ISAIA 26:4 - ASII LAKDAP Bible (BSI)

⁴ Tatiwe ma pattup kam ronglaq; apaiq raq nashiq wranaiqshe mitiiwongkuq.

Hawa Naga Bible 2001

⁴ Yehowa muex pattup tvluimc wuez shuinz; vpiq rueq naungshiq kuex mkaq muinz tvkhup wungx shuex.

ISAIA 26:4 Referencias Cruzadas

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

2 KAÜWA WERAÜ 32:8

Apaiq jaq niika maiqse ningkun li sitlo. Shatmaq nashiq rai ka Tatiwe, nashiq Shiikeawe asi. Apaiq raq nashiq mikhrum kuq kiimaq nashiq re ka mikhat kuq.” Mung maiqse ka tsang hokhamwe bom kra tai raüta tsaiji kongtam puqshi she jongto.

YOBA 9:19

Riita ningkun tri shea mishoq ha? Shiikeawe rai ningkun tri miklo lot shea? Maiq ashi ra raq apaiq ka mitiikiwa lot shea?

Tvtsvmc 125:1

Tatiwe ma kamtibi ka Jajon pum ikha, kriika ümtiikiimin bai lotmak, ümtiikiimin tiijin baiqlot mak.

Tvtsvmc 18:2

Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.

Tvtsvmc 46:1

Shiikeawe ka nashiq tiiwongti kiimaq nashiq ningkun, chamchao akhing na khrumke miitu wranaiqshe khekham sitlo.

Tvtsvmc 55:22

Üm chamchao ka Tatiwe ma kuqlaq, raüla apaiq raq ümniika mitiiwongkuq; apaiq raq mitting maiqsetiim ka re ma tiitang mak phan.

Tvtsvmc 62:11

Jangshi ngo ma apa Shiikeawe raq ningkun rümti ka apaiq nguta nguto taikang

Tvtsvmc 62:8

Wranaiqshe Shiikeawe ma kam ronglaq, isenginok lei. Namshiq chamchao thun wiita apaiq ma chong ronglaq, apaiq kata nashiq tiiwongtiip.

Tvtsvmc 62:9

Maiqse ngutlaq ka wiita tsitsü hea tiikai ikha siisaq; ajong ala kiimaq wepuq wese wiita thiihü siisaq. Tsangshiq ka tok na shin raüla, tsangshiq ka chiiphüphüli shaqmii; tsangshiq ka miinan tsitsühea thaq niimin achii.

Tvtsvmc 66:7

Apaiq ningkun maq mung ka pattup pengtlo kiimaq maiq mung thun kra amak maq liishat rümtlo. Apaiq jaq wa mung nyeati jumin dong mai mak.

Tvtsvmc 93:1

Tatiwe ka hokham. Apaiq phung ka chaqhea kiimaq aningkun ka henghea. Hiq ka phataqtaqhea shongto, kriika atiimeshi maimak she.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 17:10

Israil lei, ümniiraq Shiikeawe, ümnaq khup wongketiwe, longkaü jonghea kaü wokhong na atiipaüwa ikha, ümnaq khup wongketiwe ka laqbaiq laü she. Apaiq shomnoq wan rii na, ümniiriika asii sonruk setiim she klo wan laü. Laüta kiijaq pongmungti sumla phra kriishe shomnoq tlaü.

ISAIA 30:29

Shatmaq, namshiq Shiikeawe senginok ka chojong chise kiimaq ashi ange, asii poi klotlan rawa na chochitlan ikha michochi han. Namshiq ka Tatiwe, Israilnok tiichhiiti Shomjam na Shiikeawe shomnoq wati wiinum shewa paimin toro tsütlaq kra phan phan wiinum tlaq ikha michochisiq wan han.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 44:8

Naqhai rongkiq, isenginok lei! Namshiq raq asaphan kata, richüpat maq riitea ümchaü na saüli, Ngi raq ümchu hongtha wan chang wa kra tiithai wan kang. Kiimaq namshiq ka isaqsekong sitlan. Riita tisho ahin ka asi shea? Ngi raq jangshi ra min taimang shaq tisho ka asi shea?”

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 45:24

“Tsangshiq raq Ngi lümaq lam lam li, rekhat mitang kiimaq ningkun milap wan; shatmaq Ngi ngengti thun ka tlotli raq jea mingaü.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 51:5

Ngi ka jaqloli mikiha lata tsangshiq mitiichhiiha; ngi raq rekhat tangwan akhing ka ajelishe. Ngi raq ipumsii maq maiq mungtan thun ka mipeng wanha. Rathoko na siti maiq mung thun raq ngi saüho khetlo; tsangshiq ka ngi saüho lata tsangshiq mitiichhiikuq nguta ranphankhiq khetlo

ISAIA 63:1

“Edom mung wa Bojra chela maq waraitlaq ka juwa? Ara kheashii miirii sam raü arang ajong kiimaq ningkun ajong ho raüta warai tlaq ka juwa?” “Arka Tatiwe, ningkun jonghea hoti tiichhiiketi, apaiq raq rekhat tang kangshe nguta tsütsa tiitaikai kitlo.”

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 33:27

Shiikeawe ka wranaiqshe ümnaq tiiwongti; pattup pat-sa jaq phum maq ümnaq thü datlo. Apaiq raq ümjaqtinok ka ümniiraq hiq jiiwantlaü kra phan phan jobaiq wanto, kiimaq ümniima tsangshiq ka wiita jiipbaiqlaq nguta ümniima chongto.

Philippians 4:13

Khristo raq ngi ma ningkun kuq tlaq kriimaq, ngi raq phanrap akhing saü wan tlaq kra nin lot tiikang.

1 SAMUEL 2:2

“Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.