Philippians 4:9 - ASII LAKDAP Bible (BSI)

⁹ I jaq tho wa namshiq raq jamlai phan wa tsinhon wan lan, kiimaq jamlai phanwa lap wan lan kra thun kra, lang lanta si rong laq. I bomchong wa kiimaq i jaq sham wa, jamlai wa tsin wan lan kra lang ronglaq. Nashiq ara khusang maq rümti Shiikeawe ka namshiq rai adam misi laq.

Hawa Naga Bible 2001

⁹ Ngvy kvjaz wawc muinz, ngvy yauk shuimc kay waungc wawc muinz nuimshiq rueq tvluing khiz tay wvnc tuit htenc kvruex phvnx wuez shuinz, kvkhoc shuimx ruiux jix naungshiq muex nomic kuy jix waz Tishox kuex nuimshiq rulc vdvmz nuex httax naungx tuex.

Muklom

⁹ Nim aa bari raaq raa iching wang tatal tin, iching wang kap tin, iching wang tat tin, etho bara nga somlo ang tha nim aa khi tin, eshimal somlo inn. Etho nungmay kottey wa Shkewa nim jam na tong na.

Philippians 4:9 Referencias Cruzadas

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 8:10

Namshiq raq rechap wan ma wutan langphok ronglaq! Shatmaq tiina tsangshiq raq ümtiikiimin tangmak miraq. Namshiq raq aroro tsütsit siq rongliina! Shatmaq kriithun ka atuli miraq. Jamkhano ngukla Shiikeawe ka naishiq rai asi.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Matthew 7:21

“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Luke 6:46

“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?

Luke 8:21

Kiijiishe, Jesuq raq tsangshiq tarü ma chongto, “I nyung nai i notiim ka, jurwa Shiikeawe bomtsi ka tai tlaq, raüta lang tlaq, kriiti thun kata, ngi ma i nyung nai i notiim,” nguta apaiq raq tsangshiq bom ka treto.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 15:14

Kiimaq ngi raq namshiq ma jamlai aming wa kuq tiikang kra namshiq raq lang wan lili riihan jiika, namshiq ka i khi i lu wetiim miishe mija wan han.

John 2:5

Kiijiishe, “Apaiq raq namshiq ma jamlai bom wa chong jiiq, kra phanphan sham rong laq,” nguta Jesuq nyung raq jaqshamtibi ma chong kuqto.

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

Romans 15:33

Riita, ümchaü min, Shiikeawe, nashiq tarü khusang maq rüm wanti we ka, namshiq tarü rai adam misi laq nguta achuli jaü tiikang. Amen.

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

1 Corinthians 14:33

Ara jamkhano chongtiikang ngukla, Shiikeawe raq nashiq ka brak biishaq, branrok rai trang ka romak. Ahea wiq maq tsangriri hea kiimaq sanglili hea maq, tiitho tiipha raüta tsütsa chongke raa tlo. Riita Shiikeawe sengi phungtu thun na lang tlaq kiikhiisii,

1 Corinthians 4:16

Riita arkha maq, namshiq ma phaqthak nithak lata chongkuq tiikang, namshiq raq i jai ara phan ronglaq.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

Philippians 3:17

I phu i notiim lei, namshiq ka i jai phanphan warong ra. Naishiq jaqtho asapti raq, jamkho naishiq jai phanphan riikhaqli watlaq, kriiti thun jai ka phan lanta wawan lili rong laq.

Philippians 4:7

Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.

1 Thessalonians 1:6

Namshiq ka naishiq pumsongti. Namshiq ka Shiikeawe puk na nyap wan lan kha maq, pinthum rojaq chamchao min, riihum wan lan. Shatmaq, Asii Wenyi raq achongkuq, asii bomtsi tsütsa ka chojong chise maq lang wan lan.

1 Thessalonians 2:14

Phunainotiim lei, Judia wang na siti Phungmaiqsetiim, Jesuq Khristo riishe nguta sitlaqti ma jamlai chamchao wa saü wantaq, kriika namshiq miimin hali saü wanto. Tsangshiq ka Jehudinok raq tiichamchao wanto. Kiikhiisii hali, namshiq ka namshiq maiqmii mungti raq tiichamchao wanto.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

2 Thessalonians 3:4

Kiimaq, Tatiwe raq namshiq ka wenyi rilung na maiqshaq ma tiija tlo nguta, naishiq ka tsankhun maq sitiikai. Krai mren, namshiq kamasham rilung na, naishiq raq namshiq ma jamkho shrinkuq kai, kra phanphan ümchaü jamkho lang tlan, kiikha, jai miili jiimin lang wan ruq maq misi han nguta kam tiikai.

2 Timothy 4:22

Tatiwe ka ümtsaiji rai misilaq. Shiikeawe kaphap ka namshiq tarü rai misilaq.

James 1:22

Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

1 John 3:22

Nashiq ka Shiikeawe wokhong na sitiikai. Laita apaiq aming thun ka lang laita sitiikai. Kiimaq apaiq raq ro tlaq kra phan phan jaqsham tiikai. Krai mren, Shiikeawe jaq wa nashiq raq jamlai wa jaü tiikai, kra apaiq raq nashiq ma kuq tlo.