ISAIA 26:5 - ASII LAKDAP Bible (BSI)

⁵ Apaiq raq shiikongkhiq maiqse thun aran ma tiija baiqto, apaiq raq tsangshiq sichang chela peruk weshaü thepthep tiithen baiqto, raüta chela ruk thun botkhulai rai shottlii riito.

Hawa Naga Bible 2001

⁵ Vpiq rueq ngamc vngax httaz jix miq kuex tvyomx gay ruiux; tsuingshiq httax yaq phaungx ngaungx hvlc ghaqyungx kuex vpiq rueq tvbac gay tueq, kvruex palx ruk htenc kuex bokkhuyx muex tvyaungc laz httak tvrul gay tueq.

ISAIA 26:5 Referencias Cruzadas

Tvtsvmc 79:8

Naititiim raq ngarai thun tang kha na naishiq ma mo naq tiihokiq. Naishiq ma ümchaü tiihang mangchan tiichhi kuqlaq; naishiq ran chang jamlai min ahüshe.

ISAIA 13:11

Tati raq ngutlo, “Ngi raq mangjong hiqraikhü na chamchao jonghea mitiisaüha. Lata abi kloti thun ma tsangshiq ngarai kha miitu mo mitiihoha. Ngi raq shiikong miilongti thun loweatek ka aranse ma mitiijaha. Kiimaq wanshak shakti nai maiq ka jimaq nishishiti thun ma mo mitiihoha.

ISAIA 14:13

Ümniika ramungtan na düwantlo hajaq nguta pinthum shiikut chaq wan laü. Laüta ümhokham ngacho ka ratsan ramong nyang na raiqsaiq thun thaq na diiluhea pinthum ba na nga wa hajaq nguta shiichaq tlaü. Ümtsan mong na kra pum khu thaq na shekhu nünü kiijaq phra kong ngongthun tlaq ba kiijaq hokhamwe ikha ngahajaq nguta tan khan wan laü.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 24:10

Chela mong na mungbrak shaq wan li she. Mungmaiqse ka maiqmii jam mong na kilü maq tiisan raüta maiqmii khum tiichhii ngatlo.

ISAIA 25:2

Ümniiraq chela thun hiqmiq changkhü ma tiijabaiq laü kiimaq krii tro na kiitelong ruk thun ka wiita tiithenbaiq laü. Naishiq jaqtinok raq hokham jam thun ahai wan ka pattup miitu thento she.

ISAIA 32:19

(Shatmaq rum niika tsakhiiq henghea mirok. Kiimaq chela ka wiita tiihihut mitiibun baiq.)

ISAIA 47:1

Tatiwe raq ngutlo, “Bebilon lei, ümhokham ngacho wa satkikiq, laüta hiq na botkhulai thaq na ngalaq. Man na akhing ashi na ümniika junsang riilaü, chela ashi re raq jiimak shaq riilaü, shatmaq ümniika hünin hanninse ka riimaü she! Ümniika ümchaü maiqdi nyung she!

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

JEREMIA 51:64

Kra laüta, akha ngulaq, ‘Ara lakdamkom jamkho chum mong na sang wantlaq akha, Bebilon mung ka chummong na mitiideabaiq. Krai mren ümtiikiimin thongshi ka ra na dong lot mak she miraq. Jamkhano ngukla Tatiwe raq armung ka mitiithenbaiq.’” Jeremia bomchong ka arshe thumto.

AJONJÜ 2:2

Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

EJEKIEL 26:11

Tsangshiq kumrang leng thaq na chaoti phenlabi thun ka ümchela mong na chii heawea lamjong thun kra wiita kom wan raüta mikhat wan. Raüta ümsenginok ka nepja maq mijiipbaiq. Ümchela tro na angang alang khamchong thun ka tiithen baiq raüta hiq na mitribaiq wan.

EJEKIEL 28:17

Ümniika ümsham tsomhea khana shiikongsiq laü, kiimaq ümmang jong tsaki raq ümniika angiwe ikhiishe tiijabaiqto. Kiimaq angiwe ikha kiimung tlaü. Arningkhan Ngi raq ümniika hiq na tiidea baiqkang. Kiimaq ümnaq tiideabaiq kang kriika hokhambi ahinti ma honlam chongke riito.

Revelation 18:2

Apaiq raq tiihong raüta akha riimto: “Thento! Thento! Ajong Pinthum Bebilon Chela thento! Apaiq sichang jam ka ümchaü shotsai winji kong tiibo chang she. Ashe ashi maiqphai asi wushi kong da chang chong miishe jakito.