DANIEL 3:28 - ASII LAKDAP Bible (BSI)

²⁸ Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

Hawa Naga Bible 2001

²⁸ Hokhvmx waz rueq, “Shadrak, Meshak, nuiyc Abetnego hez Tishox muex tvtsvmc wuez shuinz! Vpiq rueq vpiq raungkamx waz kuex tvkaz vtueq vpiq muex tvluimc jix waz thuimx kuex palc wvnc tueq. Tsuingthuimx kuex ngaz rueq nvrc bomc phvnx muq maq tsuingshiq Tishox maq lvy vtueq vganc tishox muex tuk nguk bumx muq nuiyc nawk palx muq tvkoc tsuinghez thuiuzthuic maq khvmc tueq.

DANIEL 3:28 Referencias Cruzadas

RAPHA HIQWA LAK 9:26

Shem Tati Shiikeawe ma tiitsamlaq! Kanan ka Shem dise ma mija.

1 KAÜWA WERAÜ 5:20

Tsangshiq kamtsantsii ka Shiikeawe ma kuqto. Raüta Shiikeawe jaq wa khrum lap miitu achu jaüto. Krai mren Shiikeawe riimin tsangshiq achu jaü ka treto. Raüta tsangshiq ma rekhat ka tiitang kuqto. Tsangshiq raq Hagraiqnok nai tsangshiq raq ashun renok ahin thun ka wiita tangto.

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

2 KAÜWA WERAÜ 32:21

Krai mren, Tatiwe raq rase ashi tiikito. Raüta Asiria mungti phentu nai phentubi thun ka jiip baiqto. Krai mren she Asiria mung pengti ajong hokhamwe ka jeasi kongtam shi ho raü tiishe tsang mung na jang wanto. Raüta ranaiqshi apaiq ka aphra kaü shomjam na riito. Kriiwa asetiim wiijamti raq apaiq ka nepjasai maq sebaiqto.

EJRA 1:3

Riita, Shiikeawe ka namshiq apaiq saüsetiim rai adam na misi nga laq. Riita namshiq ka Jerusalem na warong laq. Lanta, asengi raq Jerusalem chela na shomnoq wantlaq Israilnok Tati Shiikeawe Shomjam kriishe tiihea hai wan rong laq.

EJRA 6:11

Kiimaq ngi raq arthaq niimin tiitsuq lata aming ka atsin maq hali kuq nongtiikang. Maiq weshi ra raq ara aming tat tiikang ara jin raüla, apaiq jam kriiwa tipi ashi kra lam raüta, siimko ka siraü raü tsam chang. Raüta kra tipi khu piq kriimaq akhum kra siimko maq riita siimko na tlatchhat thotbaiq ratlo. Kiimaq apaiq jam kriika wiita tiimiqchup runbaiq chang miraq.

Tvtsvmc 103:20

Tatiwe tiitsam ronglaq, namshiq ahong ala rasetiim raq, namshiq apaiq aming wokhong na siti raq, apaiq raq jamlai wa chongtlaq kra taitibi raq.

Tvtsvmc 147:11

shatmaq apaiq ka apaiq shrengti ma khoqriiqtlo, apaiq tiipitmakphan lungwii ma kamti ma khoqriiqtlo.

Tvtsvmc 33:18

Tatiwe raq apaiq aming langtibi ka liishat, apaiq tiipitmak phan lungwii ma kamtibi ma.

Tvtsvmc 33:21

Nashiq ka apaiq ma chochi tiikai; nashiq raq apaiq asii mang ma kamtiikai.

Tvtsvmc 34:22

Tatiwe raq asenginok mitiichhiikuq; awokhong na watibi thun apaiq raq mitiichhii kuq.

Tvtsvmc 62:8

Wranaiqshe Shiikeawe ma kam ronglaq, isenginok lei. Namshiq chamchao thun wiita apaiq ma chong ronglaq, apaiq kata nashiq tiiwongtiip.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

DANIEL 2:47

Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

DANIEL 3:25

“Riita ikhiijiika, ngi raq maiq weblai jongri watum mong na akhumsea chhitiikang ahata?” nguta apaiq raq waito. “Tsangshiq ka khahü. Kiimaq tsangshiq khum na wakhiim tsi min ahü. Kiimaq weblai ngojawe ka rase ngochang chang ikha tiichhitlo.”

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 6:16

Krai mren she hokhamwe raq Daniel lapwa miitu aming kuqto. Raüta apaiq ka hangsikong khok mong kiijaq tiidea baiqto. Apaiq raq Daniel ma akha nguto, “Riita ümniika ümniiraq apaiq rai tiipumtlii laüta shomnoq tlaü Shiikeawe riitiq she dea mitiichhiikuq laq.”

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Acts 4:19

Kiijiishe, Petar nai Johan raq, “Shiikeawe maklii na, apaiq aming tai raüta si kra sha ahea miraq, sha namshiq aming kra tai raüta siraü wa ahea miraq, kriika namshiq welabi raq tri ka shin rong laq.

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

1 Corinthians 13:3

Kiimaq ngi raq i jaq na tsiiq nai nyam ümchuwa rüm tiikang kra wiita kuq lata, miitsan miijan maiqse thun kra mikhrum kuq ha min aja sham. Kiimaq i khum ara dongdii min, wa na tiikhiim chaq baiq ma kham lili, i tsan i tsii mikuq ha min aja sham. Shatmaq i tsan na lungwiitsii rüm mang jiika, arthun chongtiikang arka, ngi ma jamlai liip dong chang min ahü li miraq.

Philippians 1:20

Ngi raq riiwe kla, ara Shiikeawe minshiiq tiikang arka, ümtiikiimin nungpaq mang maq misham ha, nguta i tsan na tsihea maq, kiimaq tsaühea maq hang lata, sitiikang. Arka wranaiq she, kiimaq akhek ka ümchaü akha akhing na, i tsan tiijong shat maq sitiikang. Lata, atra sikang lo, kiimaq amaa sikang lo, i khum ara lümaq, maiqse raq Khristo khushü jonglu kra sap raüla hongjiiq nguta sitiikang.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 11:37

Tsangshiq ka long maq tiiqbaiqto. Kiimaq, laklü maq khonai ma tiikho han baiq wanto. Tsangshiq ka, ja maq lüpbaiq wanto. Tsangshiq ka, khu akhea min ahü, kha maq sku khü nai chhechhi khü sam raüta, miishmii, barap binrii na miitsan miijan, amang ale miili chamchao wanto. Kiimaq, phanrap na haibi hiiti maq wiita haihii raüta, tiichamchao wanto.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.