ISAIA 12:2 - ASII LAKDAP Bible (BSI)

² Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

Hawa Naga Bible 2001

² Tishox kuex ngvy palc jix waz rvtueq; Ngaz vpiq muex tvluimc ningkhvnc nuex hiyaz mauk. Yehowa rueq ngaz muex luimc vkawc nuiyc hungc vlaungc kuq phuex; vpiq kuex ngvy palc jix waz rvtueq.

ISAIA 12:2 Referencias Cruzadas

2 SAMUEL 7:24

Ümniiraq Israilnok ka pattup pat-sa ümsengi miitu she tiija wan laü. Kiimaq Tatiwe lei, ümniika tsangshiq Shiikeawe miishe jawan laü.

YOBA 13:16

Jursap akha achaq awaq maq chapha jiika ngi tiiwong wan chang wa riila, jamkhano ngukla ashutwe ka Shiikeawe man na chap wa kham mak.

Tvtsvmc 112:8

Apaiq ka chapa mak riimakla haimak; apaiq raq ajaqti thun ka mitiitangkuq nguta kamto sitlo.

Tvtsvmc 118:14

Tati raq ngi iningkun shoqkuqtlo raüta ngi ka koilajong ma tiijatlo; apaiq raq ngi ka khupwong kuqto.

Tvtsvmc 118:21

Ngi raq ümnaq tiitsamtiikang, Tati lei, jamto ngukla ümniiraq ngi achujaü trelaü, jamto ngukla ümniiraq ngi ma rekhat tiitangkuqlaü.

Tvtsvmc 27:1

Tatiwe ka ngi ma rawü li, kiimaq ngi tiichhiiti; ngi ka jumiimin hai mang. Tatiwe raq ngi ka ahaisong chang tlotli wa tiiwongtlo; Ngi ka ümtiikiimin haimang.

Tvtsvmc 65:6

Ümniiraq ümningkun jong maq pum thun ka tiiq laüta tiinga shonglaü, kra ümningkun jonghea kra tiichhi kuq laü.

Tvtsvmc 68:20

Nashiq Shiikeawe ka nashiq chhiiti Shiikeawe; apaiq kata Tatiwe nashiq Tatiwe, apaiq raq nashiq ka atsai wa tiichhiitlo.

Tvtsvmc 68:21

Shiikeawe raq ajaqtinok khupo thun ka tengteng mitiibun baiq, tsangshiq ngarai lamphan niili siruqti thun ka.

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

DUNGWVNC 15:2

Tatiwe ka ningkun aheng ngi tiiwongti; apaiq raq ngi khupwongto. Apaiq ka ngi Shiikeawe, kiimaq ngi raq apaiq mitiitsamha, iwe ma Shiikeawe, kiimaq ngi raq apaiq jonglu mishiha.

ISAIA 10:24

Ajong Thaq Na Ajong Pinthum Tatiwe raq asenginok Jajon na siti ma akha ngutlo, “Asiria mungti ma naqhai rongkiq, tsangshiq raq namshiq ka Ejip mungti raq jamkho jamshataq ikha jamsha rattlaq li jiimin naqhai rongkiq.

ISAIA 17:10

Israil lei, ümniiraq Shiikeawe, ümnaq khup wongketiwe, longkaü jonghea kaü wokhong na atiipaüwa ikha, ümnaq khup wongketiwe ka laqbaiq laü she. Apaiq shomnoq wan rii na, ümniiriika asii sonruk setiim she klo wan laü. Laüta kiijaq pongmungti sumla phra kriishe shomnoq tlaü.

ISAIA 27:5

Shatmaq isenginok ma wesang raliinok raq iwokhong na siwan lungwiitlaq jiila, tsangshiq ka ngi rai wehea mirjatlo laq. Tengto, tsangshiq ka ngi rai wehea riija ratlo.”

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

ISAIA 38:20

Tatiwe lei, ümniiraq ithatsi tiiheakuq laü. Naishiq raq phaqlamtoro tsü laita ümnaq tiitsam mishi hai. Naishiq atra sikai wiiwii üm Shomjam na tiitsam shi mishi hai.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 49:5

Ngi raq rawü michhi shaq niiphü, Tatiwe raq ngi ka shongto; apaiq raq ngi ka ajaqshi se ma shongto, asenginok ka tiijang shea wan nong miitu, Israilnok anyinbaiq rat kriithun ka tiijang tsuq wan nong miitu, Tatiwe raq ngi shrengtlo; apaiq ka ngi ma ningkun tu.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 51:12

Tatiwe raq ngutlo, “Ngi ka ümniima ningkun shoqketiwe. Ümniika han-ngam hiqda maiqse jaram haiwa, apaiq ka sangphii ikha aloseli misi riimaksha?

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 62:11

Arka Tatiwe raq mangjong tlotli ma tiitaitlo; “Jerusalemti ma chonglaq, Tatiwe ka ümnaq tiichhiikai kitlo, Apaiq raq chhii wantaq maiqse thun apaiq rai shea raüta.”

ISAIA 65:18

Ngi raq jamlai wa anye tiiqwan kang kra miitu chochi ronglaq kiimaq pattup pat-sa khoqriiq shishiiq si ronglaq. Ngi raq anye Jerusalem tiiqwan tiikang kriika chojong chiseli she misi wan. Kiimaq asenginok ka khoqriiq shishiiq she miraq.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

JEREMIA 3:23

Naishiq raq hiqlam thun thaq na thatsang wan kai. Kriiriika naishiq ma jamlailiip min ahü riito. Israilnok ma khrum kewanti ka Tatiwe, nashiq Shiikeawe riili khrum kuqtlo.

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

Hosea 1:7

Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

Yoel 2:23

“Jajon saünai setiim lei, pinthum chochi ronglaq. Namshiq Tati Shiikeawe raq, namshiq miitu shamkuq wantaq, kai khoqriiq ronglaq. Apaiq raq liidong wan rajun min akhing riikhaqli na kuqto. Kiimaq ralii rajun min hongli tiisaü kuqto. Kiimaq lamsesat jun min riikhaqli kuqto.

Jona 2:9

Shatmaq ngi riika ümnaq tiitsam kam wan, shinge kli mishinge ha. Ümniima honglu kli mikuq ha. Lata ngi raq kongphiq kha kang kra, ümniima mikuq wan ha. Tiichhii wantiwe ka Tati ümniili!”

HABAKUK 3:18

ngi ka chojong chise miili she, misi wan ha. Jamkhano ngukla Tati Shiikeawe ka, ngi Chhiiti.

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Revelation 7:10

Raüta, tsangshiq ka tiihong raüta akha rü trangto taikang: “Hokham ngacho na ngati, nashiq Shiikeawe nai Skuse raq, rekhat tangto she!”

1 SAMUEL 2:1

Hanna raq akha achu jaüto: “Tatiwe raq imongjii na, chochi asho awo kuqto; ngi ka kai chochi, apaiq raq ngi ma klo kuqto! Ngi raq ijaqtibi naikü tiikang, ngi ka pinthum khoqriiq tiikang, Shiikeawe raq ngi khrum kuqto!