai ngutiika, na nübok maq lamlam se li tiitsaki rai raü ka hong mak. Nashiq liipan na lungwii tsantsii rümtiikai kriika, awongsii lungwii tsii rüm chang. Arka nashiq raq jaqsham maq tiichhi laita sichang.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.

RUTHA 3:11

Riita, ümchaü min Rut lei, ümniika naq chapakiq. Ümniiraq ngi ma jamlai sham akai wa kiinong kuq laü, kriika ngi raq miliikuqha dongdii. Ümniika maiqshaq nguta ara chelati maiq wiita raq asap siisaq.